「香港人反抗」、「核彈都唔割」同「最後一天執笠清貨」都只係一句口號!

 

呢幾個月入面,無論係黑社會定係廢中廢老都因為英雄主義上腦 「睇唔過眼」出刀斬人、渣車撞人以及咬人,今日甚至連大學集會都有強國學生開左英雄mode拎把刀出黎指嚇其他集會既學生 ,但有無細心諗過真正原因?

因為對方好清楚知道你地口中既「香港人反抗」同「核彈都唔割」只係一句「得過講字」而根本做唔得既口號。出刀出棍最多咪俾人打到豬頭,又唔會斷手腳甚至無命,根本搵唔到任何理由去怕你地。

雖然呢班單細胞生物無腦無智力可言,講道理講邏輯只係哂鳩氣(講拳頭就有用), 但正因為無腦無智力既「盲撐」行為導致呢班人更放膽去打人斬人,最終既受害者只會係得把口既你地…….

即使有人出手斬傷人,呢班唔講常識既人都唔會第一時間衝出黎扮神探話係對方「自編自導自演」從而去將呢啲Dirty Work同自己即時切割, 而佢地既目光只在意「死唔死得」ー 死左就拍爛手掌,唔死就加多兩腳。

面對住唔合常理Fake news、CCTVB既精彩剪接、假到無可再假既 Message以及圖片,依然唔理真假信到十足,因為呢班人好清楚知道你地係小強係敵人,就算係阿爸阿媽兄弟姊妹都「無情講無彎轉」,除之而後快。

某部分主張大愛既「阻膠」同埋 FA 亦係問題所在,害撚死人就係呢d「豬一般的隊友」 ー 你做乜撚野去幫/去救一個傷害緊你同身邊既敵人?人地唔會多謝你之餘仲要俾多次機會對方「做野」…..?

睇到呢度你地唔可以唔承認對家真係「反抗緊」同「核彈都唔割」 ー 人地確實地做到你地講既野!

五個月以黎,有人死左、俾人強姦、受不人道既虐待、甚至消失埋 ー 呢個殘酷既事實擺在眼前,你仲想呃自己幾耐?唔通唱歌摺紙鶴嗌口號真係會令對方驚?定係天真地坐响度等其他國家幫你解決問題?

成王敗寇係一個永恆不變既定律,贏左可以get everything,但輸左就咩都無哂。如果你真係想救返其他人、等死左既手足無白白犧牲、想要返個屋企、想搵返一啲「答案」的話, 請你誠實地面對自己 ー 接受呢一刻既不足,從而改變你既心態,因為呢場戰爭大家再無任何後退既空間。

 

 

作者:陽光宅男

陽光宅男
人如其名,只係一個有陽光氣息既宅男,鐘意打機9up講笑話但懶到出汁,保證大家完全估我唔到。FB PAGE 陽光宅男Ken

閱讀後覺得好,請多多讚好及分享~:)

其他熱門文章

  • 移民?三四十歲呢班人,點移民? by 林非
    你以為香港「情況很差」,但香港一直以來的問題是「倒退得快」,即是那個delta_change很大。但香港在英國人建設下的確有很好的社會基本制度。例如說你移民去日本、去台灣,其實在社會上都各有問題,很大程度上你移過去,只不過是以「不在當地成長…
  • 同藍絲做廿年朋友,結果係點? by 六月的物管
    話說某日,細妹咁唔好彩撞啱「克警」又亂鳩咁放催淚彈,搞到佢眼、鼻、喉都勁唔舒服,猛咁咳之餘,氣管同皮膚都又敏感又痕。之後,細妹喺FB出post 訴苦…
  • 【輔仁罕有支持泛民行動】技術上,最容易做又可以癱瘓城市運作嘅罷工行業係乜呢? by 白木乩
    回歸返現實,有乜嘢罷工,既影響到好多人嘅生活,同時其實個影響,係好麻煩,但又唔係真係咁致命?我識嘢比較少,呢一刻我想放低成見,支持泛民嘅…
  • 黃店還是藍店? by 健吾
    最近有朋友跟我說,太子某一間火鍋店很藍,但自從某次見到警察在他們外面放催淚彈之後,就變黃了。然後在網路,又有人說究竟是黃是藍。有些員工,天天都看著大台的新聞,他們接收的資訊不多,再加上很多以訛傳訛的資訊,示威者有錢收,前線有小天使等等的消息…
  • 農的傳人 by 健吾
    首先,你要有一堆志工。…
  • 迫大家抗爭 by 健吾
    對這位特首而言,她很清楚,她現在宣佈宵禁,停工停課停市,就是輸。這樣子,「暴徒」的目的就會得逞。所以,她一定不會停課,而更會向「可以上班和上學的人表示敬意」。 …
歡迎讚好我們的facebook page,免費資訊源源送上。

文章資訊

ID: 201022
Date: 2019-11-07 21:52:41
Generated at: 2019-11-13 08:57:21
Permalink: https://www.vjmedia.com.hk/articles/2019/11/07/201022/「香港人反抗」、「核彈都唔割」同「最後一天執