我同事笑我唔識用touchpad…..

 

話說因為我工作性質關係,Office同事大家都係一人一部手提電腦做自己嘢。因為小弟平時用開枱機嘅關係,特登買左部手提電腦。點知因為我唔太識用laptop個touchpad嘅關係,裝程式都有點阻滯。第二日我即刻出街買返隻滑鼠嚟用。

返到Office之後我再望一望其他同事,佢哋竟然係唔用滑鼠!我好驚訝咁望住同事:「你地點可以唔用滑鼠?」呢一刻所有同事都停低咗手,好驚訝咁望返住我。

「其實你係咪唔識用touchpad?好好用喎~」同事妹妹拎住部macbook坐埋嚟,「不如我教你用touchpad呀。」只見佢三扒兩撥,靈活咁控制遊標(即係mouse控制個個賤嘴),輕輕鬆鬆就控制到部電腦。「嗱你睇吓,咪幾好用~」

 

(同事妹妹)

 

不過我根本唔放touchpad在眼內;眼中亦沒有同事妹妹操控touchpad嘅影子,我重視嘅,係滑鼠嘅榮耀。我另一位同事見到我心不在焉,一眼看出我根本唔旨在。

「你覺得touchpad廢只係你唔識用、你垃圾!我萬四蚊請你嚟,你連touchpad都唔識用,咁我請你返嚟做咩?」佢一輪嘴連珠發炮,「一係你同我講吓滑鼠做到啲咩,touchpad做唔到呀?講呀!」

我手中嘅滑鼠,電光火石間向男同事嘅臉飛埋去。「可以用嚟打閃避球!」我一下飛剷,接返喺佢臉上滑落嘅滑鼠。「你個touchpad有得玩閃避球咩?」男同事便漲血了臉,額上的青筋條條綻出。「你個touchpad有得玩閃避球咩?」我揮舞手中滑鼠,不斷挑釁同事,只要佢沉唔住氣,就係我贏鳥。

「臉接不能算輸……臉接!…….閃避球規則,能算輸嗎!」佢將部macbook拎喺手,作持盾狀態,我一個滑鼠車落去,點知個滑鼠反方向喺耳邊飛過直飛牆邊。原來係佢拎部macbook打走我隻滑鼠,「同一招對聖鬥士唔會有用!」。

我執返隻滑鼠,出奇地耐用。我拍一拍滑鼠嘅塵,將戰友握返喺手,準備決勝嘅一投。男同事來去自如咁揮舞住佢部macbook,完美無死角。

一位客人打開門,「唔該係咪…」我將滑鼠扔向客人,深信佢接住滑鼠能夠從後突襲。客人接住左個滑鼠,隨即蹲下放低左個滑鼠。

「達陣!」個位客人瀟洒咁留底左一句,便揚塵而去。

我哋望住佢瀟洒嘅背影慢慢變小,覺得自己真係好渺小。

 

作者:緋色雪夜

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 202120
Date: 2019-12-13 15:48:14
Generated at: 2020-01-26 05:31:30
Permalink: https://www.vjmedia.com.hk/articles/2019/12/13/202120/我同事笑我唔識用touchpad