【暴動經濟】林鄭恩將仇報,盛智文算唔算自作孽?

 

琴晚萬聖節,本來應該係蘭桂坊一年中最發財嘅其中一晚,不過由於有示威者聲稱喺蘭桂坊搞蒙面集會,警察真係當左會暴動,竟然出動防暴警察企圖驅散。

蘭桂坊協會主席盛智文,曾經喺特首選舉中幫林鄭站台,琴日可以話係被林鄭恩將仇報。

而家反送中帶來嘅社會動盪,已經脫離左送唔送中嘅問題,當係黃藍內戰咁睇,亦都好順理成章。

而講到打仗,唔講贏輸就不如唔好講;講打仗贏輸,唔講損益亦不如唔好講。

所以我都成日講下暴動環境下嘅經濟。

 

【即時】中環蘭桂坊現場#2150 蘭桂坊糾察在德己立街威靈頓街街口築起人鏈,防止警察進入蘭桂坊方向攝/ Sun Kang Tung ————————————————————現場即時直播【直播】10.31 哈囉喂九官面具夜 …

Cupid Producer 發佈於 2019年10月31日星期四

 

盛智文,無論從乜嘢角度睇,本來都係藍嗰邊,佢做生意要靠政府,佢亦都叫做買中左林鄭做特首,雖然佢都口頭話撐獨立調查,但都算係林鄭嘅隊友。本來囉。

雖然唔知阿盛生會唔會因為一次兩次咁樣被人恩將仇報就變節,但今次警察唔俾老蘭正正經經做生意,就好明顯唔係幫緊林鄭諗大局。

警察如果真係幫國家幫林鄭做馬前卒打仗,應該要好好思考,做乜嘢會扣敵人嘅血,做乜嘢會扣自己人嘅血,阻住蘭桂坊做生意,阻住自己人搵錢,盛生嬲嬲豬搞到反目嘅話,就等於踢緊一隊友軍過對面隊。

 

可能警察為左唔想有獨立調查委員會,就覺得咁樣搞一搞老蘭,就係報左盛智文企第二邊嘅仇?

其實四中全會嗰種要強調中共領導嘅法治,強調一國兩制,警察作為執行嘅一部份,中共係實事求是嘅,真係止暴制亂嘅話,點排隊都唔會搞到警察,最多搵十個八個,傾好安家費先祭下旗做下樣。

而家咁搞一搞,會唔會令黨懷疑警察嘅政治質素,搞到黨要搵人空降整個黨委俾香港警察?

唔知啦,好笑姐。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • Client 問我點解自己係「仆街磁石」(上) by Professor Chan
    佢自從中學由女校畢業之後就無試過單身⋯⋯連一個月都無。每次同一個男仔分手,佢好快就會同另一個人一齊,佢話佢已經唔記得單身係咩感覺。…
  • Client 問我點解自己係「仆街磁石」(下) by Professor Chan
    依家,你重新行一次,你由出世到依家呢廿五年嘅經歷。好似一段Video咁,由過去,由開始播放,播放到依家呢一刻⋯⋯你可以由得唔同嘅片段喺你個腦入面播放,唔需要去控制佢,一路播一路同我講你見到咩。」我講。…
  • 香港人就係純樸到連日本人都可以喺度橫行霸道 by 白木乩
    就算係日本老母來到香港,無左其他日本人嘅目光,無左其他日本人文化監察,無左其他日本人鬧佢「打咩」、「巴加丫囉」、「渣媽」,出名桎梏出名壓抑嘅大和民族,都係會個性解放,係「個性」解放。…
  • 【遊戲新聞】NS糞級新作引起熱潮 《Final Sword》挑戰任記的可疑作品 by 五木
    以前超任、PS 年代因為資訊不流通,但係「買」Game 又極平嘅關係,所以成日玩到糞作。隨住資訊變得流通,今時 […]…
  • 由林美戀談起——藝人基督徒,係咪好好撈? by 殷琦
    無論16 年背夫偷食單野又好、現時與非基林作拍拖都好(雖然個人而言基與非基我是ok既...~)、「High Profile處理感情生活、信主後感情生活仍然混亂」是我覺得對你算中肯的評價。但這其實都超出一般教會的接納程度了吧?既然是藝人,言行…
  • 吃子的文化 by 健吾
    我有時會想,是不是真的有人會覺得「考得唔好唔緊要」,是一句安慰語。我考得好,所以我沒有辦法說什麼。對考得不好的同學,我也不能說「你考得不好不好意思」。更甚者,我有學生因為考得不好,進不了醫科而感覺遺憾終生,幸好他是一個鍥而不捨的人,讀完一個…
歡迎讚好我們的facebook page,免費資訊源源送上。

文章資訊

ID: 200832
Date: 2019-11-01 08:09:53
Generated at: 2020-07-08 21:06:56
Permalink: https://www.vjmedia.com.hk/articles/2019/11/01/200832/【暴動經濟】林鄭恩將仇報,盛智文算唔算自作孽