酒店38蚊一位自助早餐？食啲乜？

早排見到網上面有間酒店嘅自助餐做緊38蚊一位嘅自助早餐，咁究竟好唔好食同埋底唔底食呢？

由於只收38蚊（有加一服務費），所以決定親身去試下，中伏都係無咗38蚊姐，ok嘅。

講明先呀，有俾錢嫁，唔係廣告嚟架屌你。

首先我係一坐低已經收到張單，呢度係先埋單，後食嘢嘅。

38蚊嘅自助早餐真係唔好期望有啲咩呀，而且現場真係比較細，食物選擇都少嘅，不過38蚊，算係咁啦。

既然得少少嘢食，咁不如睇哂所有嘅嘢食選擇啦，畢竟要講晒都唔會太長。

左邊有炸春卷，右邊有炸薯條

左邊係火腿，中間有豬柳漢堡排，右邊係煙肉
（38蚊有咁多款肉選擇好似幾抵食咁喎）

左邊係茄汁豆啦，中間有烚蛋，右邊係好多未凝固蛋汁嘅炒蛋

左邊有炒飯，右邊有炒麵

左邊係豬肉燒賣，右邊有啲中式嘅蒸包

（38蚊嘅燒賣竟然都可以係豬肉而唔係魚肉，呢個我比較意外）

左邊係有餡料嘅不知名味道粥，右邊係白粥

迷你沙律吧

麵包加多士爐

右邊係啲芝士，牛油同果醬

粟米片與他們的近親，左下角有他的好夥伴，牛奶。

左邊有部咖啡機，右邊有兩款不知名果汁

但係當我食完之後臨走前部咖啡機係停止運作，然後變成咗呢罐嘢

檸檬同埋熱茶，仲有熱鮮奶

最後我食完就覺得食物質素正常啦，食落肚都得嘅，重要38蚊咁計，直頭冇得頂。

38蚊呢個嘅價錢真係超值，但係如果講緊你超級肚餓。
但係如果一般肚餓，酒店對面有間金拱門，金拱門好好多。

專題：【外賣仔日記】

（想知喺邊就去page 問啦）

作者：外賣仔

閱讀後覺得好，請多多讚好及分享～：）