【認真深度文】如果何君堯個乳頭真係被割左，生唔生得返？

答問題直接答：成個乳頭割左去，係生唔返嘅。如果只係割損，會生得返，磨損，都生得返。

乳頭生唔返，咁點算？

呢個世界有樣嘢，叫做乳頭重建手術。

用何君堯做引子我都好無奈，但畢竟香港人鍾意睇呢啲。

其實乳頭重建手術，係俾一啲乳癌病人，喺割除病變嘅乳房，再做埋乳房重建手術之後，重新整一個新嘅乳頭俾佢。

女性乳癌除左威脅生命，仲為女士帶來極大心理傷害，玲瓏嘅女性身段係宇宙中最完美嘅曲線，突然無左，對乳癌病人來講係非常咁慘。

而醫學發展嘅目標，並唔只係吊命，唔只係生理上面醫治病人，心理健康都係非常咁緊要。

所以乳房及乳頭重建手術，係伴隨住乳癌醫治咁樣發展。

最初嘅乳房重建，講落係好恐怖，係講緊將近住側邊身一大塊肌肉，不割斷血管神經線咁切開，翻過去胸口嗰邊再縫埋佢，而家唔會再做啲咁入侵性嘅整形手術，呢樣已經係1906年嘅做法，可以睇圖：

之後個乳頭點搞？畫上去囉，紋身。

而家技術好左咁多，好多款植入物可以隆胸，而乳頭重建呢？文字講就比較複雜，搵左條片俾大家睇，先至聲明有手術有血有露點，請自行決定是否按play：

咁樣做完之後，要令顏色似返原本嗰邊，就要靠紋身師傅喇。

以上嘅做法都係針對女性乳房，畢竟乳房對於女性嘅心理健康真係好重要，而男人無左個乳頭，理論上都可以做重建手術，不過就真係聽得比較少，一來因為男性乳癌病發率低好多，而來對於男人無左乳頭多數都係由佢。

提提大家，講左咁耐，我係無證實何君堯個乳頭有無甩。

byebye～

作者：白木乩

聽聞係總編分身，專用來出D 與總編身份不符既膠文

閱讀後覺得好，請多多讚好及分享～：）