鳥籠民主非民主

 

香港呢個夏天乃累積廿三十年各種政治痼疾之患,始作俑者當然係中共及其傀儡白手套港共政權,幫兇除了土共一干賣港賊之外,泛民之流曲線維穩也災不可沒,解決問題首要面對問題,偏偏泛民刻意老點之,呢三十年政棍們來刻意帶香港人行冤枉路甚至死路,歷史一直在笑,還請各位戒之慎之,萬勿重蹈覆轍。

 

1)鳥籠中跪求民主

「民主回歸」「一國兩制」「港人治港」「高度自治」,今時今日各位睇到呢啲令人可恨嘅政治語言偽術固然恨得咬牙切齒,但廿三十幾年共匪及當時那堆半桶水天真大學生及左膠左識份子,就係畀呢十六大字或瞞或騙地笑住上賊船,同時拉哂香港人上船陪葬。

歷史是鏡,當日那堆年輕人知識份子,正是現在仍老神在在,泛民卵翼當中五字頭或以上的「社會賢達」,政治沒有將錯就錯,一子錯滿盤皆落索,明明八十年代香港人只有2%支持「回歸」中共國,這2%所謂民意最後卻鑄成了人類歷史上其中一宗政治蛇吞象,今日共產赤化香港,小國行將就木,現役一大堆收成期「社會賢達」又彈出來說不要攬抄,要安定繁榮,要同暴力割蓆乜乜七七,繼續跟隨港共賭白頭片「一國兩制」抱殘守缺 ⋯⋯ 三十年前呢班「社渾老鬼」中共來了我帶路,全香港陪葬,三十年後仲吹奏「一國兩制」殘而未廢?咁多年都唔夠呢班政壇老賊訓練班睇完圖博滅國史 —— 自治17條嘅下場嗎?

 

2)區議會係臘鴨

選舉近了,靠吮舉維生嘅政治公務員忙於搵食,泛民嘅文宣講到區議會有117位行騙長官吮萎票,所以而家區議會又係正邪之戰,blablablabla⋯⋯呀,泛民隻雞原來仲未啼?

區議會自從被董匪建華殺市政局後,港共版強榦弱枝,區議會四百幾冇牙保長早就是神檯上的諮詢花瓶,區議員為了生計,既然冇權,唯有扮工,量血壓、免費法律諮詢、蛇齋餅稯政黨椿腳三寶,區議會在港共眼中只係冇權臘鴨乙隻,真可笑請別把自己睇得那麼高。

在下唔係話選舉完全冇用 —— 邊位候選人喺敵人手上攞到資源,然後暗地裏出錢出力地支持護港事業,我話知你係隻豬,一樣投你一票,至於天花亂墜講到選贏做隻臘鴨可以阻撓中共欽點騙首,I dun know how to give a fxxk. Thz but no Thz.

 

3)立法會係垃圾

自2016年起一大堆港共剝奪敵對人士政治權利終生=DQ案後,自由心證式嘅政治操作已經係香港新常態,都未計港共已經爐火純青一屋七十二家房客及老人院種票得票大法,所謂半個立法會係民選議員,水份高到濕疹,至於剩下那半個功能組別假選舉,飬養出陳健波之類一直連任但一票未獲嘅議會之恥,偏偏呢種政治弱智卻屢任各種委員會主席,以欽點造票之名羞辱呢個所謂立法嘅垃圾會。

議會只有不足三份一的民主花瓶,他們每日返工嘅作用就係間接協助政權強姦港人權益,稱呼呢壇政治趣聞做垃圾會乃實至名歸之舉。

 

選舉救港有用?我信禮義廉能夠成功爭取綠燈公仔延長兩秒會較實際。

 

作者:爽健

爽健
不求聞達於諸侯,只願笑傲賞江湖。

閱讀後覺得好,請多多讚好及分享~:)

其他熱門文章

  • 移民?三四十歲呢班人,點移民? by 林非
    你以為香港「情況很差」,但香港一直以來的問題是「倒退得快」,即是那個delta_change很大。但香港在英國人建設下的確有很好的社會基本制度。例如說你移民去日本、去台灣,其實在社會上都各有問題,很大程度上你移過去,只不過是以「不在當地成長…
  • 同藍絲做廿年朋友,結果係點? by 六月的物管
    話說某日,細妹咁唔好彩撞啱「克警」又亂鳩咁放催淚彈,搞到佢眼、鼻、喉都勁唔舒服,猛咁咳之餘,氣管同皮膚都又敏感又痕。之後,細妹喺FB出post 訴苦…
  • 【輔仁罕有支持泛民行動】技術上,最容易做又可以癱瘓城市運作嘅罷工行業係乜呢? by 白木乩
    回歸返現實,有乜嘢罷工,既影響到好多人嘅生活,同時其實個影響,係好麻煩,但又唔係真係咁致命?我識嘢比較少,呢一刻我想放低成見,支持泛民嘅…
  • 黃店還是藍店? by 健吾
    最近有朋友跟我說,太子某一間火鍋店很藍,但自從某次見到警察在他們外面放催淚彈之後,就變黃了。然後在網路,又有人說究竟是黃是藍。有些員工,天天都看著大台的新聞,他們接收的資訊不多,再加上很多以訛傳訛的資訊,示威者有錢收,前線有小天使等等的消息…
  • 農的傳人 by 健吾
    首先,你要有一堆志工。…
  • 迫大家抗爭 by 健吾
    對這位特首而言,她很清楚,她現在宣佈宵禁,停工停課停市,就是輸。這樣子,「暴徒」的目的就會得逞。所以,她一定不會停課,而更會向「可以上班和上學的人表示敬意」。 …
歡迎讚好我們的facebook page,免費資訊源源送上。

文章資訊

ID: 200887
Date: 2019-11-04 17:30:11
Generated at: 2019-11-13 08:55:45
Permalink: https://www.vjmedia.com.hk/articles/2019/11/04/200887/鳥籠民主非民主