同藍絲做廿年朋友,結果係點?

 

 

話說「獨撚」有位C9朋友係藍絲退休公務員,而佢老公就係退休警察。C9同荷蘭叻一樣鐘意撐警,仲會喺藍媒page 瘋狂㩒like。儘管政見南轅北轍,但係「獨撚」都無同C9開拖兼unfriend 。

一來,想睇吓佢哋傳啲咩低智post同留言!

二來,C9 曾經好「睇住」小弟。

除非佢先出口,否則唔會正面衝突。

 

講左咁多,都係想講:最強撐警藍絲竟然唔係朋友C9,而喺「獨撚」細妹嘅好姊妹藍絲中產朋友A同佢老公F。

由讀書再到A同F 結婚生仔,相識超過20年。「閨密」程度喺A生咗仔,都要爭住迫細妹認佢個仔做契仔。「獨撚」喺雨革時就知道佢老公喺「藍膠」,原本以為A好慘跟著個「藍膠」。點知前早排,A喺FB出post「引火自招」,先知道佢哋兩公婆喺「天生一對藍」。

話說 A, share 咗一個藍絲post仲撐「克警」做得啱,言論惹火。當然,辣著佢哋認為喺深黃嘅朋友,佢朋友鬧佢哋無良知,仲問如果喺佢個仔遇到會點?結果,A就緊喺話佢黑心咀咒佢個仔。F,當然衝出嚟幫老婆A 護航,仲話唔鐘意咪unfriend 囉。

最後嗌晒大交,雙方都不歡而散。

 

過咗一排,估唔到佢哋兩公婆連「獨撚」細妹都辣著埋。

話說某日,細妹咁唔好彩撞啱「克警」又亂鳩咁放催淚彈,搞到佢眼、鼻、喉都勁唔舒服,猛咁咳之餘,氣管同皮膚都又敏感又痕。之後,細妹喺FB出post 訴苦;內容都係齋講吸咗啲彈,搞到氣管同皮膚好敏感、好痕,無講其他。然後F就「衝出嚟柒」,鬧細妹幾個月前 share 咗幾篇文所以就係深黃。仲話因為有暴徙喺度,所以啲警察先會放彈。(當日得放工嘅人,擺明鳩放)。又話做咩咁遲收工,早啲走咪無事囉。

睇到咁嘅留言,細妹心諗:「屌,識咗廿年!第一時間,唔L喺問候身體有無事,而喺將我歸類喺深黃。眼入面得藍同黃。喺唔L係朋友,有病呀?」細妹忍住爆seed理性同佢哋討論咗幾個回合。可惜,佢兩公婆最後竟然扯埋個仔落水。佢哋鬧細妹思想偏黃、好踩界,又好心提醒佢唔好效法黃絲,會犯法。仲話唔想個仔,有個偏黃嘅契媽。

睇到咁,細妹就即刻爆晒 seed;第一,無關顏色(中立派)。第二,點解要扯埋小朋友嚟講? 搞到好似「嗌」唔贏,就拎「契媽名份」嚟做籌碼?何況圍內朋友都知自己對契仔寵愛有加錫到燶。咁樣做真喺對小朋友好?。第三,將自己不停歸類屬於某種顏色,而且不停曲解同錯誤解讀留言意思……。

最後細妹心灰意冷,唔想再晒時間、晒氣力去「拗」,拋下一句「從此再絕口不提」就乾脆刪post ,眼看不見視為乾淨,遠離是非之地。

 

後記:講到尾,咁多年交情點都喺有條刺。細妹呻完,我同佢講咁咪睇清楚兩位為人囉。我諗,之後佢哋除咗講「飲飲食食」,都唔會再有「深交」。

 

作者:六月的物管

真係做左六個月物業管理

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 201093
Date: 2019-11-12 04:55:27
Generated at: 2019-12-13 03:08:15
Permalink: https://www.vjmedia.com.hk/articles/2019/11/12/201093/同藍絲做廿年朋友,結果係點?