【屯門毒氣來襲】香港政府一邊話人散佈謠言,一邊用警察消防查「怪味」

 

呢個政府真係好得意,一方面想香港人唔好信埋曬啲邊個枉死邊個被強姦之類嘅謠言,一方面呢,又當市民弱智。

屯門琴日下午開始,大範圍傳出異味,好多區議會候選人相繼出post 並跟進:

〔屯門不明氣體懷疑由警方洩漏〕 我們團隊直接詢問消防員,有關催淚氣體由警察大興行動基地外洩,現正散播到屯門各地,遠至新墟、屯門碼頭均有街坊報告聞到催淚彈氣味。 我們在此聯署強烈譴責警方妄顧街坊安全,在民居附近測試催淚彈,並且要求警方…

曾振興發佈於 2019年10月28日星期一

 

好多人懷疑係警察喺大興行動基地測試催淚彈,唔知點解啲有害氣體擴散到周圍都係。

 

然而,香港警察同埋政府新聞處就唔同意呢個講法:

【澄清】就有人指今日下午屯門一帶有刺激性氣體,警方有以下回應。#屯門 #催淚氣體 #刺激性氣體 #澄清 香港警察 Hong Kong Police #消防處

政府新聞網發佈於 2019年10月28日星期一

 

警方就咁講嘅:

於今日下午,警方接報於屯門一帶有刺激性氣體發現,經警方及消防人員巡查後並未能夠確定起因及源頭。

惟警方澄清,警方今日並沒有在屯門使用過催淚氣體或如網上流傳所講試用任何不明氣體。

 

我唔知「經警方及消防人員巡查後」係一個乜嘢嘅程序,我唔係質疑警方同消防嘅學歷,而係質疑佢地嘅專業。

小學有教,雖然唔知而家啱唔啱,警察叔叔係負責維持治安除暴安良,消防員叔叔係負責救火救人。

咁呢兩支紀律部隊,幾時變左負責測試異味來自乜嘢氣體?

用乜嘢專業應付乜嘢難題,呢個係講緊管理常識。

用警察聞下啲味係咩?你政府真係當警察係狗?用消防搵異味源頭?你政府以為全部異味都係漏煤氣?

 

政府同公營機構咁多個部門,咁多人,點解唔正正經經,環保署、衛生署、醫管局,咁多科學家化驗師,應該去現場收集樣本,分析氣體成份,睇下究竟係乜嘢氣體洩漏。

因為警察經常射催淚彈胡椒彈,已經好多人,既包括中到正嘅「暴徒」,更包括我呢啲見到「人多」就唔去嘅怕死人士,身體有不良症狀,例如鼻敏感、皮膚敏感、痾嘔。

衛食局局長陳肇始口講話催淚彈無害,一啲證據都提唔出,連基本化驗都唔做,話路邊空氣監測站無超標,梗係無啦,啲監測站有監測催淚彈成份咩?無檢測梗係無超標啦,本來無一物何處惹塵埃呀?

你政府講呢啲嘢諗住呃得邊個呀?

而家我唔係特登要信乜嘢謠言,而家係我坐喺度,等你政府,去現場收樣本,拿去實驗室,run 一堆test,之後話我知,呢啲氣體有乜嘢。但係你無,你只係搵警察扮狗聞下就算。

係你自己失信於人,唔係人地唔信你。係咁。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 律師真係好型咩? by 烏龍
    大律師事務律師也是男人,男人的劣根性在法律界也不能免疫。相反,正正因為很多天真嬌對律師趨之若慕,主動獻身亦大不乏人,單是律師這張名片對某些女士來説可能是一卡傍身,世界通行,所以法律界的男人們在女性市場比較吃香,把妹相對容易也是相識吧。事實上…
  • 暫停六合彩,反映馬會進退失據 by 曾慶光
    今次為六合彩四十五年歷史上,因應疫症而暫停攪珠時間最長(超過二百日)的一次,而且有很多人質疑二零零三年「沙士」時無暫停六合彩。馬會早前公佈截至今年六月,上一年度六合彩投注額僅僅過五十億,對比前一年度大跌近四成,少近三十億。…
  • 【遊戲介紹】死又有咩可怕?《Chronos: Before the Ashes》死一次強一次 by 阿九
    2019 年大賣嘅《Remnant: From the Ashes》,大家都應該印象深刻。同樣由 Gunfir […]…
  • 「作為一個女仔識做家務係一件好可恥的事」 by 瓔庭
    「作為一個女仔識做家務係一件好可恥的事,你要同我記住。」細細個便響阿媽度學識呢句說話的Pat一家很完美的實行了這個「理論」,佢係一個十指不沾陽春水的大小姐。家中清潔、煮飯什麼的都是Pat的老竇同阿哥去做。甚至學校有家政堂寧願肥佬都唔肯去做任…
  • TikTok 其實好重要 by 毛言地
    每個社交媒體都會有唔同嘅低能及危險玩意,就好似Facebook早前都有出現藍鯨遊戲,不過「危險」始終唔係Facebook嘅主流,大家上Facebook嘅主因唔會係為咗睇藍鯨遊戲比咩任務你。但TikTok當中低能嘅影片基本上係主流,咩Skul…
歡迎讚好我們的facebook page,免費資訊源源送上。

文章資訊

ID: 200733
Date: 2019-10-29 05:34:59
Generated at: 2020-09-19 13:57:44
Permalink: https://www.vjmedia.com.hk/articles/2019/10/29/200733/【屯門毒氣來襲】香港政府一邊話人散佈謠言,一