【校長割蓆】一夜撤兵,走之前最緊要清晒汽油彈

 

留守中大示威者大致散去 車輛逐步運走物資

【留守中大示威者大致散去 車輛逐步運走物資】本身留守中文大學的示威者,凌晨前大致散去。少數留下的示威者曾崇基門一帶向雜物擲汽油彈,據了解,他們是想自行清理汽油彈。由二號橋、夏鼎基運動場到崇基門一帶,都遺留大量示威物資、垃圾及磚頭,亦見到一批汽油彈。大批私家車駛入中大,運走物資。有中大學生幫手執拾,表示明白示威者撤退的決定,會主要搬走無危險性的物資。#香港電台 #港台電視31 #十點半新聞天地 #中大

香港電台視像新聞 RTHK VNEWS 發佈於 2019年11月15日星期五

 

呢幾個月群眾運動,最令人稱奇嘅,係每當大家以為就快完,會突然間爆啲唔知乜嘢出來,刺激好多人走上街頭更暴烈;但調返轉,好似呢幾日咁,係大家以為難免大戰連連,就突然間「完左喇」咁樣。

聽聞有大量食物飲料,份量足千人,生嘢唔擺得耐,有人話就咁丟晒佢好浪費,我反而覺得最緊要同學仔無事,唔通要每個暴徒拿住啲生料通街問人要唔要咩?變相督自己灰就無謂。用剩嘅急救用品,又係大量,已經識得有人處理中,唔好問我邊個,我唔會講。

以上嗰啲,講到底都唔係咩特別野,但致命武器汽油彈,就真係要臨走之前清理好。

 

片段所見,同學仔就地燒毀用剩嘅汽油彈,期間並無警察干預,真係要讚番次警察嘅戰略,凌晨中大同學仔撤離,警察無去搞人地,無去拉人,無去追捕,否則又會激起抵抗,窮寇莫追就係咁解。

能戰方能和,呢幾日全香港都見到,警察強攻學校無好下場,只會越搞越亂,連帶附近交通幹道都癱瘓,火燒連橫船;相反,政府拉攏各大校長,名義上出聲明譴責所有暴力,開金口要求暴力份子離開「早已停課」「無晒學生」嘅校園,唔洗講到明,都將暴力份子與大學生區隔,果然讀得書多做得校長都係唔同啲。

大學生都係明事理,先有昨日凌晨中大三名黑衫蒙面人擅自未得其他手足同意就開條件投降,個個話核爆都唔割,咁柒爆呢?身體最誠實,撤了。然後昨日日間各大校長高調與暴徒割蓆,明言會邀請執法人員到校內支援,堡壘從內部瓦解,令大家再次明白無險可守係咩一回事。

 

生命誠可貴,好似嗰套天氣之子咁講,香港百幾年前只係一條漁村,要崩壞咪由得佢,各位年輕朋友要珍惜生命,對暴政就梗係要抵抗,不過抵抗唔係扣自己嘅生命,應該係扣敵人先啱。

至於點扣敵人,講得多又冷氣軍師。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 律師真係好型咩? by 烏龍
    大律師事務律師也是男人,男人的劣根性在法律界也不能免疫。相反,正正因為很多天真嬌對律師趨之若慕,主動獻身亦大不乏人,單是律師這張名片對某些女士來説可能是一卡傍身,世界通行,所以法律界的男人們在女性市場比較吃香,把妹相對容易也是相識吧。事實上…
  • 暫停六合彩,反映馬會進退失據 by 曾慶光
    今次為六合彩四十五年歷史上,因應疫症而暫停攪珠時間最長(超過二百日)的一次,而且有很多人質疑二零零三年「沙士」時無暫停六合彩。馬會早前公佈截至今年六月,上一年度六合彩投注額僅僅過五十億,對比前一年度大跌近四成,少近三十億。…
  • 【遊戲介紹】死又有咩可怕?《Chronos: Before the Ashes》死一次強一次 by 阿九
    2019 年大賣嘅《Remnant: From the Ashes》,大家都應該印象深刻。同樣由 Gunfir […]…
  • 「作為一個女仔識做家務係一件好可恥的事」 by 瓔庭
    「作為一個女仔識做家務係一件好可恥的事,你要同我記住。」細細個便響阿媽度學識呢句說話的Pat一家很完美的實行了這個「理論」,佢係一個十指不沾陽春水的大小姐。家中清潔、煮飯什麼的都是Pat的老竇同阿哥去做。甚至學校有家政堂寧願肥佬都唔肯去做任…
  • TikTok 其實好重要 by 毛言地
    每個社交媒體都會有唔同嘅低能及危險玩意,就好似Facebook早前都有出現藍鯨遊戲,不過「危險」始終唔係Facebook嘅主流,大家上Facebook嘅主因唔會係為咗睇藍鯨遊戲比咩任務你。但TikTok當中低能嘅影片基本上係主流,咩Skul…
歡迎讚好我們的facebook page,免費資訊源源送上。

文章資訊

ID: 201291
Date: 2019-11-16 06:24:19
Generated at: 2020-09-19 13:06:45
Permalink: https://www.vjmedia.com.hk/articles/2019/11/16/201291/【校長割蓆】一夜撤兵,走之前最緊要清晒汽油彈