【Joyful Dessert House】而家啲妹豬真係唔得罪得，我開始信阿囝講野。

而家啲妹豬真係唔得罪得，我開始信阿囝講野。
其實唔係第一次有呢Ｄ惡妹，好耐之前單棄養羅生門都係咁，只不過呢單個事主冇屈人。

黃店自「香港人的飲食購物天地」整合帶起，就開始經常滿座、應接不暇，所以眾人經常話唔好只集中去幾間，多Ｄ分散去唔同黃店幫襯，尤其唔出名、位置較唔就腳既黃店。

呢間Joyful Dessert House就係衰左次，新丁員工睇錯野、打錯單，另一個仲同事主講錯左係加一，咁事主當然嬲啦，立即搵另一個員工理論，查明後資深店員搞返掂件事：出返張啱既單，並冇收多事主四十蚊。唯冇向事主道歉並解釋，咁追求真理既事主一直懷恨在心。

於是，隨住店家越做越紅，甚至開始有媒體訪問，一路四處唱衰店家既事主當然心有不甘，更加落力地係唔同媒體既陣地數臭Joyful Dessert House係黑店、呃錢！！！
更於數天前加入唔同黃谷開帖，引起廣泛討論。

當中，好多觀點係值得黃店同黃客去參考，只要大家係想做好件事。

尤其係黃店唔係大哂、好食是良知、店家既待客之道真係有待改善。先不論事主唱人問題，店家至少要做好自己：錯左要誠懇道歉，唔好似熱狗咁屌票。所以，就算俾事主持續攻擊左半年，都唔好加果幾個真心話hashtag令自己陷入公關困境。

認錯道歉唔係跪、失尊嚴，而係做俾其他人睇你唔係大奸大惡既人，本來一面倒大家都唔理事主周圍狙擊店家，而家就變左店家態度都唔啱了。

各位黃店，切記切記。

特別係妹豬客，已經好多前車之鑑。
就好似星火唔批人買iPhone錢，之前就算做左幾多好事、幫左幾多人都好，都係俾人唱、要求公開帳目。
香港地，你做一百次好人，只要你有一次失手，你就永遠都係衰人架喇！！

Joyful Dessert House既野食一般，但好多人都有愉快既餐飲體驗先儲到客，但佢一次做得唔好，就連Ｄ未去過既人都一齊打落水狗了。係咪好唔抵呢？

大家如果俾人纏繞左半年又會點呢？
你係個人且非公眾人物，任你點回罵都得；但如果你係做生意既，真係要收聲。
冇幾何有人可以好似Ming仔咁上左岸就俾帛金星火咁撚仆街架！！！

事主而家係條氣唔gur：果日我食得唔開心，點解會有人食得咁高興？你仲要越做越紅？個個都讚你？屌你老母，冇天理！唔得，我要你死！我要全世界都冇得食！我要個個都唔去你間舖！！你等執笠啦！！！

猶如Ｄ冇異性緣既八婆背後唱Ｄ受異性歡迎既女係雞咁，我冇仔媾，所以你有人侯就係公廁。

作者：鳩文瘋

閱讀後覺得好，請多多讚好及分享～：）