二〇〇八年,香港人還是大中華膠時

政治 / 最新文章綜覽

 

唔經唔覺,反送中運動已經踏入第六個月,香港人對政府既怨氣仍然絲毫不減,所以昨日既和里非大遊行就多達八十萬人參與(當然唔少人覺得係報細數)。無可否認,呢場示威主要既對象已經唔係黑警、特首甚至係政府,而係背後操縱一切既中共,一開始好多人只係(妄)想共產黨唔好再係背後操控香港,但一次又一次既事實證明左「一國兩制」只不過係謊言,所以「港獨」又再一次進入大眾既討論之中。但無論如何,筆者相信唔少人都曾經「大中華膠」過,而係我心目中最有代表性既年份應該就係二零零八年;雖然同年既立法會泛民得票都有六成,但好多人投既原因係對於香港政府同保皇黨既不滿,而唔係直接出於反中;至少果陣無論政府點差,社會各界都唔會將矛頭直接指向中央。

好記得零八年四川地震果陣,全港市民(至少極大部份)都為中國「集氣」,除左政府主動捐款之外,各個NGO、商業公司甚至係中小學都積極籌旗(例如果陣筆者間學校就舉辦左個便服日籌款,只要捐廿蚊以上就可以著便服返學,結果成間學校得返唔夠十個人著校服,搞到果幾個無捐錢既好似好唔道德咁樣),係各界既努力下最後全港捐出超一百億作救援之用,接近全國總數既六份之一。另外,我諗唔少人都記得,當時有個女同學係某討論區話四川地震唔關佢事,捐錢賑災不如救下啲熊貓等等,結果受到鋪天蓋地既指責,話佢無人性、搏上位等等,結果令佢比人起底,要作出多次道歉。

同年,四年一度既奧運恰好在北京舉辦,而發生四川地震之後可以話係完全團結左香港與中國既人民,全港對於中國隊既支持甚至多於對港隊既支持,結果中國總共取得四十八面金牌後普天同慶(當年確實成績驕人,後兩屆奧運都少過四十金)。即使未能奪金,甚至好似劉翔咁因傷退賽我地都會話佢係英雄,當時邊個抽中國水既幾乎一定會出事,例如吳君如之後話劉翔「食左屎」就比人罵到七彩,雖然事後多次公開道歉仍然未能得到社會既原諒,係呢方面就睇得出香港人有幾咁支持中國隊。

但喺一個咁大中華膠既氣氛下,到底香港同中國既關係幾時開始轉差,甚至令香港人開始有反中既念頭?有人話係零九年反高鐵開始令香港人醒覺,亦有人話係二零一二年因為梁振英同習總既上任令中港關係撕裂;但無論邊年都好,主要原因其實都係因為共產黨不斷搵香港人笨,令大眾對中央逐漸失去信心。

好簡單,四川地震果陣我地咁支持你,出錢出力最後捐左過百億,但結果啲善款消失得無影無蹤,情況就好似你話病左問公司拎醫生津貼,點知比人發現你拎曬去大魚大肉,你覺得老細以後仲會唔會信你?又例如近年中國體育既新寵兒孫揚,佢既人品之差有目共睹,多次與對手公開罵戰不在話下,甚至更有食禁藥之嫌,完全違反體育精神,大佬我仲點支持你。就算唔講咁遠,講返立法會,我地屆屆都咁尊重規矩投票,結果換黎既係一係種票一係DQ,你仲想叫人和理非?

所以,近年中國再有天災人禍既時候香港市民唔單止唔捐錢,仲會落井下石(所以有唔少人慨嘆當年個女同學係生不逢時,「走得太前」);每當亞運奧運果陣,香港人會非常期待中國隊出醜,仲開心過見到香港隊拎冠軍;至於投票制度,既然無得以正當途徑阻止政府既制度暴力,咁香港人好自然就要上街頭抗爭,從高鐵到反送中,一次比一次多人參與。

回望過去,二零零八年已經係十一年前既事,而反送中既開始亦代表住大中華膠年代既終結,從九七開始比你搵笨搵左廿年,忍到今日先反彈都算係仁至義盡了。

 

作者:郭象

熱愛文史哲的九十後

閱讀後覺得好,請多多讚好及分享~:)

其他熱門文章

  • 【口罩知識】99% PFE 就等同 N95 口罩? by Tango Chan
    PFE(Particle Filtration Efficiency)則是顆粒過濾效率,以 3M 為例,他們會利用 0.1 μm 的微粒及 28 lpm 流速來測試外科手術口罩的過濾性能。而普遍來說,這項測試容許使用 0.1 – 5.0 μ…
  • 【遊戲新聞】街機版高達終於移植 《Gundam vs Extreme Maxi Boost On》今年 PS4 現身 by 五木
    相信絕大部份 PS4 玩家對之前隻《Gundam Versus》唔係好夠喉,不過 BANDAI NAMCO E […]…
  • 叄拾 by 藍兼併
    她結婚那年三十歲,在古代而言有點年長,在現代來說相當普遍。她的婚禮很華麗,在半島酒店筵開三十席,出席的朋友或親人都相當冠冕堂皇,至少在衣着打扮上,與場合絕配。她是個喜歡文字的人,長得漂亮,卻不算富有,也不在意婚禮的排場,只是夫家有點社會地位…
  • 叫我只幫襯黃店,不如叫我死左去算 by 達時製作 (On Time Production)
    所謂「黃色經濟圈」,只能盡做,切勿要以生活、消費都要100%去黃店嘅心態去管束自己同其他人。…
  • 武漢肺炎才是真攬炒 by Terence Yun
    昨日大陸武漢發出的資訊顯然是社區爆發,紙也不能包著火,國家亦知道不能再瞞或者所謂顧及國家形象之類,將疫情的通報以及防疫工作正式提升,習近平亦說明要打贏這次硬仗。因為最高領導都開聲,港府都即刻跟著老細調子,即時變得非常著緊,這就是今天的港府運…
  • 你左眼見到鬼 by 健吾
    當我要保住街頭表演文化的時候,這些人問我,為什麼撐 Mr. Wally 不撐這些大媽。很簡單,是她們惡俗,噪音滋擾,令人煩躁。她們在尖沙咀出現,令香港形象受損。那時候,不少街頭表演者還在撐左膠。…
歡迎讚好我們的facebook page,免費資訊源源送上。

文章資訊

ID: 202035
Date: 2019-12-10 03:43:50
Generated at: 2020-01-23 04:04:26
Permalink: https://www.vjmedia.com.hk/articles/2019/12/10/202035/二〇〇八年,香港人還是大中華膠時