【中大血戰】傷咁多人,原來為左區議會選舉?!

 

 

中大血戰,我完全無份,我同中大嘅淵源唔深,只係讀左幾個月教育文憑,雖然我覺得陳廷三教授係呢個世界上影響得我最深嘅教授之一。

我住馬鞍山,我記得早幾日,第一日開大片,我喺荃灣等巴士返去,已經見到無曬巴士,心知不妙,call uber 啦,上左車行呀行,好快出城門隧道,哇,塞死左。

無錯,嗰日係大圍沙田都塞死曬。

唔知好彩定唔好彩,架車等左一陣,又可以慢慢行,行呀行,司機話諗住兜馬料水過橋,行到馬場附近,停曬,完全塞死,塞左大半個鐘,我用電腦到無電。

然後,我人生第一次喺吐露港公路就咁行落車,人生第一次喺馬路走入馬場,人生第一次經過沙田馬場嘅馬房,因為保安指點左條路俾我行,話兜過馬場就可以去單車路。

去到單車路,熱鬧到好似旺角咁,熙來攘往,大家都喺度運物資,就算有人大叫話要火機,同埋好大浸白電油味,我無影相,無諗住要叫警察來呢度堵破軍火通道,雖然我唔鍾意叫人去死,但既然都打緊,無理由要同學赤手空拳,汽油彈對催淚彈,fair play。

 

咁多日來,好多好多人唔捨得俾中大人孤軍作戰,為左圍魏救趙,全港遍地開花,我呢啲就算唔洗通勤上班,我每日都會搭車去港島接女友放工,每日都會感受到乜嘢叫攬炒,唔方便就梗會有,但為左greater good,就算我唔覺得會成功,都唔會話鬧返轉頭,少少唔方便更加唔算係啲乜嘢。

今日凌晨,突然間被聯絡開嘅暴動份子連續N 個pm 叮叮叮,可以令我打機按暫停睇訊息嘅人,呢個世界唔多,佢係其中一個。

睇睇佢講乜,哇左出聲。

 

我以為呢幾日,全港風風火火,交通大擠塞,中環放飯加送催淚彈,連我馬鞍山都玩放題,大家係為五大訴求同埋光復香港,之類啦,是但。

估唔到,係為區選?

我睇左乜嘢。

如果你地為區選,唔該唔好塞路,唔好塞地鐵,行撚開,唔好阻住阿叔溝女。

我唔係講笑,我好撚認真的。

你地有大理想,OK,just do it,阿叔老了,我就算唔參與,企開啲都唔會鬧。

乜原來咁多日搞左咁多野,你同我講,原來你地玩選舉工程?

下?咁快啲申報選舉開支啦,除返開咁多區都應該爆數呀,小朋友。

 

當然啦,我唔知凌晨開記招係咩玩法,都唔知開記招嗰幾個同學仔係邊個,幾咁有代表性,我睇新聞架咋。

唔知咁做對唔對得住呢幾日傷嘅兄弟呢?搵人話我知。

真係好撚嬲入黎爆我屋企,兇我同學,攞我地啲車玩Mario Kart亂鳩咁撞仲講乜撚野中大唔係淨係中大同學,係全香港,屌鳩中大人顧住中大係自私然後無啦啦開press con話開路換區選,仲要話係共識我共你老母咩成日話中大人當你地condom,宜家我地成個中大連校長連同學連SU都做撚哂你地condom啊屌你老母

Cheuk Hei Owen 發佈於 2019年11月14日星期四

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 律師真係好型咩? by 烏龍
    大律師事務律師也是男人,男人的劣根性在法律界也不能免疫。相反,正正因為很多天真嬌對律師趨之若慕,主動獻身亦大不乏人,單是律師這張名片對某些女士來説可能是一卡傍身,世界通行,所以法律界的男人們在女性市場比較吃香,把妹相對容易也是相識吧。事實上…
  • 暫停六合彩,反映馬會進退失據 by 曾慶光
    今次為六合彩四十五年歷史上,因應疫症而暫停攪珠時間最長(超過二百日)的一次,而且有很多人質疑二零零三年「沙士」時無暫停六合彩。馬會早前公佈截至今年六月,上一年度六合彩投注額僅僅過五十億,對比前一年度大跌近四成,少近三十億。…
  • 【遊戲介紹】死又有咩可怕?《Chronos: Before the Ashes》死一次強一次 by 阿九
    2019 年大賣嘅《Remnant: From the Ashes》,大家都應該印象深刻。同樣由 Gunfir […]…
  • 「作為一個女仔識做家務係一件好可恥的事」 by 瓔庭
    「作為一個女仔識做家務係一件好可恥的事,你要同我記住。」細細個便響阿媽度學識呢句說話的Pat一家很完美的實行了這個「理論」,佢係一個十指不沾陽春水的大小姐。家中清潔、煮飯什麼的都是Pat的老竇同阿哥去做。甚至學校有家政堂寧願肥佬都唔肯去做任…
  • TikTok 其實好重要 by 毛言地
    每個社交媒體都會有唔同嘅低能及危險玩意,就好似Facebook早前都有出現藍鯨遊戲,不過「危險」始終唔係Facebook嘅主流,大家上Facebook嘅主因唔會係為咗睇藍鯨遊戲比咩任務你。但TikTok當中低能嘅影片基本上係主流,咩Skul…
歡迎讚好我們的facebook page,免費資訊源源送上。

文章資訊

ID: 201261
Date: 2019-11-15 04:29:10
Generated at: 2020-09-19 13:49:25
Permalink: https://www.vjmedia.com.hk/articles/2019/11/15/201261/【中大血戰】傷咁多人,原來為左區議會選舉?!