投完票係時候裝修泛民

政治 / 最新文章綜覽

 

 

今年投票率比去屆上升百分之二十五,打破歷屆紀錄,無疑這個理由是因為近期運動所致,當中投票率高的理由不只是因為非建制出力,事實上建制派都出盡奶力去投票,今日不用渠道都可以建制的動員能力以及利誘之高,再見到其威力有多大,至於結果勝算如何,個人並不樂觀,始終區議會選區細,鐵票動員能相對容易,俱有鐵票的選區勝算會容易贏。

但這次區選最奇怪仲有人叫人投白票,唔好投泛民的心態,其實心諗「做咩姐」。

無錯,有人是正在吃人血饅頭,有人是借勢去選拿議員搵食拿著數,但是見過這六個月來的情況,還認為白票是有用可以懲罰到泛民嗎?如果是認為可以,就唔會有勇武啦,無錯,我意思係勇武其實同樣可以應用於泛民身上。過去六個月,勇武同和理非雖然不同步伐,但無可否認兩者的協同效應才可以維持到個運動這麼久,如果只有像過往的日子,兩者互屌,互拖後腿,運動早就完了。

但我見仲有人叫唔好投泛民,如果泛民輸,還會覺得這些議席入面的資源還可以落到區嗎?給予到市民嗎?當然有人會反問,你又認為「泛民」會幫抗爭者嗎?答案無疑是不能答你一定會,但可唔可以想下泛民用投票方法罰唔到佢,你咪用其他方式罰佢囉,唔係依家仲要人教呀?你估有冇人去裝修泛民呢?如果佢地仍然吃人血饅頭,今天的抗爭者會唔會裝修佢地?其實會都係唔奇,試想下今天裝修已經成為一種普遍的抗爭模式,可以裝修建制時,點解唔可以對泛民有同樣的態度呢?除非抗爭者自身都接受泛民對佢的態度啦。

試想抗爭者真人係裝修泛民,試下泛民會有咩心態?會譴責嗎?會割蓆嗎?這個成本計算你認為泛民不懂嗎?經過這六個月以來,不論是抗爭者、建制、非建制都明白這場運動對各方面都進化不少時,升級行動成為常態時,大家都會有一個心理準備,就是不可以太hea了,這個洗禮是對所有人,包括泛民。現在投完票,大家可以檢視一下泛民,他們對抗爭者的態度取態如何?如果真的不滿意或者在拖抗爭者後腿,後果相信是各下自理。

想保泛民唔係為左泛民,只係保住政治版圖的勢力,對家是一個國家機器。外國的反對泛可以抵制選舉,因為外國的勢力根本弱勢,但是現在是對著一個全球第二大經濟體的國家機器時,美國也要認真起來對付的一個國家,要套用外國抵制選舉的方法,其實係咪天真左少少呢?國師之流成日話打立體戰之時,投票票保住泛民但同時間可以對付泛民,呢d咪更加係你所講的立體戰,因為咬著泛民春袋,這不是更好嗎?

仲有叫人唔好投票之類,但我見到熱血公民有出選,即係咩玩法?咁投唔投好?

有時候這些邏輯的混亂,真係唔係好明佢地做緊乜,但更加抵死係支持者會話你「你望唔透個佈局呀,你唔夠IQ理解」如果唔能夠讓大眾理解,就其實係政黨的責任,而不是普通市民的責任。

大家或者選舉後可以檢討一下如何裝修泛民,等泛民明白這個遊戲誰才是真正的操盤者,是人民還是泛民。

 

作者:Terence Yun

Terence Yun

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 201537
Date: 2019-11-25 00:52:58
Generated at: 2019-12-13 05:10:06
Permalink: https://www.vjmedia.com.hk/articles/2019/11/25/201537/投完票係時候裝修泛民