等不到攬炒的青年

 

「唔去做暴徒咪又係返去打埋曬啲濕鳩工!」

「我戶口剩返四位數,仲有乜嘢輸。」

大家應該仲記得喺馬路嘅噴字,「幾千蚊租劏房,點會驚坐監」

 

社會科學唔係科學,因為唔會有人百分之一百同人講真話,只係靠問答,永遠係唔會搵到個因果關係。

「點解出來暴動?」,呢條問題,答得你嘅,一定係滿口大理論大理想,呢啲理論理想唔係假,只係要配合「出來暴動」呢個咁高風險嘅行動,就要本身條命「無嘢輸」,即係對現實對未來都絕望。

我諗務實嘅香港人,其實都好明白呢樣嘢。

而家五六十歲嘅人,後生嗰陣,打份工,食正樓價平,然後爆升,身家暴漲。

而家四五十歲嘅人,後生嗰陣,就業市場都算穩定,生性啲供下樓,都食得正樓價升,身家暴漲。

而家三四十歲嘅人,啱啱出來做嘢嗰陣係金融風暴,樓價平但唔到你買,到儲到啲錢又已經買唔起,而家未買就唔好講。

而家二三十歲嘅人,就算專業人士一畢業搵幾萬蚊,靠自己都唔洗旨意買到樓。

咁計四十歲以下,撐暴動撐攬炒嘅,一定多架啵,所以有醫生有工程師出去暴動被捕,其實就係反映呢個社會有幾悲哀,連專業人士都睇唔到前景。

香港而家嘅客觀現實就係,就算一個人搵幾萬一個月,其實只係滿足到一個唔算好高嘅生活質素,一樣係要返工放工逼車,一樣係要喺公司對住啲唔知點解高級過你嘅濕鳩人,一樣係每日OT 到唔知幾點,一樣係無父母幹就唔洗旨意買樓結婚。

亦都因為呢個客觀現實,好多人係非常咁支持暴徒破壞社會安寧,早排已經有調查,只有1.6%受訪者認為傷害警察係有問題。呢個數字本來係非常咁「唔健康」,但偏偏大家睇到呢個數字,心境都會感到很踏實,「原來咁多人同我一樣想警察死。」

 

我諗政府其實好清楚呢啲客觀事實,亦好清楚而家嘅持續暴動,根本原因係財富不均嘅問題,否則政府係唔會喺施政報告講得出青年住屋呢樣嘢。

問題係,政府口裡就講,要點點點解決青年住屋問題,實際就係推措施托市,慌死個樓價唔升,的而且確,施政報告一講完,就傳出地產代理話有業主封盤加價。

香港政府一日只係「忽悠」香港人,口裡話要解決問題,其實仲係偏袒地產商,唔實實在在咁大量興建公屋,唔大量推出年輕人買得起嘅樓,唔限制住屋同埋商舖租務,任由社會極大部份嘅生產力用左去供養地產商,咁所有野,包括香港人本身嘅生活質素,都無可避免咁拉低曬。

呢個特別喺無樓一族,享受唔到資產增值帶來嘅安全感,可供消費嘅收入(disposable income)亦唔會多,對未來就唔會有乜嘢盼望,支持暴動嘅氣氛亦只會有增無減。

真正絕望嘅人去做暴徒,對現狀不滿嘅就捐錢義載義父母義補習咁支持暴徒。「用自殺的心去暴動」,仲喺前線嘅人,其實好多都寫定遺書,對佢地來講,攬炒係目的唔係手段。

我只係唔明,政府同警察面對咁嚴峻嘅管治危機,仲死攬住高地價政策益曬啲地產商為乜?

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • Client 問我點解自己係「仆街磁石」(上) by Professor Chan
    佢自從中學由女校畢業之後就無試過單身⋯⋯連一個月都無。每次同一個男仔分手,佢好快就會同另一個人一齊,佢話佢已經唔記得單身係咩感覺。…
  • Client 問我點解自己係「仆街磁石」(下) by Professor Chan
    依家,你重新行一次,你由出世到依家呢廿五年嘅經歷。好似一段Video咁,由過去,由開始播放,播放到依家呢一刻⋯⋯你可以由得唔同嘅片段喺你個腦入面播放,唔需要去控制佢,一路播一路同我講你見到咩。」我講。…
  • 香港人就係純樸到連日本人都可以喺度橫行霸道 by 白木乩
    就算係日本老母來到香港,無左其他日本人嘅目光,無左其他日本人文化監察,無左其他日本人鬧佢「打咩」、「巴加丫囉」、「渣媽」,出名桎梏出名壓抑嘅大和民族,都係會個性解放,係「個性」解放。…
  • 【遊戲新聞】NS糞級新作引起熱潮 《Final Sword》挑戰任記的可疑作品 by 五木
    以前超任、PS 年代因為資訊不流通,但係「買」Game 又極平嘅關係,所以成日玩到糞作。隨住資訊變得流通,今時 […]…
  • 由林美戀談起——藝人基督徒,係咪好好撈? by 殷琦
    無論16 年背夫偷食單野又好、現時與非基林作拍拖都好(雖然個人而言基與非基我是ok既...~)、「High Profile處理感情生活、信主後感情生活仍然混亂」是我覺得對你算中肯的評價。但這其實都超出一般教會的接納程度了吧?既然是藝人,言行…
  • 吃子的文化 by 健吾
    我有時會想,是不是真的有人會覺得「考得唔好唔緊要」,是一句安慰語。我考得好,所以我沒有辦法說什麼。對考得不好的同學,我也不能說「你考得不好不好意思」。更甚者,我有學生因為考得不好,進不了醫科而感覺遺憾終生,幸好他是一個鍥而不捨的人,讀完一個…
歡迎讚好我們的facebook page,免費資訊源源送上。

文章資訊

ID: 200158
Date: 2019-10-18 07:01:36
Generated at: 2020-07-08 22:57:50
Permalink: https://www.vjmedia.com.hk/articles/2019/10/18/200158/等不到攬炒的青年