【區議會選舉2019】你想投條友都被人DQ,仲諗住講血債票償?

政治 / 最新文章綜覽

 

我個人黎講,黃之鋒係幾反感既,當年既「you no gun」、「唔好搞金紫荊」呢啲就算係強調自決,唔認同港獨既溫和派,去到今時今日都係逃唔過被DQ既結局。政府繼續提醒大家,你依家踢緊個場波,球證、旁證、足協、足委既人都係政府我既人黎。你搞到我,就連你落場都冇得踢。

有人未開波已經講自己嬴左幾多比零,依家連自己隊友都冇得踢,你話佢地敢唔敢杯葛賽事?定係同人講,冇事既,我地有個後備入替,你買佢啦,最緊要我地有人入到去,就得架啦。我真係唔明,依家個套路係講港獨既,唔係坐緊監就流亡海外,一係就係街頭。冇左港獨就冇左DQ?依家已經到自決派呢類既溫和派,拉一派打一派之後,下一步會到邊個呢?

我成日提住唔好麻木,唔好習慣,未DQ個陣話投個靚仔啲下次投,有DQ之後就話投plan b,個logic真係好難明白。又,你連自己個入閘機會都唔確定,唔穩固既時候,講乜野血債票償?唔好話你選唔選到先啦,你連個閘都入唔到,講乜野?你話得一個區DQ,其實都有得選喎,咪屌啦,又係呀,咁俾你地選到哂啦,唔好講血債票償先,我當你選哂啦,可唔可以推翻到DQ呢個制度先?

成件事最好咪所謂既國際戰線囉,政府又黎一個大直線俾歐美國家,蔡英文又可以同人講民主真係得來不易,(真架,民主好似粒金莎咁天神跌落黎俾你咩,況且粒金莎都唔係真係跌落黎啦。)政府呢啲有篩選既證據,夠突發又有fact check,論效率計應該快過啲乜乜乜白宮聯署、所羅門好厲害要聽佢講個類啦。

公平競技咪幾好,成王敗寇,輸既就冇得好講啦。但香港人似乎係特別鍾意同情弱者,所謂既鋤強扶弱,往績享有DQ紅利既都冇乜好結果,依家仲好添,係壁壘分明底下,再加啲激活下啲選情,增加啲刺激感,唔好咩?

好似我上一篇文咁講,攞一間餐廳做condom係除笨有精,攞之鋒去做選舉工程,嬴面更大啵。黎多次0371效應咁咪幾好。

 

 

作者:武士亭

漢江泄對家

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 200736
Date: 2019-10-29 13:00:42
Generated at: 2020-06-05 18:15:11
Permalink: https://www.vjmedia.com.hk/articles/2019/10/29/200736/【區議會選舉2019】你想投條友都被人dq,仲諗住講血