【震撼教育】區議員自己耳仔都保護唔到,呢獲仲唔血債票償?

政治 / 最新文章綜覽

 

執筆之時,樓下又放催淚彈,閂窗呀屌佢老母。趙家賢係我見到防暴進入太古城商場之後既第一位議員。得悉佢遇襲真係深表遺憾,希望佢早日康復。(太古城西候選人趙家賢、丁煌)

太古城呢個社區,由和平唱歌集會,再由被某候選人篤灰包食催淚彈之後,再之後今次和平人鏈和你拖,真係好和平架,食店又唔係冇開,又冇裝修、連文宣都冇貼、淨係唱下歌、拖下手、叫下口號,喂電梯口都仲有垃圾桶呀。但防暴無啦啦舖天蓋地咁湧入黎,在場街坊只有兩個反應:驚恐。有外傭姐姐由selfie直播變保特上身拔足狂奔大暴走、冒險樂園歡樂既聲音變成小孩哀號喊聲;震怒。一個文質彬彬既社區,眾屌聲響徹整個商場,但亦僅此而已,君子動口不動手,唔落街聽都唔知街坊咁爛口。事後聲稱有人「破壞」餐廳而進入商場範圍喎,唔知啲green objectssss破壞哂啲購物氣氛算唔算啦,至少啲星巴克凳仲有人舒舒服服咁坐緊。

街坊係啲物件走左之後仲好嬲,搵保安理論。就算大家都知太古唔會報警、啲保安唔俾啲防暴入黎,啲防暴會好似你地和理非咁止暴制亂?唔會架,自從上次屯門防暴可以入埋大堂叫人下跪雙手擺頭,香港冇一度地方安全架。係呢個運動入面,只有警察&fds先有權力地位,白衫人、大陸人就核爆都唔割,你播榮光佢拉你、你屌佢老母佢拉你、你搞選舉集會佢拉你、你和理非佢都會拉到你。話知你渣波子定係你割啲物件既頸,你都係no stake.

我之前都講過呢啲震撼教育只會越黎越多,最簡單既和理非遊行集會,吸毒已係平常事(即催淚彈,最近個批驗到有山埃成份,堅吸毒)。上街唔好以為有人可以保護自己,切勿輕裝上陣,切勿心懷僥倖。要裝備自己讀書多睇,洗傷口呢啲點處理youtube大把,it’s not rocket science. 覺醒需要時間,但時間係最大敵人。

今次見哂血睇怕都真係用得血債票償啦,不過僅僅係議員捨命流既血,個啲票係同情佢被咬既血,畢竟太古搞左咁耐個另一位候選人活係平行時空。或者咁講,之前受襲既候選人咪用得「血債票償」囉,其他個啲,一係你就篤灰屌哂自己選民啲票,一係你企到出黎俾人咬兩啖先講野啦。

祝願另外幾位受傷既街坊早日康復,唔好再俾狗咬。

 

 

作者:武士亭

漢江泄對家

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 200867
Date: 2019-11-04 00:03:41
Generated at: 2020-05-26 10:15:54
Permalink: https://www.vjmedia.com.hk/articles/2019/11/04/200867/【震撼教育】區議員自己耳仔都保護唔到,呢獲仲