【黃藍經濟戰】齋坐星巴克,元氣酸薑放題,係咪真心消耗緊美心呢?

(圖文不符,無幫襯美心點會有佢張圖)

 

美心旗下食肆開始多人。

部份打正旗號美心嘅,大家好容易認,啲美心西餅、美心快餐、美心皇宮呀,好多都自行裝修,i mean 店舖外加晒圍板,但係其他個名唔同啲嘅,就好容易漸漸被人遺忘。

啲人係點樣遺忘嘅呢?

舉個例,一開始風風火火要裝修星巴克咖啡店嗰陣,間嘢被人搞到開放式雅座,路過見到都幫襯唔到,咁全世界都知道佢係美心,都知道係放棄左我地嘅伍淑清麾下嘅。

之後呢?

佢地真係自己裝修返好,重新營業,街客又見佢有位坐,開頭可能真係有啲人心諗,我齋坐,唔消費,咁咪即係唔畀錢佢賺囉!

但其實件事唔係咁。

 

之前都講過我有個做零售集高層,佢教識我好多零售業嘅概念。

其中一樣野就係講個場旺唔旺。好似星巴克呢類,賣咖啡,賺乜嘢架呢。

我個fd 問過我:「就咁買一杯咖啡,三十幾蚊當四十啦,呢度有幾多位你自己數得曬,唔好多啦,當四十個位啦,每個位又當個個搭檯都同你坐滿啦,又當每人坐一個鐘啦,你估下靠呢個配置,租金就咁多咁多,全日都滿座,有無錢賺丫拿?」

做零售,全部都係加減乘除數,賺蝕只係睇肯唔肯理性務實咁面對數字。

一個喺零售業近乎係常識嘅事,開得呢啲cafe,賣堂食唔係主菜,好多人,係見到間嘢咁多人坐係度幫襯,然後覺得呢間係好野,然後外賣返公司一路做野一路飲。

cafe 賣嘅係悠閒情懷,就算工作忙,帶杯野返去飲,都好似有得坐cafe 咁歡樂。

 

所以,換句話講,如果你唔買野,就咁齋坐星巴克,其實佢多謝你都來唔切。

其實佢多謝你都來唔切。

其實佢多謝你都來唔切。

其實佢多謝你都來唔切。

其實佢多謝你都來唔切。

好緊要,要講N 次。

因為你唔係用緊佢額外資源,反正租金人工燈油火蠟都係fixed cost,相反你係免費幫佢做旺個場,免費幫佢話俾街客知,呢間野有人幫襯。

一間零售店,不論賣野定係飲食,最怕唔係有客「混吉」,而係門可羅雀,鬼影都無隻,街客行過,見到無客,會懷疑你間鋪唔知係咪有老鼠,定係啲野有毒。

 

如果真心打好經濟戰,你唔鍾意嘅舖,千其唔好入去坐,齋坐都唔好,由得佢無人,直至執笠,咁先係最致命。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 201613
Date: 2019-11-27 17:44:55
Generated at: 2019-12-12 21:04:25
Permalink: https://www.vjmedia.com.hk/articles/2019/11/27/201613/【黃藍經濟戰】齋坐星巴克,元氣酸薑放題,係咪