區選大勝之後先係考驗

– KEVIN CHENG PHOTOGRAPHY- 發佈於 2019年11月25日星期一

 

區選由非建制大勝,個個都開心到打勝仗咁。

區區排哂長龍,建制輸到仆街,特別係何妖一輸就有人興奮到開香檳興祝,種種都可以視為平日藍絲口中「沉默的大多數」終於出聲,不過唔係企佢地嗰邊咁解。代表親政府親中共嘅建制比香港人用選票一巴巴車落去,林鄭都仲可以話代表民意唔支找暴力,明顯條八婆真係痴線。

唔理大家仲信唔信而家香港運行緊嘅制度係咪公平,張票有幾多眼淚同血汗,今次非建制嘅大勝絕對唔係勝利,而係一場考驗嘅開始:你唔會有張准考證入到試場就大叫「阿媽我得咗」掛?你要做到嘢,有成績,你先會再有下一次嘅准考證。而家准考證大家就比咗你,到底非建制係生生性性不負眾望,定係個個化身何秀蘭碌碌無為之後比人踢走?真係好睇佢地識唔識諗。如果今次佢地唔好好珍惜依個機會,令好多真係因為風氣同含淚而投嘅人失望,唔洗建制做啲咩佢地都會仆街,仲要係仆得慘話今屆嘅建制。

當初係你地口口聲聲叫選民送你地入制度,等你地可以同大家裡應外合做一番實事。今次大家決定信多你地一次,如果你真係可以做好地區工作將選區變成你嘅主場,如果真係可以好好支緩因為黑警濫捕而入獄嘅前線們,如果你地真係Show到比大家睇「你地冇做錯到」,我相信日後選舉大家好樂意再努力投爆你。不過今次真係最後一個機會比非建制表現同香港人同一條船嘅決心,唔需要你做到咩驚天動地嘅政績出嚟,但起碼要有心做,對得起個良心,我諗依個係好多香港人嘅基本要求。

我有個朋友將投完票再睇你做唔做嘢依個舉動比喻成條女比你氹上床屌完再問你愛唔愛佢。條女咁大決心無條件信你,你要呃佢今次冇問題,不過以後再冇人幫你含的話,唔好問點解。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 201602
Date: 2019-11-27 02:12:54
Generated at: 2019-12-12 21:05:21
Permalink: https://www.vjmedia.com.hk/articles/2019/11/27/201602/區選大勝之後先係考驗