【真人真事】上次「收留」嘅「小朋友」,咁多日來都渺無音信

 

不論中學生,還是大學生,他們都可以賭上生命,賭上前途,去換取香港的未來。大人們就是連罷工都不肯,你們慚愧嗎?!今日圍中大,聽日圍中環,暴政之下,無一幸免。

– KEVIN CHENG PHOTOGRAPHY- 發佈於 2019年11月12日星期二

(「故事純屬虛構」;圖片與人物及故事情節完全無關)

 

上次講到警二代黎咗我屋企到寄居,成日都話相見好同住難架喇,更何況仲有generation gap,雖然我心入面成日都好想叫佢點點點,但始終都你覺得佢咁大個人,自己有分數架啦。

啱啱開始個頭兩日,見到佢做家務我係心諗算喇你都係放低不如等我黎,有一次佢拖地,大佬地都冇掃好你又拖地即係玩我啫,我忍唔住出聲,佢就話「我工人係咁拖」,然後我係有少少燥,大佬你屋企點拖關我鬼事咩,但我下一秒又諗,算啦我係佢果個年紀都係咁,我就同佢講,根本個地仲有好多頭髮,你拖黎都冇意思。我知佢唔gur,但係佢又真係自己再睇,之後自己拎個掃把掃地先再拖。

如是者我地斷斷續續都係咁相處,當然大家都有啲蝦碌野,有一次我飛完返黎,問佢食咩,佢不如自己煮,我飛完歐洲,買咗米咪諗住煮risotto,點知煮到一半我突然醒起屋企冇哂白酒,兩條友係個廚房到大叫,最後,最後硬著頭皮拎咗枝孖蒸去煮,em,笑完兩條友大笑咗,不完美,可接受不過最好唔好啦。

到咗中大有事個日,我完全返唔到工,因為我係中大校友,見住自己屋企俾人摧殘,已經係去到佢想炒我就炒我嘅心態,當然我屋企果個就諗住出去,估唔到我同佢第一次嗌交係因為呢件事。

果晚我冇訓,約埋大同一齊上去,當時已經入唔到去,然後我到個方法渣兩個轆入去運物資,第二朝返到屋企,佢準出去。

「我去中大」
「你去黎做乜野?」
「果邊要人」
「果邊有物資,你而家去諗住守?」
「點解唔守呀?如果佢地今日入咗去,佢地以後都可以入去!」
我好嬲,「你地班人守,守完又點呀等俾人拉?定瘋狂火魔呀?仲有中大你地識路咩?俾人拉咗你地咪玩完囉。」
然後佢又好嬲,「而家我地幫緊你地中大呀,我地唔出咁d手足點呀?你咪又係當佢地condom!」
「大佬,而家要be water喎唔係咩?陣地戰唔係試過啦咩?最後咪俾人一網打盡囉」
「你知唔知咩叫前線決定呀?你唔係前面就收聲啦」然後佢衝咗出去。

我好想講出口就係,好心你班人唔好咁浪漫主義啦,命都留唔到仲學人打仗,不過最後我冇講,因為我知道佢地個心口係有個勇字,點都阻唔到,除咗backup。

之後我又冇返工,睇到live有人大叫撤返去祟基,我個心先定咗落黎。果晚佢返咗黎,我地一句野都冇講過,到第二日,poly有事,佢又衝咗出去。

我冇返工個幾星期,洗衫果陣見到佢寫咗封信話如果佢失踪我要點點點,佢有send msg 俾我間唔中,但好短。佢封信最後一句係講「我返黎可唔可以請我食mos burger薯條,同埋可唔可以教我點樣先可以皮膚好啲?」,我望著封信,其實好心酸,因為我始終認為呢種痛苦唔應該係呢個年紀承受,但係又有咩辦法?

到呢一刻我係仲未見到佢,just wanna say,kid,please back home and I’m just waiting for you here.

 

(「故事純屬虛構」;圖片與人物及故事情節完全無關)

 

作者:黨航職員

愛國愛港愛黨

閱讀後覺得好,請多多讚好及分享~:)

其他熱門文章

  • 做傳銷其實同入邪教無乜分別 by 小盛女
    「想唔想快啲有錢結婚買樓?」「想唔想快啲搵到人生嘅第一桶金?」「想唔想出人頭地?」「想唔想一世免費用護膚產品?」…
  • 【MHXX攻略資料】村下位 ⋆1-6 KEY 任表 by VJGamer
    村 下位 ⋆1 KEY 任表 任務名稱 狩獵對像 出現條件 備註 古代林の特性ゼンマイ 採集 8 個特産ゼンマ […]…
  • 運動場上的小團體——「女朋友協會」 by 愛麗 ‧ D
    曾經遇過一個最讓我佩服的女生是這樣的:首先她拿到了全勤;而且她親和力夠,再且可能因為全勤的關係,跟男朋友ssssss都熟絡,熟悉得能接下球場上內外的所有人的所有話題;還熟悉球場上所有的規則,懂得球證每次響哨的意義;還跟每一位女朋友都熟,就像…
  • Goodbye HK, Hello HK. by 毛言地
    班機兩點半飛。預早三個鐘到準備Check-in,再計埋搭巴士去機場,準時十點打開屋企大門,準備迎接久違嘅飛行之旅。雖然平時我同啊媽買餸幫手拎袋橙都話好重,但拎行李就另計,再重都係開心事。等巴士用十五分鐘,車程用差唔多一個鐘。雖然淨係去機場嘅…
  • 吃很多但不會胖的女子 by 藍兼併
    她啜了一口凍檸茶,然後接連吃了三口米粉,郊外的泰式食店在晚飯時段前的最後一個下午茶餐,在她慢慢品嚐下,變得特別美味。她是個會吃很多,但看起來依然弱不禁風,有時瘦削得營養不良的模樣,臉頰都會凹陷,只有鼻樑是高挺的女生。…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 201525
Date: 2019-11-24 14:11:19
Generated at: 2020-10-20 13:33:07
Permalink: https://www.vjmedia.com.hk/articles/2019/11/24/201525/【真人真事】上次「收留」嘅「小朋友」,咁多日