How dare you? Because I can.

國際視野 / 最新文章綜覽

 

今日見到時代雜誌個page上面有個小妹妹,就心知不妙;當然,我係好想香港人上封面,但係其實上唔到其實大家心裡有數。令我驚訝既係,雖然我面書既朋友黃多過藍好多好多,但係我見到有好多面書朋友(大部分環保撚偽ABC咳咳)share相關新聞,覺得選Greta係最好不過,或者覺得Greta係香港人「退而求其次」既選擇。我當堂嚇咗一跳,跟住笑唔出。

點都好,首先要恭喜一下Greta本人成為最年輕既年度風雲人物,16之齡得到呢個殊榮證明佢的確厲害;希望佢之後可以真真正正為環境出一分力。點解我會咁講?先唔講佢有班強勁既PR同遊說集團係佢背後撐腰,花少少時間search吓佢背景你就會知得一清二楚(推薦:The Manufacturing of Greta Thunberg by Cory Morningstar,入面解釋得好好);但我覺得最大問題係:佢應該係一個環保撚既最大敵人。

Greta絕對係一個人才,能言善辯敢作敢為,講野稱得上係logical同非常流暢,同埋知識上有一個唔錯既根底;睇返佢how dare you侵侵同埋佢係聯合國話自己冇咗童年已經可以證明佢既門面功夫絕對超班。可惜係你睇佢出名既路途上,往往都係批評現有既機制同系統,而唔係提供一啲佢認為應該重點改變既地方。就係同一個聯合國演說,佢話如果我地搵唔倒係呢個機制上解決問題既方法,我地倒不如改變個機制(原文:If solutions within this system are so impossible to find then maybe we should change the system itself.)。咁Greta又認為應該點改變呢?我睇咗佢好多次發言,包括TED Talk之類既公開演說;佢其中一個好大好大既中心思想係聯合國政府間氣候變化專門委員會(呢個又係叫IPCC)提出如果人類繼續咁落去,十二年後地球氣候就會一去不復返(大概係咁),我係Greta身上學到既嘢大致上係咁多,冇喇,真係冇喇。

當然,呢點都好重要,睇返過去幾年地球暖化產生既實例(例如冰川崩離之類),12年絕對係一個大警號,而Greta亦都成功撚Trump撚到越來越多人知道12年死線呢件事,但係除咗極少量既數據以外,佢係演說都係以人既情緒為中心(見到佢喊過幾次,有啲厭倦)。對真真正正用科學做環保工作既人,Greta咁樣其實係令到佢地既工作大倒退;因為而家咁樣,更加唔會有人知道佢地做緊同做過啲咩,講起環保既時候,只會有人知道Greta冇撚咗個童年。

其實除咗同科學有關既問題,所有社會上面既問題都唔應該集中係情緒化既描述,最終都應該講返實際數據,數字。姐係如果你係伊拉克打過仗冇咗兩隻腳,唔想再見到其他同伴經歷同一樣既嘢,你大可以先用情緒推動你既聽眾解釋點解戰爭係可怖既,但到某一個位,你就要開始解釋每年有幾多個軍人受傷,軍費要用幾多,有幾多無辜既人受傷,等等既資訊先可以令人信服。而家Greta就係同你講佢冇咗兩隻腳,但冇講到有幾多無辜既人受害。可惜既係,鎂光燈都照係佢身上,真真正正討論緊軍人,軍費,同埋無辜途人既只能夠死埋一邊。

最大最大問題係,當Greta不斷猛烈批評現時既機制但冇常識提供任何實際解救方案既時候,其實好諷刺地佢同侵侵一樣都係一個民粹主義者,齋屌而家掌權者既問題但咩都唔做。我肯定,冇嘢會因為佢而直接或者間接改變,因為背後撐佢腰既人都係自私同牟利(自己Google吓啦)。遲早Greta會變咗做全新綠色產品既代言人,而眾所周知既係呢啲綠色產品除咗可以慳錢同作多個selling point之外,係冇任何實質用途既。

最後一句:唔該啦,大個仔大個女啦,唔好一邊話自己so inspired by Greta覺得佢講野好meaningful然後一手攞住Starbucks個腳杯啦;你唔覺得醜,我都幫你面紅。

 

作者:諱文

一個儘量不被社會同化的90後,希望自己的思想在被銷聲匿跡前可以用音樂或者文字記錄下來。其實最終想做莊子惠子討論的那條魚那樣,逍遙自在,不用理會煩囂。口頭禪是「做愛做既事」。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 202090
Date: 2019-12-12 00:12:39
Generated at: 2020-01-26 03:36:48
Permalink: https://www.vjmedia.com.hk/articles/2019/12/12/202090/how-dare-you-because-i-can