過去幾星期，明明衝突已經降溫——我意思係，打到爆缸入院嗰啲情況少咗。示威者怒火，由打人遷移咗去破壞財物之上，例如只破壞「親政府民間意見領袖」既辦事處之類。福建幫優品360 老闆林子峰啊果啲，而家都死曬狗，話福建幫打人唔關佢事了。是但啦，生意既野，個人冇事米由頭來過，邊度跌低邊度起返身囉，下話。
咁當然，小編話減少死傷係情況好轉﹑可喜可賀，純粹出於人道立場。生意立場就梗係「你爭取民主唔該唔好搞到我」，寧願打死十件八件古惑仔，都唔好打爛我啲生財工具啦。點知琴日太古城又一次打到爆哂光了，重傷幾件。但因事出在太古城，小編其實完全唔覺得意外。
關於太古城，我地編輯部一直覺得係蠻荒無明之地。琴日咁打法，或許有好多中產和理非覺得不可接受，但其實太古城一早已經係計時炸彈：上年已經發生過槍擊案，仲要槍槍爆頭死兩件，仲要係打死老人家。福建幫勇武果啲，就算今日咁打法，相比之下都只係碎料。
人民不禁要問的是，太古城啲人自稱中產，往年詹心桀槍擊案之後，有冇反省過自己住嘅小區出現左咩野問題呢？點解會淪落到好似美國 咁？梗係冇啦，班友沐猴而冠，從來未聽過佢哋反省自己，點解鄉下會出左一個咁樣槍槍打爆頭既女魔王。
They don’t feel ashamed for 活在一個充滿極端暴力既小區內。女魔王既出現一定係女魔王嘅錯，我哋「只要做好自己」就冇事，唔需要檢討。
由嗰刻開始，我哋已經知道你班中產係冇帝王將相之風，完全係蠻荒落後嘅地方，真係屯門公園叫雞啲阿叔都文明過你。去太古城食飯，都有美心集團（我ok的）既潮江春北京樓，食物QC keep 到，但始終唔係上環金鐘嗰種味㗎喇。
你試下去果頭食飯時，席上刻意討論槍擊案丫，包保隔離枱驚到瀨屎，低頭爬飯，連扮講第二啲嘢去逃避呢個話題嘅勇氣都冇。就好似一班性奴隸一樣，每晚只會合埋眼，希望你快啲打完個冷震，完咗件事，走咗之後，第二朝起身忘記左件事佢，唔好記得自己畀人強姦過。
琴晚咬斷耳單野，日後太古城人情感上應該都會係同樣咁處理。
【遊戲新聞】IGN PS4 最佳遊戲名單出爐 三甲真係估你唔到
民主黨區議員任國棟，究竟有幾憎貓？
【懷疑跨境口罩騙案】黃世澤德國口罩代購苦主申請退款被公開個人資料，知情者呼籲援引歐盟GDPR 追究
論「識玩」
分手的理由
【劇透慎入】拆解《半澤直樹》大結局
2019年11月4日
