同情美心？不了。

做人冇公關真係死得人多。呢個世界有d 人，真係唔好成日衝出黎柒，個世界會美好d既。

最近有人話，好似要同情美心，話同美心裝修又會逆轉民意，又會話會有前線好可憐。最搞笑既仲要講到前線阿姐好好笑容。

一間鋪頭要去到幾冇野讚，先會讚到個阿姐笑住賣野係「賣點」？而家香港人係咪賤到，習慣左出去消費，個個西口西面，於是你偶爾見到一個阿姐會對你笑，你就應該要感恩？點解前線賣餅既阿姐，會西口西面？咪就係賣餅果個大老闆賤格，對d 員工唔好囉？你如果對d 員工好，d 員工返工開心，自然而然就會笑。一間公司，出名賣難食既野，專做大陸人生意，而家仲要埋沒良知，不分青紅皂白支持政權，到示威者反撲，市民罷食罷飲，繁忙時間星巴克都只剩下不知道發生什麼事的外國人去幫襯，再加上大家在twitter tag starbucks 話呢間公司既老闆支持暴力執法機構，支持新屋嶺殺人強姦既政權，終於都驚啦，就叫黃絲KOL去幫忙說項洗白。呢個香港，點會有得救？

當香港而家人人都係度分黃店藍店，明知黃店難食，多人要排隊佢地都唔緊要。藍店就排晒烏蠅，個個老闆而家都驚d 員工多事亂講野之時，原來只要集團夠大，畀過生意佢做，KOL就可以埋沒良心，為黑白不分，為暴政說項的大老闆講好說話。看著那位KOL的粉絲說失望。有什麼好失望？呢個世界，所有人都係為錢。偉大到好似LeBron James 咁，見住人民幣，都會跪低，學左膠一句：沒有誰不誰更高尚。你第一日畀呢個人圈粉之時，唔係冇預到佢就係一個見錢見機會眼開既機會主義者咩？

理念？良知？咩黎架？食得架？

作者：隨緣

八十後公關公司小卒一名，渴望有一天，只是有人按讚，我就會飽。

閱讀後覺得好，請多多讚好及分享～：）