【解讀權威】林鄭月娥獲習近平接見,中央「高度信任」

【習近平會見林鄭月娥】11月4日晚,國家主席習近平在上海會見了出席第二屆中國國際進口博覽會的香港特別行政區行政長官林鄭月娥。在聽取了林鄭月娥關於香港近期局勢的匯報之後,習近平表示,香港「修例風波」已持續了5個月,你帶領特區政府恪盡職…

新華香港發佈於 2019年11月4日星期一

 

權威消息,必須整段讀一次先,否則就係唔尊重。

【習近平會見林鄭月娥】

11月4日晚,國家主席習近平在上海會見了出席第二屆中國國際進口博覽會的香港特別行政區行政長官林鄭月娥。

在聽取了林鄭月娥關於香港近期局勢的匯報之後,習近平表示,香港「修例風波」已持續了5個月,你帶領特區政府恪盡職守,努力穩控局面、改善社會氣氛,做了大量艱辛的工作。中央對你是高度信任的,對你和管治團隊的工作是充分肯定的。止暴制亂、恢復秩序仍然是香港當前最重要的任務。依法制止和懲治暴力活動就是維護香港廣大民眾的福祉,要堅定不移。同時,要做好與社會各界對話和改善民生等工作。希望香港社會各界人士全面準確貫徹「一國兩制」方針和基本法,齊心協力,共同維護香港的繁榮穩定。

丁薛祥、楊潔篪、王毅、趙克志等參加了會見。(新華社上海11月4日電)

 

帶領特區政府恪盡職守,努力穩控局面、改善社會氣氛,做了大量艱辛的工作

啲工作,好好醜醜都好啦,係一國兩制之下「兩制」嘅事情,係高度自治範圍內嘅事情,香港人你地點諗都好,唔好算落中央嘅頭上呀。

 

中央對你是高度信任的,對你和管治團隊的工作是充分肯定的。

對外界傳言換馬乜乜柒柒呢呢露露,中央好明確咁表示高度信任林鄭。

呢個同我之前嘅諗法一樣,喺中共對香港嘅一國兩制之下,只有中央政府可以任免香港特首,唔係你班暴徒或者民主派喺度搞埋曬啲風風火火浩浩蕩蕩,然後中央就換你個特首,門都沒有。

至於止暴制亂之後,換唔換,就係中央話事。

情況就好似董建華腳痛,唔係03 71 之後嘅事,係隔左都好耐之後嘅事。

 

止暴制亂、恢復秩序仍然是香港當前最重要的任務。

雖然無直接咁讚揚警察,但講到有咩重中之重,而家係「止暴制亂、恢復秩序」,換句話講,只要繼續亂,其他野乜都唔洗講。

呢句野同時係講俾其他政府部門聽,而家得警察喺「止暴制亂、恢復秩序」嘅宗旨之下日日做嘢,其他呢,連儂牆一街都係,食環唔洗做架?黃店日日大賣,文宣貼到周圍係,食環唔洗查下有無老鼠架?警察捉暴徒,法院放暴徒;警察打學生,校長保學生。呢啲都係好明顯俾說話香港人聽。

 

依法制止和懲治暴力活動就是維護香港廣大民眾的福祉,要堅定不移。

大家唔好諗住而家所謂「氣氛緩和」,警察打暴徒就會放軟手腳,唔會呀,係「堅定不移」

 

要做好與社會各界對話和改善民生等工作。

中央唔係痴線嘅,佢地好清楚社會動盪背後一定係民生問題,不過平亂之後信唔信得過林鄭繼續做改善民生工作,係後話。

 

希望香港社會各界人士全面準確貫徹「一國兩制」方針和基本法乜乜乜乜

而家中央就係嫌好多香港人反動,貫徹一國兩制嘅時候歪曬樓,諗住可以動員咁多人上街打砸搶燒就可以動搖一國兩制,中央而家對你地講,唔撚得。

總之特首就係選舉委員會選完之後,中央政府任命,呢個任命係實質任命,唔係邊個上街邊個惡就可以邊個任命特首。

 

丁薛祥,中共中央政治局委員,中共中央辦公廳主任。

楊潔篪,中共中央政治局委員,分管外交、僑務、台灣、港澳事務。

王毅,外交部長。

趙克志,中共中央政治局委員,公安部部長。

呢四個人點解喺度,睇職位都夠。

 

(圖:由於我唔想死,所以唔會換維尼 + 粉紅豬豬)

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 移民?三四十歲呢班人,點移民? by 林非
    你以為香港「情況很差」,但香港一直以來的問題是「倒退得快」,即是那個delta_change很大。但香港在英國人建設下的確有很好的社會基本制度。例如說你移民去日本、去台灣,其實在社會上都各有問題,很大程度上你移過去,只不過是以「不在當地成長…
  • 同藍絲做廿年朋友,結果係點? by 六月的物管
    話說某日,細妹咁唔好彩撞啱「克警」又亂鳩咁放催淚彈,搞到佢眼、鼻、喉都勁唔舒服,猛咁咳之餘,氣管同皮膚都又敏感又痕。之後,細妹喺FB出post 訴苦…
  • 【輔仁罕有支持泛民行動】技術上,最容易做又可以癱瘓城市運作嘅罷工行業係乜呢? by 白木乩
    回歸返現實,有乜嘢罷工,既影響到好多人嘅生活,同時其實個影響,係好麻煩,但又唔係真係咁致命?我識嘢比較少,呢一刻我想放低成見,支持泛民嘅…
  • 黃店還是藍店? by 健吾
    最近有朋友跟我說,太子某一間火鍋店很藍,但自從某次見到警察在他們外面放催淚彈之後,就變黃了。然後在網路,又有人說究竟是黃是藍。有些員工,天天都看著大台的新聞,他們接收的資訊不多,再加上很多以訛傳訛的資訊,示威者有錢收,前線有小天使等等的消息…
  • 農的傳人 by 健吾
    首先,你要有一堆志工。…
  • 迫大家抗爭 by 健吾
    對這位特首而言,她很清楚,她現在宣佈宵禁,停工停課停市,就是輸。這樣子,「暴徒」的目的就會得逞。所以,她一定不會停課,而更會向「可以上班和上學的人表示敬意」。 …
歡迎讚好我們的facebook page,免費資訊源源送上。

文章資訊

ID: 200901
Date: 2019-11-05 05:59:29
Generated at: 2019-11-13 08:52:14
Permalink: https://www.vjmedia.com.hk/articles/2019/11/05/200901/【解讀權威】林鄭月娥獲習近平接見,中央「高度