警察未入來,又一城根本好和平——咁又無半日市,唔知會唔會減租?

 

便衣警員又一城拘捕示威者時被包圍 其中一人被打傷

【便衣警員又一城拘捕示威者時被包圍 其中一人被打傷】有網民號召在全港多區商場進行「和你shop活動」,3名手持警棍的相信是便衣人員,下午4時半左右,在又一城拘捕幾名示威者期間,被人包圍。手持警棍男子取出疑似委任證的物品掛在頸上,並不斷叫圍觀者退後,期間有人衝上前,雙方發生打鬥,其中一名相信是警方的人眼部被打傷,一批防暴警察及後趕到,手持長槍和舉起胡椒噴劑,要求記者及圍觀者後退,並制服另外幾名黑衣人。警方表示,下午大約4時半,有示威者在九龍塘又一城商場內破壞商鋪。警方隨即派遣便裝警員拘捕數名涉嫌違法人士,期間有人在旁叫囂,甚至襲擊警務人員,搶走被捕人士,警方隨即使用最低所需武力進行拘捕行動。#香港電台 #便衣警員 又一城

香港電台視像新聞 RTHK VNEWS 發佈於 2019年11月10日星期日

 

今日我都唔記得留意個香港人日程,首先個日程對我來講係避開唔好去,就同教協投選委張掌心雷一樣。

講遠左。

「和你shop」唔知係咪上次搞得幾大,原來今日又有,我12點去又一城食嘢,食完野睇未來戰士,未來強化人女戰士後尾用鎖鐮真心係正到無朋友,點不知睇完係,砰砰砰一輪,你老味,三點幾就見到有人對住後門圍觀,我埋去八下,哇~嚇死寶寶喇,出面好多防暴警察。

嚇左五秒,我同隔離嗰個異口同聲,話場入面有黑衫都唔知幾和平,個個照行街照買野,係間垃圾美心開嘅EXP 杯弓蛇影咋嘛。

但見到警察喺門口蠢蠢欲動,我地都覺得此地不宜久留,快快手手上的士。

 

好地地一個星期日,又搞到休業半日,唔知啦,又一城對我來講只係食野睇戲同埋公廁,啲嘢我都買唔起嘅。

無左一個星期日下午夜晚,會損失幾多生意?

又一城見好地地一個假日,有咁多警察衝入來打打殺殺,搞到啲租戶無生意做,唔知會唔會肯減租?

不過我最關心嘅都係被人拉嘅同學仔。

鏡頭影到就係按落地打頭,鏡頭影唔到嘅我唔掌握無得評論啦。

我都係希望同學仔唔好整親自己,無乜嘢諗到想做咪讀書搵錢做運動,被警察打親都會痛。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 【真人真事】小表妹的胎前記憶 by 表姐
    「你仲記唔記得喺媽咪個肚果陣係點架?」 「唔記得啦」 「再之前呢?未去媽咪個肚之前你喺邊架?」 「喺個天度」…
  • 失戀時,朋友講嘅野,聽下好喇! by 壞孩子
    佢地唔係你,唔知你個心有幾多掙扎,唔知你同個ex嘅經歷同佢俾你嘅感覺,就算你講左,佢地都係當故仔咁聽。而且,朋友為免你傻落去,通常都會叫你放手,話個人唔值得你等或者挽留。但你聽完,就算心知肚明,你鬼做到咁灑脫,如果你得,朋友就唔洗成日睇住你…
  • 關心柳俊江,仲多過十二位手足 by Terence Yun
    此新聞一出,不論是藍絲群組還是黃絲群組,都對此新聞樂此不疲,藍絲見此新聞,當然不會放過這個機會,明白,必然強力追擊,一定打到唔停手。但係唔明所謂的黃絲群組,所謂的本土、城邦之類,都對此也樂此不疲,大家七嘴八舌,當家常話,當正他有如阿嬌藝人般…
  • 去到英國做警花(自稱),見盡社會光怪陸離。 by 英國警花
    早排見d移民谷,個個都好擔心治安,人人好似會抬個夾萬日日出街等人打劫咁款,好似治安除左偷竊打劫外就無野要考慮。講到治安,你有冇諗過英國好多警力其實花了在照顧精神病人身上?…
  • 【MHXX攻略資料】村下位 ⋆1-6 KEY 任表 by VJGamer
    村 下位 ⋆1 KEY 任表 任務名稱 狩獵對像 出現條件 備註 古代林の特性ゼンマイ 採集 8 個特産ゼンマ […]…
歡迎讚好我們的facebook page,免費資訊源源送上。

文章資訊

ID: 201072
Date: 2019-11-10 18:56:27
Generated at: 2020-09-23 04:32:17
Permalink: https://www.vjmedia.com.hk/articles/2019/11/10/201072/警察未入來,又一城根本好和平-咁又無半日市