【黃藍經濟戰】聖誕檔期,又一城卻以重建為主題,小道消息話復開要去到 . . .

 

 

聖誕節前嘅一個月,即係十一月中後旬開始,一般被視為消費檔期,一來係因為歐洲傳統,聖誕節會經歷頗長假期,所以十二月開始嘅聖誕市集就係入貨良機,二來現代資本主義市場經濟每到咁上下就要製造下啲需求,聖誕節買禮物已經變成天經地義。

點都好,總之鼓勵大家買野啦。

唔少商場喺十一月尾都開始佈置,例如置地廣場中庭每年嘅聖誕「機關」(真係識郁架)都吸引好多人特登去參觀去影相。

而又一城嘅聖誕樹則係屬於九龍半島一方嘅代表作,喺香港見到咁大棵聖誕樹真係好歡樂。

本來囉。

自從上個月又一城被指帶領警察入來捉破壞美心食肆嘅示威者,然後被示威者破壞至體無完膚,其中最觸目嘅就係大棵聖誕樹被汽油彈燒著

佢位處九龍塘地鐵站,去食下嘢等下人真係一流,所以我都係無印餐廳同埋Dan Ryan 嘅常客。

 

由於我真係用家,所以都好關心佢哋幾時開返。

啱啱被破壞之後,有消息話12月重開,而家都12月啦,即係無左件事。

咁啲人再估下,1月定2月?

由於唔好影響人份工,所以以下講得迂迴少少,請見諒。

一個破壞到咁嘅商場,要裝修,嗯,其實唔只,但話重建又好似嚴重左,anyway,裝修啦叫,都要好多唔同嘅公司負責,就咁睇個場啦,眼睇到嘅,圍欄、玻璃、電燈、電線、電梯、泥水,咁多野,要做大維修都要好多公司幫手評估下,評估下做幾耐同埋幾錢。

識人做其中一樣,佢話就咁睇佢負責嗰範,都要搞一輪,都唔好講,有啲嘢要一樣做完到一樣啦。

「我諗都可能要三四月……」

佢講就咁講啦,可能快可能慢,可能整完一部份就開返,邊個知。

總之而家入面就唔係話舖過啲玻璃咁簡單。

 

不過話分兩頭,又一城啲舖頭,去網頁睇下咩舖,我諗都唔係好需要大家關心,因為多數大牌子,咁富貴就梗係唔輪到我啲呢啲窮人講關唔關心。

少左一個盤,對啲連鎖名牌,幫襯開嘅大不了去第二度,而各公司都會內部調配啲人手,未至於搞到有人失業掛?

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • Client 問我點解自己係「仆街磁石」(上) by Professor Chan
    佢自從中學由女校畢業之後就無試過單身⋯⋯連一個月都無。每次同一個男仔分手,佢好快就會同另一個人一齊,佢話佢已經唔記得單身係咩感覺。…
  • Client 問我點解自己係「仆街磁石」(下) by Professor Chan
    依家,你重新行一次,你由出世到依家呢廿五年嘅經歷。好似一段Video咁,由過去,由開始播放,播放到依家呢一刻⋯⋯你可以由得唔同嘅片段喺你個腦入面播放,唔需要去控制佢,一路播一路同我講你見到咩。」我講。…
  • 香港人就係純樸到連日本人都可以喺度橫行霸道 by 白木乩
    就算係日本老母來到香港,無左其他日本人嘅目光,無左其他日本人文化監察,無左其他日本人鬧佢「打咩」、「巴加丫囉」、「渣媽」,出名桎梏出名壓抑嘅大和民族,都係會個性解放,係「個性」解放。…
  • 【遊戲新聞】NS糞級新作引起熱潮 《Final Sword》挑戰任記的可疑作品 by 五木
    以前超任、PS 年代因為資訊不流通,但係「買」Game 又極平嘅關係,所以成日玩到糞作。隨住資訊變得流通,今時 […]…
  • 由林美戀談起——藝人基督徒,係咪好好撈? by 殷琦
    無論16 年背夫偷食單野又好、現時與非基林作拍拖都好(雖然個人而言基與非基我是ok既...~)、「High Profile處理感情生活、信主後感情生活仍然混亂」是我覺得對你算中肯的評價。但這其實都超出一般教會的接納程度了吧?既然是藝人,言行…
  • 吃子的文化 by 健吾
    我有時會想,是不是真的有人會覺得「考得唔好唔緊要」,是一句安慰語。我考得好,所以我沒有辦法說什麼。對考得不好的同學,我也不能說「你考得不好不好意思」。更甚者,我有學生因為考得不好,進不了醫科而感覺遺憾終生,幸好他是一個鍥而不捨的人,讀完一個…
歡迎讚好我們的facebook page,免費資訊源源送上。

文章資訊

ID: 201647
Date: 2019-12-01 21:09:27
Generated at: 2020-07-08 19:35:05
Permalink: https://www.vjmedia.com.hk/articles/2019/12/01/201647/【黃藍經濟戰】聖誕檔期,又一城卻以重建為主題