白滑長腿的死亡之吻?抽啱水去做選舉,餐廳執左我仲嬴得大呀!

 

葉太係我敬重既政治人物之一,一路走來始終如一。如果反對派有葉太般強硬,香港未必淪落到如斯田地。相信大家都睇過葉太今日專頁既post:

【西營盤「加記」…

Regina Ip 葉劉淑儀發佈於 2019年10月26日星期六

 

有人話佢係死亡之吻,有人又笑加記光速割蓆衰多兩錢,呢幕花生係面書充滿了快活既空氣~話雖如此,所謂死亡之吻,其實用做選舉個角度睇係除笨有精架。

係講葉太之前,再提提大家有樣野習慣左但唔好麻木,我地身處係文化大革命既風高浪尖之上。由國泰高調被搞之後,航運、黨鐵、教育、醫療、體育、地產等都相繼被批鬥,連計早前寶礦力、吉野家演變到美心等等既飲食行業亦早一步開始被清算,中共最擅長既批鬥,影響中共史最為深遠既文化大革命係香港已經死灰復燃,加上區議會選舉二元對立底下再將呢股文攻武嚇既風氣只會越來越嚴重,話雖如此,民意雖然歸邊,記得唔好麻木,陰溝翻船個風險係更大,尤其係區議會,所以唔好掉以輕心。

睇返加記事件個時序,似乎快到有啲唔尋常:

8月4日:加記被指負責人主動向警方提出冰水答謝,有網民呼籲罷食。
10月25日:有網民發現微博:我們是香港警嫂貼出「支持受害小店渡難關」既海報

10月27日朝早:文匯報刊登加記成為撐警受害小店的訪問案例2加記餐廳:險被黑恐逼跳樓 市民相挺見曙光

10月27 日11:43:葉劉係面書貼文

 

而呢個帖文同平時葉劉既帖文有啲唔同──做咩冇左張合照既?

 

點解平時會有咁多葉太既圖呢?好多其實都係佢自己upload上去專頁既,好似呢個post咁,就算葉太去參觀商場去間茶記飲杯野都會有張相都仲可以上載既,咁點解今次加記呢次就冇合照既?點解既點解既點解既?

如果呢位員工所言屬實既話,嗱老實講葉太既英勇行為係令人折服既。葉太身系要職,又係幾個委員會主席,工作繁重之餘更身犯險境,冒住生命危險,下放身段,係草根進餐,飽食之後依然無穿無爛,比起啲咩因為擔心生命危險而唔開會搞到流會既議員,葉太呢種剛毅不屈,「這就是做人,這就是氣勢」,唔係依樣葫蘆,略知皮毛咁相題並論嘅。

話返轉頭,如果冇合照,咁即係有可能被拒合照又或者唔願意將合照擺上網。咁要求刪帖呢個舉動真係好撚奇怪,第一,你可以接受文匯專訪,但唔接受葉太講感受,咩logic?民建聯搞撐「傷」店,但加記就同葉太割蓆,你係咪搞分化?我唔識解,我睇唔透。

但如果葉太冇食過既話,唔止係識玩,仲要係戰神呀,呢一抽邊有得輸呀大佬。

對於葉太黎講,加記執埋我嬴哂添呀。點解咁講?首先,葉太幾句回應就連消帶打,將個波引返去裝唔裝修加記呢個問題身上;就算加記冇俾人裝修,頂唔住要執柒,葉劉會抽啲咩水你諗都諗到,葉劉就可以係呢條line繼續推,加固自己鐵票既同時,又可以意圖搶返啲游離票,係選舉工程黎講,係高章既。而且亦忠於佢自己個條line。然後又用返「回歸理性」,繼續循環再用呢幾年既選舉口號,慳錢、慳力、慳時間!

所以係你地大家笑緊既同時,佢就係咁打樣做工程,唔怕俾你笑,最怕你唔睇,你睇佢個post既like comment share都係佢近期post既新高。佢知深黃既人郁唔到,靠用呢啲文嘗試打破回音壁,做damage control再試水溫,呢啲就係選舉,唔係以為次次可以打順境波,瞓低篤住自己個鼻就當自己嬴,有哂教材睇下對家點打點做,知己知彼呀。

我淨係覺得加記係可憐,唔係上報紙就一定有運行架,你諗下涉嫌殺人既犯都登哂報紙啦,憑你呢間管理不善既餐廳?送句俾你啦,「你為得我地皇軍效力,就要隨時準備殉職,唔係駛乜咁多錢請你呀!」(《上海灘賭聖》)僅僅係可憐咋,唔會同情架。

自己唔想好似加記咁俾人擺上枱?要知自己有咩權利先,記得睇懶人包。

 

作者:武士亭

漢江泄對家

閱讀後覺得好,請多多讚好及分享~:)

其他熱門文章

  • 審計雞 by FAKE 文青
    呢個情境每日都上演,你已經分唔清楚你嘅正職係一個auditor,定係一隻雞…
  • 李卓人用Zoom 搞六四,係咪想幫中共引晒啲民運份子出來? by 左膠正垃圾
    丫,唔知李卓人知唔知,係中國用zoom ,如果你講左d咩係國家唔中意既話,係大陸上緊既人,都會被爆門?…
  • 孟晚舟被定罪,比美國不給香港待遇更中中國要害 by Terence Yun
    大家要清楚明白中共決定將國安法入基本法當中,其風險必然會計算美國這一著,計算之內,意味著中共絕對可以承受到這個傷害,包括香港沒有國際地位,金融生意直線下滑,外資大幅離港等等。但中共可以承受得到,因為今天美國不是上世紀八十年代的美國,中國也不…
  • 「廢青」之煉成 by 金仔
    「係喔,就到六點,你要走啦呵?」。那位妹妹不知天真還是「串」,「係呀,就夠鐘。」朋友無言。到了六點,那個妹妹準時離開會議室。朋友第二天跟她照肺,想知道她每天準時下班會不會有什麽特殊理由,會不會需要上課或家裏有什麽事等等。只見那妹妹很鎮定的回…
  • Annual Leave 除咗全日同半日,原來仲有其他玩法…… by HR 扮工週記
    Annual Leave 大家請就請得多,亦都唔會陌生,雖然小編唔能夠代表所有公司,但相信大多數公司都會有規定 Annual Leave 最少以半日為一個單位,同事每次請假最少係半日。正當小編以為哩樣野已經好清晰,好難有咩問題,但原來小編嘅…
  • 嚟得見工嘅你,可唔可以比少少誠意? by M女皇
    有人黎見工,著牛仔褲,孭住個細到爭啲連電話都擺唔落嘅細袋仔,連淡妝都唔化下。咩事呀?去完 shopping呀?我就知道,佢唔會做到我同事。有人黎見工,外表正正常常吖,佢填完表,我問佢拎學歷證明黎影印。佢同我講: 「因為你地尋日係電話度冇叫我…
歡迎讚好我們的facebook page,免費資訊源源送上。

文章資訊

ID: 200648
Date: 2019-10-28 00:17:37
Generated at: 2020-05-29 06:09:12
Permalink: https://www.vjmedia.com.hk/articles/2019/10/28/200648/白滑長腿的死亡之吻?抽啱水去做選舉,餐廳執左