早陣子，我收到一個聽眾的留言：
健吾，我有睇你patreon，好多謝你仲肯講邊度有好野食，我其實好唔中意d 香港人，覺得我去抖下， 食下野果陣，都要畀佢地鬧，話「點解你仲有心情post呢d」。我係咪將我做既所有野，都要話你地知？唔通我捐錢畀去左台灣d 細路讀書，我就將堆現金兜野星埋去個細路塊面度然後放上instagram 我先可以post一張飲食相？我都唔知點解d 香港人要咁樣。而家我過咩生活，又一定要放晒上網咩？而家放咩上網，都要顧人感受。有件事都可以再爆你知，早排有個同事，因為捐左錢畀x場，之後就發現佢個個人資料，上左藍絲d 起底page啦。原來佢做國企，之後就畀人篤左佢灰，之後就冇左份工。我唔知立場唔見左部電腦，d 個人資料去左邊。究竟係因為佢放左張過數紙上fb，之後就畀人起底啦。我而家放d 野食上網，係咪真係好錯呢？之前睇你page講，話藍絲做人舒服d，我而家信啦。我d 黃絲朋友出街食飯都要睇直播，覺得自己好似參與左件事咁。餐飯，根本就冇心機食。我想鬆一鬆先同佢地見面，其實佢地個心都唔係度，大家都好辛苦。
咁係咪大家都要好辛苦，大家都覺得就死啦冇希望啦，然後我去玩一下，都要畀你鬧，都要畀你覺得，我做緊錯事，我點都唔長進，我唔夠好唔夠叻？
～～～～～～～～～～～～～～～～～～～～～～～～～～
係而家呢個時勢，可唔可以放食野既相上網呢？
最近，我有朋友，都發生過類似既事情。
佢話，有一個佢在意既朋友，傳佢簡訊，話佢係「限時動態」story 度放一張食物相，你覺得合適咩？
果個朋友果日啱啱同一個畀呢場運動搞到想自殺既細路傾左一晚，有d火起，就咁回應啦：「如果我覺得唔appropiate 我唔會放。而且我冇講過我而家食緊呢樣野，呢張相係latergram。你點知我而家做緊咩？我而家放story 就係我而家做緊呢樣野咩？點解你會覺得係咁？」
大部份人，都是用人既第二身份去judge 其他人既生活同人格既。覺得人放上網既野，就等如佢地既生活。其實大家都知道，呢個世界有好多人，都係生活得好普通，好無聊，好無火花，好無事可記既。
你有冇迫地鐵？以前我地返工迫地鐵果陣，你一定會見到一兩個企係度訓著既人。佢地根本冇靈魂既。係香港，有幾多人，其實係唔中意返工，都一定會返工既呢？
一個人返工，並唔係因為佢想，而係因為佢唔返工，亦都冇咩好做，而佢亦都需要果堆錢，去維持佢既生活。於是，面對呢d 不合理或者不快樂既事，好多人就會覺得係個社會迫成佢咁。大家都唔快樂，而網路，就係一個特別既出口，係怨氣，亦係虛情假意既出口。
係網路，有好多人會取笑中國大陸既一d 直播主，直播就公主，真人就蕃薯。因為，果堆人只需要一d 陰影，再加一d 好似一個銅鑼咁大既大光燈，只要加埋filter，佢個樣就會完全唔同晒。點解我要因為我既第二身份冇人人forward 文宣，黃絲content farm 既假新聞（如警察偷偷地將扣留48小時變72小時，通過香港人權及民主法之後一日單程證配額就由150個變4500個等等），我就係對個運動冇建樹？
我果個畀人插佢放食物相唔appropiate既朋友就話：「我使唔使周圍同人講，我捐左幾多錢畀冇屋企返既細路食飯？有幾個人夾租果d，我做家長，我都有租個地方畀佢地。我使唔使同人講我買左幾多文具八達通？我使唔使同人講我做左幾多唔講得既野呀？」
我聽到呢句，我即時既反應就係「你唔使同我講，我唔想知」。
用第二身份去judge人，係極端無聊以及戇居既。正如從來都唔會有人信所謂文青男神女神真係會讀好多書（算啦， 香港文化人都係讀自己果辮既書既）咁囉。我唔知道究竟有幾多人係黃絲，呢幾個月要過住苦行僧咁既生活，先叫合格。當有一日，我有朋友畀人話「去做gym」都唔啱，然後果個做健身教練既朋友就話：做gym 都唔啱呀？咁得啦，唔怪得之出面既人掟磚都冇力啦，原來做gym都唔畀架而家。
有d 人覺得自己係度反極權，但對「同路人」既生活就以極權既態度指指點點，其實都真係幾有趣。
你哋班忽然山友，不如去返睇戲食飯扑野算鳩數啦
巴士公司一邊鳩搶新區客，一邊屌走舊區客
【口罩知識】99% PFE 就等同 N95 口罩？
【劏房生活實錄】連打飛機／捽碟都怕被鄰居聽到. . . . . .
【引爆中國】（三）：統一之後……
【遊戲新聞】《Overcooked》團隊力作《Moving Out》今次友誼決裂導火線係玩搬屋
2019年11月25日
