【支持香港電影】何君堯遇刺,建制已經當左暴徒做,黃絲笑緊係拍戲

 

何君堯今朝被刺傷,人民日報高規格出片聲援:

何君堯被暴徒假裝鮮花襲擊現場視頻 警方拘捕一涉案者

【何君堯被暴徒假裝鮮花襲擊現場視頻 警方拘捕一涉案者】事發後,一男子被制伏。報稱何君堯心口位置被刺中,送醫時狀態清醒。 據瞭解,事件共致3人受傷。

人民日報發佈於 2019年11月5日星期二

 

世事就係咁諷刺,反對派念茲在茲話血債,但對於建制派同警察遇刺,討論嘅方向都傾向話係建制自己安排呢幕戲碼。

10月13日,有警員喺觀塘追捕示威者期間,被一名18歲男子刺傷,刺客當場被警員拘捕。

今日,何君堯喺屯門拉票期間,被人以獻花為名,拔生果刀刺傷,刺客當場被 何君堯各助理制伏。

 

我諗比較值得留意嘅,係各方面藉呢件事嘅炒作。

 

姑勿論係咪建制自導自演苦肉計,定係建制內部矛盾讓成血案,抑或真係暴徒做,建制而家都係當曬係暴徒做咁處理,乘機繼續渲染暴徒暴力無道,光天化日行刺,人民日報索性將刀仔講成「匕首」,真係教左香港人點用中文。

另一方面,黃絲一如既往,見到呢啲流血畫面,最多嘅反應就係「咁假嘅」、「肯定苦肉計」、「霞姨唔好俾飯盒佢」、「掃地阿嬸都話M 到都多血過佢」。

最新嘅造假證據,就係話大公報fb 預早upload 何君堯受傷訪問。

 

(大公報已更正時間,提提大家睇post 的時間要按鐘仔,因為可以貼文可以backdate。)

 

黃絲嘅德性就係咁,口口聲聲「香港人反抗」,當出現反抗,就會不斷找碴;找不到碴,好似上次觀塘嗰個咁,斷正有遺書,就冷處理,務求凸顯自己好和平。

 

不過我諗相對於邊個吉邊個,用乜嘢吉,有無吉到乳頭都甩,乳頭生唔生得返之類嘅問題,早兩日習近平同埋今日韓正高規格見林鄭,相比之下對我來講真係比較重要。

韓正冀林鄭月娥牢記囑託帶領香港管治團隊再出發再前進

【韓正冀林鄭月娥牢記囑託帶領香港管治團隊再出發再前進】主管港澳事務的國務院副總理韓正,在北京釣魚台國賓館接見行政長官林鄭月娥。韓正表示,國家主席習近平在上海親自會見林鄭月娥,充分肯定她和特區政府工作,對她表示殷切勉勵,希望林鄭月娥牢記囑託,帶領香港管治團隊再出發再前進。韓正表示,近5個月來修例風波演變成持續不斷的暴力活動,嚴重破壞香港社會秩序、踐踏法治和挑戰一國兩制底線,使香港出現了回歸以來最嚴峻的局面,這種極端暴力破壞活動在當今世界任何國家和地方都不能容忍和接受,暴力破壞活動和激進分裂勢力行為遠超法律道德底線,破壞一國兩制和香港繁榮穩定,傷害香港社會整體利益和廣大市民切身利益。韓正表示,面對不斷暴力行為,林鄭月娥率領特區政府做大量艱辛工作,中央對此深有體會,她千方百計穩控局勢,中央表示高度信任,對她和特區政府的工作、警隊克盡職守的表現予以充分肯定,他強調,中央一如既往堅定支持特區政府和警隊。他又說,當前暴力活動持續,止暴制亂、恢復秩序是當前最重要工作,是香港行政、立法、司法機關共同責任和最大共識,希望社會進一步凝聚反暴力、護法治、保穩定的正能量。#香港電台 #港台電視31 #港台電視32 #十點半新聞天地 #韓正 #林鄭月娥

香港電台視像新聞 RTHK VNEWS 發佈於 2019年11月5日星期二

 

香港人,特別係黃絲一而再搬董建華出來,話中央信任都要腳痛云云,但永遠唔肯正視時間點嘅問題,0371 浩浩蕩蕩五十萬人遊行,中央係唔會俾佢落台,佢反而係喺05年好突然咁話腳痛,嗰陣啲人都係心諗……

而家止暴制亂,依法捍衛一國兩制,呢啲先係主旋律,為左貫徹呢個主旋律,中共係堅定不移。

中共係唔會因為幾多個學生送死而停呢樣嘢,你知的,大家都知的。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 200967
Date: 2019-11-06 15:04:14
Generated at: 2020-09-21 15:27:10
Permalink: https://www.vjmedia.com.hk/articles/2019/11/06/200967/【支持香港電影】何君堯遇刺,建制已經當左暴徒