習慣 #手動轉 嘅人其實同藍尸差唔幾

 

風風火火嘅香港保衛戰 已經行將半年,近來鍵盤戰士嘅潮流係 手動轉 ── 一些在連登或Telegram 公海廣傳嘅文宣,許多人將整段文字Copy & Paste 照單全收,之後用自己帳戶將呢啲別人的說話再講一次,在下對呢種做法其實頗反感,這跟政見或貼文內容無關,而係心態問題。

「手動轉」係思想嘅外判,你「覺得」某某講嘅說話很符合你嘅政見或立場,所以轉載,但呢個過程其實只係隱式被洗腦,你以為你在說話,但那些其實只是匿名者的思想,你放棄自我去當別人的容器,呢種囫圇吞棗嘅轉載對閣下嘅分析能力長久有害無益,當你每一次「手動轉」,你可能「表達」了二千字,but you have said nothing,你既沒有把別人思想中可能隱藏的謬誤或陰謀解毒,也跳過讓自己組織、分析、審訂自己觀點嘅過程,由於你係用緊自己身份去做別人嘅容器,你嘅社交圈子也會被你手動轉嘅內容影響,假如你朋友剛好也是跟你一樣慵懶,有毒嘅內容就如思想傳染病般在同溫層蔓延。

「手動轉」最最最可惡嘅係那個大義凜然嘅外殼包藏着掌心雷式嘅自我思考棄械,如果一兩百字表達自己感受和信念嘅過程你都偷懶,一味抄抄抄當作「政見」,呢種虛構嘅政見其實不堪一擊,當你需要真正論述時就必定會穿崩,假嘅政見不如收嗲,唔識就唔識,執人口水尾甘心做傀儡仲要自嗚得意,呢種表現同藍尸一味以訛傳訛不求甚解,其實分別並不大。

而且「手動轉」也是僥倖心態,公就你贏,字就我輸,「我只係 copy & paste,嗰啲好似有問題嘅部份我唔同意㗎」,當閣下社交網絡出一個 post 原來竟然會係唔代表你,咁點解你要抄抄抄扮高深?不負責任嘅政見同欺騙無異。

自由唔單單係物理上嘅定義,思想上嘅自由係形而上嘅脆弱,思考-組織-表達係不能也不應分割嘅系統,閣下唔能夠閹了思考和組織並外判腦,然後話那個被去勢嘅「表達」就係你嘅政見,閹人就是閹人,無論識玩幾多花式都不可能成孕。

 

作者:爽健

爽健
不求聞達於諸侯,只願笑傲賞江湖。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 201389
Date: 2019-11-19 14:34:57
Generated at: 2020-10-25 09:40:20
Permalink: https://www.vjmedia.com.hk/articles/2019/11/19/201389/習慣-手動轉-嘅人其實同藍尸差唔幾