（示意圖片，偷的）
陰莖係男性嘅重要器官，除左用喺泌尿同埋生質，對於男性嘅健康心理都係非常咁緊要，「乜你無J 架？」係一句幾咁殘酷嘅描述。
土耳其有個男仔，天生患有嚴重嘅「陰莖發育不全症」（penile agenesis ），成條陰莖同埋尿道都唔存在。呢位男嬰同時患有直腸膀胱瘻管——即係膀胱同直腸不正常咁有連接，同埋膀胱輸尿管逆流——即係尿液從膀胱不正常咁往腎臟逆流。
陰莖同埋尿道都無，陰囊同埋睪丸則正常
就咁睇呢堆字，都可以估到，如果唔係醫學昌明，佢應該會好快夭折。
個男嬰由一出世開始就接受左好多手術，而家五歲，要靠導管引流尿液到體外，同埋要長期食住抗爭素預防感染。
醫生計畫喺佢青春期嘅時候開始幫佢做人工陰莖手術。
醫療團隊估計，胎兒喺12週開始發育不良，導致整個泌尿系統發育不健全。
生命係好複雜，人類呢啲多細胞生物就更加複雜，健康嘅身體唔係必然，每位男士都要感恩有一條用得嘅陰莖。
延伸閱讀：
Urology Case Reports Volume 25, July 2019, 100895
我去到2021年先唔再睇TVB——正向聯想 (Positive Association)
香港濕熱世界第一！？談散熱和濕度的關係
【職業安全】英國警花分享：防刺背心唔係咁著. . .
【遊戲評測】《血咒之城：暗夜儀式》新生惡魔城 四年等待完全值得
分手咪分手囉，三口六面講清楚好難咩？
薛定諤人生最尷尬的恥笑——薛定諤的貓實驗
2019年10月22日
