黃色經濟圈,成與敗盡在「冇大台」

 

 

無責任開門見山評黃色經濟圈:成敗也在冇大台。

 

1)冇大台 = 講個信字,化整為零 be water

由反港共效應而起嘅黃店黃經濟圈,原理就是順勢嘅本土上經濟主義,黃絲懲罰同聲同氣商戶,杯葛賣港賊,起點已是敵我矛盾,明明只係食餐便飯,緣何攪到非卿必不吃?皆因愛就係選擇,選擇就係捨棄,尾森 福建360 扑野家 之流賺港人錢卻出賣港人感情,一手收港紙,一嘴當港人係屎,口誅筆伐污衊港人抗爭,既然呢啲馳名賣港戶不希罕港人生意,各位成人之美而已。

所謂黃店,不靠大台制度認證,純粹口耳相傳,生意佬做人抑或扮人,日久見人心,人與人之間嘅關係返璞歸真,靠口碑,講信用,人與人之間嘅信任正正係冇大台化整為零式抗爭免疫於極權獵頭式打壓嘅概念,信用喺文明社會文明圈子入面係最可貴嘅原則,同路人互信,免費先係最貴。

呢種黃圈冇大台模式,一旦有人想立明文規定,攪認證,做糾察,咁就係另類大台,有人上人別具權力去判商家生死,權力使人腐化,揸住雞毛當令箭,呢種玩法註定會玩死呢隻黃色經濟圈概念股。

 

2)冇大台 = 容易被反間

單係講個信字當然也有缺點,正是畀敵人用假消息滲透誤導繼而反間。

敵人開個假帳,加入黃經濟圈群組,放啲七分真三分假嘅post,挑釁離間撩交打不嬲Juicy,如果所謂同路人也只是人云亦云,不懂求真,直接是非當呃Like鳩share,假消息就如病毒幾何幅射,好事之徒一個無頭抹黑post,蠢人一堆圍威喂,黃店「變」藍又得,黃絲殺錯同路人亦得,得咗。

 

3)冇大台 = 同路人必須擁有高度批判真假消息能力

為何藍尸親共人士會如此表現穩定地戇鳩鳩?佢哋唔係冇撚腦,而係個腦早就被移除批判思考debug mode,所以佢哋嚴格來講只係一台人肉收音機,fake news 入 fake world 出,凡事只靠佢哋嘅「大台」 輸入信號,他們無法理順前因後果,自然也做唔到除錯同埋分析辯證。

所謂黃經濟圈成敗,正正要睇所謂主動參與呢個行動嘅黃絲只係藍尸質素還是似返個人,批判fake news,求真相,講信任,相信並批判自己嘅親身體驗,呢種撇開代理人嘅另類直接民主,未稱得上係普遍黃絲嘅基本技能,假如普遍黃絲們一日仍然只懂拜神或盲信KOL,黃經濟圈也只會係吹水大會。

 

黃色經濟圈呢回事,我認為無可無不可,呢件事只係副線任務,當畀和理非人士儲下抗共經驗值冇壞,喂阿哥,邊個將副線當主線用,當然本末倒置。

 

作者:爽健

爽健
不求聞達於諸侯,只願笑傲賞江湖。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 202209
Date: 2019-12-18 02:52:11
Generated at: 2021-09-19 01:30:52
Permalink: https://www.vjmedia.com.hk/articles/2019/12/18/202209/黃色經濟圈,成與敗盡在「冇大台」