你班仆街高官究竟想唔想贏㗎!梁前市長已經提曬水!!!

 

 

睇返梁前市長呢幾日嘅post,覺得梁前市長喺挑撥離間同煽風點火呢兩方面都有過人嘅能力,就算班勇武派明知係陷阱都有唔少人心甘情願咁跳落去。因為梁市長真係睇穿曬泛民同呢班真係犧牲好多嘢去追求民主自由公義嘅人嘅矛盾。

 

如果你是泛民的選民,只要看看泛民怎樣背棄困在理大的勇武,就可以預見在選舉後他們怎樣背棄你。

梁振英發佈於 2019年11月20日星期三

 

唔怪得當年處理雨傘咁易如反掌。更加令到反對派過去幾年一蹶不振。雖然當時民望好低,但係對於中共喺香港嘅長治久安嚟講真係「罪在一時,功在一世」。

相反呢,阿林鄭月娥呢個蠢女人就遜色好多,又要扮鷹派,扮好打得,實則呢就兩頭唔到岸,到頭來越搞越大鑊。蠢女人做人做事都充滿官僚作風,公務員嘛,一切都跟程序做事,冇寫落紙嘅程序,面對相同問題咪跟返之前嘅做法囉。

咁所以對於成場運動,一直都採取緊雨傘嘅應對方法。搞搞下仲要煩到中南海添。你睇下你打工打得幾失敗呀。唔知習大熊有冇喺心入面暗暗比較林鄭同梁振英兩個人嘅能力呢?

哈哈。

 

蘋果日報想暫時叫停暴力抗爭,變成我們的盟友,今天刋登了在理大事件中被捕的272人全部名單,還加上年齡和職業,算是靠害還是「以儆效尤」。抗爭者已成”condom”。從頭到尾,一切都是假,蘋果眼中只有選票。泛民支持者,你會在星期日含淚投票嗎?

梁振英發佈於 2019年11月20日星期三

 

我唔敢講梁前市長仲在任嘅話,會三兩下手勢就解決到場運動,但係相信整體調動都會流暢好多,甚至分分鐘同泛民嚟個閉門會議呀,欽點泛民做示威者嘅代表呀,畀機會泛民騎刧成場運動。就算幫唔到泛民爭取主導權,都要將泛民擺上枱,等泛民喺一開始就分擔勇武派嘅火力,同時令和理非同勇武嘅合作空間收窄,令人心分崩離析。

講真,林鄭要去學梁前市長嘅方法真係冇問題,奈何蠢女人根本睇唔清梁前市長嘅策略,以為梁前市長係拖死場運動。梁前市長就心水清呢,知道泛民難成大器,同時在意民意嘅一時反彈,瞻前顧後又缺乏果斷一定進退失據,只要一日場運動嘅主導權仲喺泛民手上,自己嘅管治就仲係好安全。泛民係助力,而唔係威脅。所以不妨畀泛民上台做獨角戲出醜,引起年青人同泛民嘅矛盾,趁機打壓一下。結果果然成功,令之後幾年反對派一直互相打壓甚於對抗政府,泛民幫政府分擔本土派嘅火力。

但係蠢女人就以為梁前市長嘅策略就係夾硬嚟同拖字訣。戇鳩鳩咁扮鷹派,又唔知自己根本唔係鷹派,亦都冇權做鷹派。自己有乜嘢助力,邊啲人先係真正嘅威脅都唔清楚,上任嘅大好局面咁就敗曬。真係 go back to the kitchen啦!

最後想講句,梁前市長嘅厲害之處其實不亞於曾鈺成㗎,相信歷史會還梁前市長一個公道 lol

 

P.S.: 如果大家仲唔信梁前市長係水鏡八奇,仲以為佢係陳云根level嘅話,畀個例子大家:

佢係先DQ梁游,再DQ泛民嘅。

不過大家只會記得泛民提DQ永遠係講4個人,唔計梁游,仲話佢哋拖衰家。

 

作者:山城小豬伯

總編話佢:「真人係幾靚仔嘅」

閱讀後覺得好,請多多讚好及分享~:)

其他熱門文章

  • 【口罩知識】99% PFE 就等同 N95 口罩? by Tango Chan
    PFE(Particle Filtration Efficiency)則是顆粒過濾效率,以 3M 為例,他們會利用 0.1 μm 的微粒及 28 lpm 流速來測試外科手術口罩的過濾性能。而普遍來說,這項測試容許使用 0.1 – 5.0 μ…
  • 【香港醫生護士幾時先肯罷工?】如今醫療系統淪陷,源自於「道德勒索」 by 殷琦
    「假如醫生護士集體罷工,相信政府就明白如今已經勢危。但,政府就是知道做醫生的不忍見病人垂危而見死不救,有恃無恐地利用了我們的醫德—也許我們也成為了制度的幫凶。」其實這,正正就是所謂的「道德勒索/綁架」。…
  • 【一人一個沙士回憶】零三年,我住在淘大花園。 by 阿迪
      「零三年,我住在淘大花園。」 短短十個字,已包含很大資訊量。 那時小三,明白的事情不多,只知道很 […]…
  • 致A1的妳 by 車干
    也許是上天憐憫我們這群A0女子俱樂部,或是覺得筆者的勇氣可加,終於不負初心,筆者在零售業中開展了她人生中的第一段戀情。…
  • 【一人一個沙士回憶】只要行多一步,大家都可以係抗炎小子! by 韋健
    相信各位八、九十後嘅朋友都會記得我圓碌碌個樣。想當年,沙士來勢洶洶。嗰時我就係中文大學,亦即係某啲人口中嘅「暴大」誕生,作為暴大仔,當然係好暴力,但做暴徒嘅目的只有一個,就係打低沙士大魔王。…
  • 高比拜仁 by 藍兼併
    他不想成為下一個米高佐敦,他只想做高比拜仁。睡至中午看到朋友的第一個分享的資訊,我不明所以地問為什麼,然後下一秒就是鋪天蓋地的難過消息,NBA傳奇高比拜仁巨星磒落,與他一起喪生的,還有13歲的女兒。…
歡迎讚好我們的facebook page,免費資訊源源送上。

文章資訊

ID: 201475
Date: 2019-11-21 19:20:00
Generated at: 2020-01-28 09:26:19
Permalink: https://www.vjmedia.com.hk/articles/2019/11/21/201475/你班仆街高官究竟想唔想贏㗎!梁前市長已經提曬