屯門公園仲係叫屯門市鎮公園嗰陣,係好多嘢玩架. . . . . .

 

我話你地知,屯門公園以前係叫屯門市鎮公園㗎,依家啲人會用「屯公」嚟簡稱佢,但仍然有人以「市鎮公園」嚟叫,叫得出呢個名就一定有返咁上下年紀。

喺我地細個嘅時候,呢個公園曾經係好正㗎。

你地可能會講依家如果無咗班淫蕩大媽又歌又舞都好正㗎~唔係,睇住個公園嘅變化,就算無大媽係道歌舞你都會覺得惋惜。

 

童年我住係新發邨,應該好多小朋友只係聽過甚至連聽都未聽過。依家V CITY同西鐵站個位,就正正係以前新發邨嘅位置,我嘅童年真係一條馬路之隔去就到公園,同朋友唔留係邨玩就可以跑去公園玩。諗起自己嘅童年真係好開心,不如講返我嘅童年嘅屯門市鎮公園係點嘅。

以西鐵站個位為公園嘅正門,面前嘅大直路除咗劃分咗單車徑及行人徑外,其實以前路邊係種咗不少花,通常以大紅花為主。呢個公園我同朋友會將佢分開幾個區,門口轉左上去係煙囪遊樂場,由多條大石製圓筒組成三層高嘅金字塔,對於攀爬我地個個小朋友一早熟練,為咗曾加好玩度會玩捉人仔,要穿越、攀爬、跑嚟跑去,童年就係鍾意消耗體能嘅活動隔離就係普通遊樂場設施,又係啲組架可以爬、可以滑消防柱、可以瀡滑梯,普通得嚟好玩過依家嗰啲咁囉~

 

煙囪遊樂場

 

面向返公園就係一個大湖,個湖都有分區㗎,面前大圓形區就係俾人玩搖控船嘅,中秋節好多人會去嗰道石級霸位,可以一路玩蠟燭一路睇人放裝飾咗好多靚燈嘅船,當然唔少得煲蠟啦,啲人玩到好狼㗎,啲火爆到成層樓咁高覺得近湖可以好快有水救呱。講返個湖景先,以前個湖靚係因為有好多動物,邊似依家得返啲烏龜吖~有鴛鴦啦,佢地一雙一對咁好得意㗎,又有天鵝同白色嘅鴨,湖就係應該有哩啲㗎嘛,小朋友畫個湖都有呢啲啦。水底呢就有好多好靚嘅魚,因為啲水夠清所以可以行過去小食亭嗰邊嘅兩條橋,係橋上望落去可以見到錦鯉和龍吐珠,去小食亭買蝦條餵啲鵝、鴨、魚,真係愛的娛樂…………(唔好學,係唔正確㗎)。仲有,呢個湖唔止可以觀賞㗎,仲可以玩水上活動,有得划艇同玩水上單車,就係依家娜娜表演個位再過啲就可以去租船啦~

 

有得玩水上單車

 

今日講住咁多昔日嘅公園風景同設施先,講緊嘅位置正正就係現在嘅重災區,圍住個湖四周都係充滿口音嘅大媽著得暴露又妖豔咁又歌又舞,啲意淫伯伯就係咁打賞佢地,令到個昔日係俾市民休息同遊玩嘅公園變成個夜總會咁,俾嗰啲不良大媽搵錢嘅地方。不過之前大家嘅投票換嚟大家有啲成果,一班候任議員出嚟以「會見市民」方式為大家巡視屯門公園,監察康文署去做嘢,唔知成唔成功㗎,但佢地肯去做,如果夠堅持肯去打持久戰,一定會有所收成嘅。

 

 

不過咁呀,唔知大家有無細心留意佢地嘅出席名單,竟然有兩個落選嘅素人張贊華及羅焯勇以社區主任身份嚟一同監察及巡視公園。咁贏咗嗰兩個呢?其實真係好過份,一班未上任就去做嘢嘅議員,仲有落選都要以社區主任身份去做嘢嘅兩位素人,究竟個政府有幾腐敗先會迫到一班人去參政,急不及待咁去做嘢呢?

 

(啲圖緊係網上搵啦)

 

 

作者:牛靈

牛靈
屯門開荒牛加盟成員

閱讀後覺得好,請多多讚好及分享~:)

其他熱門文章

  • 【MHXX攻略資料】村下位 ⋆1-6 KEY 任表 by VJGamer
    村 下位 ⋆1 KEY 任表 任務名稱 狩獵對像 出現條件 備註 古代林の特性ゼンマイ 採集 8 個特産ゼンマ […]…
  • Goodbye HK, Hello HK. by 毛言地
    班機兩點半飛。預早三個鐘到準備Check-in,再計埋搭巴士去機場,準時十點打開屋企大門,準備迎接久違嘅飛行之旅。雖然平時我同啊媽買餸幫手拎袋橙都話好重,但拎行李就另計,再重都係開心事。等巴士用十五分鐘,車程用差唔多一個鐘。雖然淨係去機場嘅…
  • 吃很多但不會胖的女子 by 藍兼併
    她啜了一口凍檸茶,然後接連吃了三口米粉,郊外的泰式食店在晚飯時段前的最後一個下午茶餐,在她慢慢品嚐下,變得特別美味。她是個會吃很多,但看起來依然弱不禁風,有時瘦削得營養不良的模樣,臉頰都會凹陷,只有鼻樑是高挺的女生。…
  • 中共開始明白國際舞台如何操作 by Terence Yun
    中國和俄羅斯入選聯合國人權理事會,這是代表著中國在此會上可以有左右的能力,而且有趣的是能夠入選已下是值得討論。中俄兩國在人權問題上一直被外界認為有問題,而且情況沒有改善,甚至更為嚴重,如藏、疆、港三個地方的人權便是近年最常被國際輿論所關注。…
  • 人蠢可以點樣醫? by HR 扮工週記
    早兩日,腦細傳聖旨召小編入房,叫小編幫佢諗諗辦法,寫份Proposal,而個題目係:「點樣可以令啲同事無咁蠢?」…
  • 運動場上的小團體——「女朋友協會」 by 愛麗 ‧ D
    曾經遇過一個最讓我佩服的女生是這樣的:首先她拿到了全勤;而且她親和力夠,再且可能因為全勤的關係,跟男朋友ssssss都熟絡,熟悉得能接下球場上內外的所有人的所有話題;還熟悉球場上所有的規則,懂得球證每次響哨的意義;還跟每一位女朋友都熟,就像…
歡迎讚好我們的facebook page,免費資訊源源送上。

文章資訊

ID: 202363
Date: 2019-12-23 02:02:47
Generated at: 2020-10-19 17:08:53
Permalink: https://www.vjmedia.com.hk/articles/2019/12/23/202363/屯門公園仲係叫屯門市鎮公園嗰陣,係好多嘢玩架