【夠喇冷靜唔好打】和理非的末日

 

外號機場大叔的區議會候選人陳振哲被警察壓落地。(同佢同區仲有陳灶良參選)

 

反送中引發嘅大規模持續社會不安,有個高級少少嘅警察叫林志偉,佢話開始緩和咁話。

呢兩個禮拜我見到嘅,反而係當勇武因為各種原因唔係咁活躍,警察就有機會針對和理非。

 

首先講勇武唔出。呢個絕對只係我自己聽我識嗰啲講,一定係以偏概全。

我識一個勇武,好細個,細到點唔講啦。失手被捕過一次,無落案,然後佢就返去做港豬,直播都無眼睇嗰隻,同fd 食飯風花雪月算數。

我識另一個勇武,無被人拉過,畢業後嘅暑假完左,搵到份工又OK,工作忙左,有時星期六日都要做,就少左出去。

再有另一個勇武,都無被人拉過,食食埋埋N 粒催淚彈,食親都痾嘔幾日,一個星期先得嗰七日,整整下都唔知邊日無嘔,我都費事問太多令佢覺得我煩。好喇,鋼鐵意志又如何,身體終於頂唔順,痾黑屎,唔知胃出血定腸出血,搞唔掂入醫院,退下火線。

唔好以為我喺度埋怨佢地,我呢幾個月唯一真係會令我擔心嘅就係呢啲人,我最想佢地第一日就唔去,之前寫過,唔講咁多。

 

好喇,無左勇武,就會少左警民衝突?警察就話你知,唔係。

無左勇武,警察「止暴制亂」嘅目標好似同社會上其他人士唔係咁同。

有啲人可能覺得,勇武先係暴亂,和平理性非暴力就係另一樣野。警察拉勇武、推落地下按住打勇武、用胡椒催淚彈橡膠子彈射勇武,畫面唔靚,非常咁唔靚;警察拉和理非、推落地下按住打和理非、用胡椒催淚彈橡膠子彈射和理非,個畫面好似,嗯,直頭成件事錯曬,hang 曬機,心諗,點會架,明明都無衝擊警察,明明只係和平遊行,明明只係去連儂牆痴下文宣,點解會被警察拉打射?

我諗警察同政府(同埋中共)對於「止暴制亂」嘅定義,口講一套同時執行有另一套。

口講就梗係話,暴徒打砸搶燒乜乜乜,要取締,歡迎和平表達意見。

執行呢?當有藍絲咬甩趙家賢隻耳仔,咁暴力,然後呢,就係呢個太古城商場入面發生嘅所有野,聚集嘅所有人,都係暴徒。乜話?睇唔透?唔明咩邏輯?就係無邏輯,總之一人暴力,全體暴徒,然後鎮壓。

都唔好再提嘅,係呢兩個禮拜點樣伏擊啲連儂文宣人,警察話你塗污公物,呢啲本來捉到都係罰錢嘅嘢,警察係將佢地按落地下打幾下再拘捕。

 

和理非末日,唔係講緊佢地活該抵死,而係講緊,就算你係和理非,而家喺警察嘅「止暴制亂」視野當中,你都係暴徒,就算批左不反對通知書,呢個不反對係喺你行出馬路一刻就變成非法集會,解散得慢啲就武力驅散。

咁點算?我都唔知,我真係day 0 就悲觀,歡迎睇返曬我啲舊文。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 攝灶罅 by MT Mabel
    現今女性愈來愈多單身、拍散拖、遲婚、甚至係再婚又再分,問題在哪?先不談外表,皆因樣貌和身材絕對可以用錢解決。抽脂、隆胸、削臉、拉皮、開眼角、下巴增新…揮一揮荷包,一頭半個月就變成馬蹄露咁靚啦,完全不是問題!但有兩種特徵,分別叫「大鼻」和「避…
  • 失戀時,朋友講嘅野,聽下好喇! by 壞孩子
    佢地唔係你,唔知你個心有幾多掙扎,唔知你同個ex嘅經歷同佢俾你嘅感覺,就算你講左,佢地都係當故仔咁聽。而且,朋友為免你傻落去,通常都會叫你放手,話個人唔值得你等或者挽留。但你聽完,就算心知肚明,你鬼做到咁灑脫,如果你得,朋友就唔洗成日睇住你…
  • 中同聚會——一直未解開的心結 by P's虐心者
    那是歇斯底里的遺憾,我常夢到自己能夠回到中學,改變這一個事實,「和班裡的同學打成一片」可惜再也不能,一生人只有一次就讀中學的機會......…
  • 暖男養成記 by 三個水
    暖男好似太陽咁,俾人溫暖,體貼,顧家,更甚者鍾意貓貓狗狗。囡囡抱怨同學hea做project、教授openbook考試難或者補習辛苦,普通毒L淨係識合埋把口,或者同囡囡講道理,「係咁架啦,讀書(做野)係咁辛苦啦」。囡囡即刻收聲。而暖男就會好…
  • 【真人真事】小表妹的胎前記憶 by 表姐
    「你仲記唔記得喺媽咪個肚果陣係點架?」 「唔記得啦」 「再之前呢?未去媽咪個肚之前你喺邊架?」 「喺個天度」…
歡迎讚好我們的facebook page,免費資訊源源送上。

文章資訊

ID: 200876
Date: 2019-11-04 07:33:02
Generated at: 2020-09-24 21:03:10
Permalink: https://www.vjmedia.com.hk/articles/2019/11/04/200876/和理非的末日