和一個澳門藍絲的和理談

政治 / 最新文章綜覽

 

 

早前去外地旅行,認識了一位在澳門土生土長的澳門人,在當地從事賭業。和他閒談,可以了解更多一個藍絲的思維,從而長知識。

起初和他閒談,他說不會和香港朋友談政治,免得大家有爭抝,但係當同佢傾多半個小時候,佢就開始黎料,個口吻基本上都係有一個藍絲tone,就係「我其實係中立嘅,不過我覺得示威者真係唔應該咁囉。」之後就再繼續討論落去,當然三九唔識七,佢咁講,你咪聽下囉,當中很喜歡一個概念,就係中國很強大。

當你聽到這些問題以及他的觀點,便知道大家的確生活在一個平行時空。

「你知唔知道澳門遲d有股市,到時香港真係無用架,香港人可以來澳門做野,香港個價值就無架啦。」
「我都唔明d人咁著重私隱做咩,你去下北京個新機場,人地做到人面識別,入到個機場,係唔駛登機証入閘,因為你入到去scan左你個樣,如果你遲上機,當地員工會透過眼鏡識別到,走埋來同你講叫你上機架,你話幾方便呀,你去美國夠要搜身又除鞋啦,咪一樣侵犯你私隱」
「係咪真係有天使架」
「大陸要攻台灣,真係唔駛二十四小時就成功登陸,你美國佬根本幫唔到台灣架」
「d後生收晒錢去搞事,根本就係有人策劃啦」

以上係佢講嘅說話,你當真又好,假又好,佢嘅資訊和想法,無疑同大家有頗大戶距離,即使你如何解釋,佢都會話「香港人,唔好覺得自己好勁,雖然以前真係好勁,但個社會係咁變架。」
以上說話,你在藍絲堆入面,係會時常聽到的。
除了這些思維外,還會理解到藍絲想要的東西。

「回歸前,澳門人真係無地位,依家不知幾好,我份工真係高,又咁講如果我去香港,只能夠做企堂,但係依家係澳門,真係唔憂。所以我地真係唔好嘈囉,但係香港唔同喎,後生仔搵唔到食,搵得果萬零蚊,係我都嘈啦。」
「澳門黑金真係好勁架,哈哈哈。呢度好多地都係好平賣比發展商架,佢地真係賺到笑。」口吻之中,完全唔覺得有問題。

澳門黑金好勁,並且認為可以發展澳門的股票市場,可以取代到香港,金融中心地位不保,香港的法治有,但唔可以當飯食,自由、民主唔一定要有,搵食最重要,貪污是可以接受,認為生活安定就得。

可以留意這位澳門人所提及的一些思維,所提及的事和思想,當中很大程度上有一個共通點,就是向錢看的目標為本,每樣事情的終極結果都係以利益行先,其他都是次要。能夠有利益,就可以放棄他們認為不重要的事情。

人權、自由、法治、民主,對他們來說並不是基本,只是一件副產品,可有可無,有當然好,無也沒有所謂,只要有好處便成。

無疑人權、自由、法治、民主這些東西是很難量化給予你有什麼好處,因為這些東西是抽象,但是沒有這些東西,人類則難以進步,即使沒有這些東西仍然可以生活的話,這些所謂的安定生活其實也只是在一個浮沙上建立。因為沒有人權,可以因事被剝奪人身自由,沒有法治,不能保障你的財產隨時有機會被抹去,沒有民主你不能以你的選擇去決定一件對自己有利的事情。

 

作者:Terence Yun

Terence Yun

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 201395
Date: 2019-11-20 15:07:48
Generated at: 2020-08-10 18:52:37
Permalink: https://www.vjmedia.com.hk/articles/2019/11/20/201395/和一個澳門藍絲的和理談