你,要同情美心嗎?

 

開始有一股風氣話要同情美心

應唔應該幫襯一間食店,從來都係由消費者嘅口味決定,淨係由佢開始賣空氣包果一刻,呢啲咁嘅劣質食店就一定要罷食啦。呢四個月,我哋見到佢哋家族嘅代表點樣係香港人嘅傷口上面灑鹽。淨係罷食已經有啲便宜左呢一間食店?

同情美心都可以,但係至少都要做一啲東西去取悅香港人,證明自己改過遷善吧。要求美心捐錢畀星火,可能太矯枉過正,不過考慮到之前佢哋做過咁多傷害香港人嘅事,如果你能夠做到,香港人可能會放你一馬。

嗰個老女人係管理層又好,係股東又好,我哋外面嘅人唔會知內部嘅運作,但外國勢力David Webb都睇唔過眼,話佢其實每年都收股息,咁即係佔了便宜啦。佔了便宜又賣乖,香港人係唔係要俾啲骨氣,唔好咁容易比記憶沖淡一切。

每一個商人多少都有難言之隱,但至少唔係落井下石,傷口上灑鹽。我哋見到好多保安或者員工係抵擋警察衝入商場去傷害消費者,雖然有時都抵擋唔到呢啲悲劇嘅發生,但至少見到盡咗力。我想請問一句:如果我買一個蛋糕喺上面寫「光復香港時代革命」八個字,得唔得先?一句講晒。

本來時間可以沖淡一部分,但如果冇改過嘅覺悟,只係販賣悲情意圖洗白,到頭來只係會勾起返大家對美心嘅仇恨同討厭。

從來被裝修嘅店都只係少數,呢一間係我屋企附近嘅美心餅店,從來都冇俾人裝修。門面非常光鮮,令人想起咩叫金玉其外敗絮其中。

 

請支持金融經濟的精神食糧Patreon

 

作者:渾水

渾水

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 200169
Date: 2019-10-18 18:00:00
Generated at: 2020-06-04 19:18:08
Permalink: https://www.vjmedia.com.hk/articles/2019/10/18/200169/你,要同情美心嗎?