犧牲了又如何?保護自己,切勿「撚狗」

 

對一個腦部已經嚴重受損嘅傷者,講乜嘢寫乜嘢其實都係無用,佢嘅生命係唔會因此而有任何改進,靠嘅都係佢意志力同埋醫生嘅救治。

 

我都願啊~本來十年前我都差點死去,如果能夠換到周同學長遠嘅將來,我哩個姐姐早點離開又有乜所謂,對比下佢留係世上嘅作為會比我更有無限可能。

紫玥發佈於 2019年11月5日星期二

 

咁在生嘅,應該做啲乜嘢?

不如咁講,成日話,搞社會運動,搞政治,究竟係講緊乜嘢?

我就比較實際,目的都係講資源分配,至於手段,人人唔同。

乜嘢係資源分配,我再直接啲,我有嘅野,我要keep 住,你無嘅野,你想要,人與人之間點樣平衡呢啲野,所謂經世濟民,大家都要生活,我有嘢但係我唔想被人搶,咁我究竟係俾咁啲你,你唔好搶我,定係我請你做我保鑣,定係點點點,呢啲就係政治。

政治嘅手段,係講力量。民主社會,理論上,有選舉制度,有選票就有力量,集合埋好多選票就會有更大力量,所以萬一要改朝換代,都唔洗下下見血咁搶。

無民主嘅社會,選票無能量,要爭資源控制權,就要真係爭奪。

 

講咁耐即係講乜?

如果你視而家係打緊一場仗,每行一步棋,做一樣野,都係諗點樣令自己乃至自己嘅陣營得到益處,其他野都係多餘嘅。

之前有人會諗,自殺然後喚醒其他人,我呢度唔會judge 佢,畢竟雨衣人跳樓之後,真係好多人被呼喚了出來。

然後接二連三四五,已經邊際利益遞減。

咁樣睇,自殺究竟係對呢場運動好定唔好?第一個自殺係呼喚,第二三四五自殺就無用了,白白折損了幾位有心人。

 

自從警察連和理非都打,各方都無辦法再大規模遊行曬馬,反送中運動變為游擊。

呢個「游擊」,很好聽吧?實際上係游而不擊。

無得遊行,衝擊又被驅散,有人就發起「撚狗」活動。例如有警察結婚,就去祝福佢哋年年有今日。

之前仲度度放火,個個禮拜幾十萬人遊行,警察應付呢啲主戰場,疲於奔命,有警察結婚,你去撚狗,OK 呀,啲警察都唔得閒理你咁多。

但而家呢?勇武拉嘅拉傷嘅傷沉嘅沉,而警察呢,可能今個月未跑夠數,可能夠訓大力啲,可能呃OT 錢,好多個可能,總之就係佢地癲過你,亦無後果過你。

此消彼長,你仲去撚狗,真係咁好撚咩?你鬧佢生仔無屎忽,佢兩公婆係咪真係會生仔無屎忽?你笑佢老婆紅杏出牆,佢老婆係咪真係人盡可夫?

其實而家個個都知警察係仆街係痴線係賤格,就係咁,我更加會驚佢地,唔會同佢地玩,見到佢地會兜路,萬一兜唔到路都扮望電話行,而唔係鬧人幾句黑警,然後被警察叫兩句冷靜啲就按落地下扑頭拉返去坐48 無證據放返。

 

講到底,一講到打仗,係要折損敵方,增益己方,而唔係掉轉。

掉轉做,唔係打仗,呢啲只係被人當你玩。

 

前日習近平講得好清楚,止暴制亂係最緊要,意思當然就係有啲樂觀撚,話只要keep 住香港亂就會影響到中共穩定,但呢啲樂觀撚永遠無話你知,如果呢樣嘢真係成立,中共係咪會用更強硬嘅手段去令香港唔好亂呢?

而家警察已經得到左尚方寶劍,為左止暴制亂,佢地做乜都得,至少而家係做乜都得。

生命好寶貴,有啲路行錯一次就無得再行多次,喺而家嘅警察面前玩任何野,都係屬於玩命。

天佑善人,啱架,不如你都佑埋自己?

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 【遊戲新聞】IGN PS4 最佳遊戲名單出爐 三甲真係估你唔到 by 五木
    之前《The Last of Us 2》世界各地遊戲媒體不約而同地大讚,外媒 IGN 更係其中一間比 10/1 […]…
  • 民主黨區議員任國棟,究竟有幾憎貓? by 鳩文瘋
    袁教授三番四次提醒任國棟議員,貓傳人的機會很微,多半是人帶著病毒,惟任國棟議員仍鍥而不捨地對貓咪趕盡殺絕。…
  • 【懷疑跨境口罩騙案】黃世澤德國口罩代購苦主申請退款被公開個人資料,知情者呼籲援引歐盟GDPR 追究 by 容樂其
    黃世澤利用香港人對口罩的熱切需求,懷疑收錢但無貨,申請退款則被恐嚇,執法部門應該介入,我地呢啲傳媒只可能將苦主訴求公諸於世。…
  • 論「識玩」 by 健吾
    小粉紅畫了一個網民們玩的舊gag(加一個字毀掉一套卡通)《多啦av夢》,大玩訕笑同志情節,屎尿屁精笑位廣傳,令大家好像很開心。 後來,一覺醒來,大家發現,原來此位畫師,為國內小粉紅,曾指「黃之鋒比屎更嘔心」。於是,又有人又高呼「炒車」…
  • 分手的理由 by BEAR 兒
    有一次她穿着透視睡衣,含羞答答地拿着支白色洋燭和皮鞭,然後低聲說着:「我今晚想給你一個驚喜。」他就像頭野獸般撲到她身上,似是要把她的靈魂也噬得一根不剩。那夜你發現了這一切,你憤怒你叫罵你哭喊,你抓着他肩膀追問原因,把伸手可及的東西都掉爛,除…
  • 【劇透慎入】拆解《半澤直樹》大結局 by 林兆彬
    (終極超級無敵劇透,慎入)這個結局據聞在日本的反應兩極化,有觀眾認為結局很棒,但也有觀眾覺得很失望。無論怎樣也好,據聞電視台已準備開拍續集,改篇原著的第三部小說《失落世代的逆襲》,不知道是以電影還是日劇的形式製作,屆時一定會再次牽起熱潮。《…
歡迎讚好我們的facebook page,免費資訊源源送上。

文章資訊

ID: 200950
Date: 2019-11-06 06:11:39
Generated at: 2020-08-07 23:52:03
Permalink: https://www.vjmedia.com.hk/articles/2019/11/06/200950/犧牲了又如何?保護自己,切勿「撚狗」