【真護士示範】應如何回答「交通癱瘓,阻住醫生護士做手術」?

 

 

話說有姊妹搭地鐵,撞著個阻地鐵關門嘅和你suck,成車有幾個人鬧佢,其中一個阿嬸就鬧,話呢啲廢青,阻住地鐵開車,如果有醫生護士趕住入手術室,就一定害死人。

姊妹同我呻完藍絲點煩,本宮梗係話,攬炒就係咁架喇,唔通婦人之仁?你又知喺手術室訓喺度嗰個藍定黃喇咩?

不過老娘就即刻搵另一個姊妹求證,佢就真係做護士,而且仲唔係企喺病房走廊問探病條友探邊個嘅護士,而係入手術室嘅護士。

為左提高說服力,佢叫我記住話俾大家知,手術室護士係唔洗幫醫生抹汗。

 

佢老細=😱,護士姐姐=🥰

😱:「阿女你住大西北,你返唔返到呀?」

🥰:「大西北今日冇車出,返唔到喇~而家攬住隻貓喺被竇。」

😱:「你唔好玩阿嬸喇,幾十歲唔嚇得. . .」

🥰:「你都知我唔會特登話罷工架,不過而家真係隨時被罷工咁咋。」

😱:「咁啦,你想點都得,搭的士uber 再claim 都得。」

🥰:「呢樣我就梗係知,不過真心答唔到你呀,唔係我唔想搭,我都唔知樓下有無車. . . . . .」

😱:「咁洗唔洗我搵架車接你?」

🥰:「有就梗係好啦…雖然我都知你講笑…」

😱:「 咩講笑,陣間叫個司機打電話俾你,你同佢溝通邊度上車,我叫佢一路入大西北一路打俾你!」

 

如果真係有手術,醫院係唔會容許個手術有咩差錯,包括安排有份嘅醫生護士返工。

呢度唔係話要叫大家多多和你suck,而係唔好將一啲本來就唔存在嘅嘢,無限發大咁亂講,要做手術嘅醫生護士,係有專車接返工架。

護士姐姐補充,話喺得地鐵鬧人塞佢返工嘅,連老細都覺得佢可有可無啦,真係咁重要,真係無左你唔得,老細一定緊張過你,唔派直升機只係驚無位升降,唔係都派左啦。

又要你返又要逼地鐵?反省下自己點解無人重視你啦。

 

作者:容嬤嬤

容嬤嬤
總編就梗係可以任開分身,開多個扮女人唔得咩?

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 201252
Date: 2019-11-14 21:27:27
Generated at: 2019-12-11 06:05:59
Permalink: https://www.vjmedia.com.hk/articles/2019/11/14/201252/【真護士示範】應如何回答「交通癱瘓,阻住醫生