改過自新

 

容總話,水門雞飯由藍變黃,在微信上說的和實際做的,有所分別。

我覺得又咁睇。如果呢個世界既人,可以「覺今是而昨非」,好似以前容總都做過社民連,幫過反高鐵大台買飯;巫堃泰都做過公民黨,某反送中律師都因為見識過某啲泛民政客做過咩所以自己盡力讀個律師牌返黎幫前線,我都投過長毛(好啦,做兄弟既野我一定互相傷害自己插自己一刀既),咁而家知道啦,大個啦,覺得原來以前自己好傻好天真好傻豬豬啦,又有咩所謂jei?

更何況,你知道嗎?黃絲之間,都有好多奇怪既人既。有啲人,根本唔係想要懲罰啲咩黃店,佢只係想話畀人知佢地有良心。好似啲人話邊個傳媒工作者畀人炒,就轉發啲新聞,話香港言論自由已死; 但到而家萬一自己有咩事會畀人篤灰,就改晒面書名,ig 仲有鏟晒自己啲 profile 啦。你叫佢地真係用真身去捍衛言論自由咩?唔好啦,最緊要生存,生活到好緊要。總之,我黃架我支持良知我呃下like ,而可以令到張宇人都講一句「不介意為生存改政治立場」,李嘉誠誠哥都話支持飲食業既時候,藍藍黃黃,呢啲就小事啦。

最慘既係咩?有啲黃店同我講,原來有啲人,只係黎打卡,打完卡就走。咁就真係好慘啦。成日話777 當警察係condom,有啲香港人當黃店係condom 打完卡就走,一啲都唔出奇架啦。

所以,做黃店成本高,回報而家算大,係high risk high return,咪由得人囉。係香港,咩生意都有人做。免費叫人供稿,自稱做媒體,搞到而家入職記者人工仲低過做撒利亞既生意都有人做仲要香港人好中意,總之生存到,就乜都得。唔使介意人地變啦。變幻,原是永恆丫嘛。

 

Become a Patron!

 

作者:健吾

健吾
專欄作家、記者、編輯……商業電台節目《903國民教育》、《光明頂》主持,香港中文大學日本研究學系講師。著書超過40本。email:[email protected] |Facebook: facebook.com/kengopage |微博:t.sina.com.cn/kengowrites

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 200762
Date: 2019-10-29 19:27:14
Generated at: 2019-12-13 07:17:26
Permalink: https://www.vjmedia.com.hk/articles/2019/10/29/200762/改過自新