恭喜何君堯終於揾到接班人啦!

 

雖然何生區議會輸左,博士學位都由英國轉左去中國(連英文名都被改埋普通話拼音,真係慘慘豬),然後立法會保皇黨班契弟又好似搞割蓆唔撐佢咁。不過唔緊要啦,反正佢呢幾個月都成功將自己嘅從政特質宣揚岀去,感染其他人。學司徒華先生所講,成功不必我在,功成其中有我咪得啦。

你或者會問,何妖有咩特質,令佢知名度咁高。夠無恥?唔係。基本上全部保皇黨嘅議員都好撚無恥架啦,點解係得佢先會跑出?

就係佢甘願放下姿態,自貶身價。有幾多人可以夠膽當街當巷撐黑社會,讚人地係英雄?呢樣野無乜人做到架。喂,假假地佢都係個律師仔,仲要岀身中學名校,要放低尊嚴,同黑社會班老粗為伍,係一件好難嘅事,畢竟黑社會都算係香港政工作者一種禁忌。你覺得李慧琼子、葉劉,又或者從來無俾街坊支持過嘅周浩鼎,會唔會咁樣當街同黑社會拍掌示好丫?

所以,何妖能夠孤身(只限香港啫,中國就實有人撐佢嘅)走到今日呢步,殊不簡單。而佢嘅「成功」,亦都感染咗一位等左上位好耐嘅仁兄。佢就係自由黨嘅李梓敬(西門梓敬)。

 

 

望完佢既履歷,「嘩」左一聲。如果要追溯返童年時候既李梓敬,原來當時佢已經係一個正宗反骨仔,貫徹“If you can’t beat them, join them” 之精神。西門梓敬尚係小朋友嘅時候,竟然由喇沙小學轉投拔萃小學,之後再升上拔萃男書院。如果你明白咩叫世仇的話,咁西門梓敬嘅轉會,同當年費高由巴塞轉去皇馬,或者雲佩斯由阿仙奴轉去曼聯一樣咁惹人討厭。咁先叫無底線嘛,勇武派朋友,學野啦。

只可惜,佢嘅從政路就比較坎坷。十年前加入自由黨,點知個黨越搞越縮,田北辰走去新民黨(而家都退埋啦),然後又有一堆人另起爐灶,搞左個經民聯出來。本來雄心壯志嘅李梓敬,撈左十年,都只係做到區議員(而家仲要輸埋,慘豬囉),當然鬱鬱不得志。終於,佢見到一個模範——就係何妖。原來,只要你講一堆民建聯、新民黨,甚或工聯會唔敢講嘅野,又或者做一堆其他保皇黨唔敢做嘅野,你就可以上到位。Isn’t it simple enough?

 

所以,佢選擇走埋去堆所謂「藍營」KOL到,話要搞咩「男人幫」,幫香港「撥亂反正」喎。望下果堆咩人?疑似白卡何志光、去左新加坡但俾人篤灰捉入監獄嘅華記、走數走到出左名嘅大波Man……都算係痴痴呆呆、坐埋一臺。堂堂一個DB仔,如果要搞到痴埋呢堆老粗癲佬先至上到位,其實幾悲哀嘅。

不過唔緊要啦,勝者為王。西門兄,我睇好你架。左右逢源嘅自由黨配唔上你,快快退黨保平安,拜何妖為師。2020年立法會,一定有你一席。加油。

 

作者:達時製作 (On Time Production)

不平則鳴,乃個人責任。敢言,需要付出代價。但這代價,比社會因為只得一種聲音而步向滅亡,所帶來的代價,明顯小得多。

閱讀後覺得好,請多多讚好及分享~:)

其他熱門文章

  • 【BNT-020】為保住工作的女生注射了疫苗 by 柚希
    她解開襯衫最上的兩粒鈕扣,輕輕的向左邊拉下襯衫露出少部分的黑色胸罩跟小麥色的肌膚,教男護士呑了呑口水。「消毒完喇,會有少少痛,忍一忍吓。」「嗯。」Jess緊閉眼睛,憶起工作上的瑣碎事情嘗試分散注意力。「打完架喇,小姐你去休息區坐到紙仔上嘅時…
  • 【遊戲介紹】開放世界生存動作 《V Rising》多人連線與好友重建吸血鬼王國 by 五木
      「我不做人啦!JoJo!」呢句名台詞令人類開始嚮往做吸血鬼,早排進行搶先體驗嘅新作《V Risi […]…
  • 18年後再次見到中國人,佢露出巨龍打招呼 by 薰華
    首先,我哋要了解下秦漢時嘅人係點坐嘅先。今日我哋會坐喺櫈上面,其實係胡人帶嚟嘅文化嚟,早期華人嘅正式坐姿,就係今日日本人嘅「正坐」,係坐喺地上面嘅,而呢種坐法,冇練過嘅話我真係寧願唔坐。…
  • 自己嚇自己事件簿 by 小盛女
    「架車有無開到左搖右擺先?車速如何?條路係咪好窄?呢度係咪交通黑點?要用理性去分析你擔心緊嘅事會發生嘅機率,然後你就會發現其實只係自己過份擔心,杞人憂天啫。」…
  • 老師話同性戀唔啱,應該點答返佢? by 外賣仔
    如果一個「老師」話同性戀唔啱,你哋拍拖係錯嘅,千祈唔好諗住抗衡話同性戀無嘢先,因為呢個「老師」已經預設咗呢條問題,佢啱,但你錯。呢個時候你要先更正佢條問題先,記住,係更正佢條問題先,因為你面對緊嘅對手其實係一個白痴同埋低能嚟嘅,根本對同性戀…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
歡迎讚好我們的facebook page,免費資訊源源送上。

文章資訊

ID: 202145
Date: 2019-12-14 20:03:18
Generated at: 2022-05-24 17:35:11
Permalink: https://www.vjmedia.com.hk/articles/2019/12/14/202145/恭喜何君堯終於揾到接班人啦!