每一所大學,附近都有個交通要衝. . . . . .

 

封住呢啲路,係好錯嘅事,睇Google Maps 都知有幾錯。

 

香港中文大學

二號橋下面就係吐露港公路,我諗呢一樣大家有眼睇,循例貼埋地圖:

 

吐露港公路係大埔乃至北區出市區必經之路,否則就要繞道大西北再落屯門公路,大兜圈之餘其實屯門公路已經出名容易塞,一架大貨櫃打橫訓喺度,騎牛都搞唔掂。

 

香港城市大學、香港浸會大學

歌和老街、窩打老道、聯合道,係獅子山隧道出口附近嘅要衝,出隧道去東西九龍都可以行龍翔道,不過如果要過海,就必經窩打老道。

 

當然啦,唔知好彩定唔好彩,龍翔道係要再行上一段路,都遠,塞埋就非常咁大鑊。

 

香港理工大學

紅磡海底隧道,紅磡港鐵站

 

香港大學

薄扶林道

 

塞薄扶林道對整體交通破壞力唔算高,畢竟香港仔黃竹坑人都可以行香港仔隧道,而家仲多左地鐵。

 

香港科技大學

清水灣道

 

九龍人要入西貢,通常就會行呢邊,調返轉,西貢人出市區都係呢度行。

可能科大都叫做屈左入去,警察要搞到佢地都出去影響交通唔係咁易。

 

香港警察要幾咁無戰略智慧,先會諗住強攻大學?

你以為打得入呢啲據點,先至可以搗破兵工廠咩?乜無人話你知,連白電油都要偷運先入到中大,佢地入面其實無煉油廠架,讀下書啦。

當大學生被逼埋牆角,俗啲講就係逼狗入窮巷,好聽啲就係哪裡有壓迫哪裡有反抗,全港大學生封曬啲路,全香港被罷工罷課罷市,真三罷真攬炒,呢啲都係警察嘅戰略智慧產物。

 

(唔記得左香港教育大學係大學,佢當年仲係學院嗰陣唔收我呀……晚安。)

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 201214
Date: 2019-11-13 20:48:13
Generated at: 2019-12-11 05:20:14
Permalink: https://www.vjmedia.com.hk/articles/2019/11/13/201214/每一所大學,附近都有個交通要衝