網紅 vs 政客,有效果,邊個要負責?

 

呢個星期,有一件事係網路引發很高聲量。就係高雄市市長,國民黨總統候選人韓國瑜,上左博恩夜夜秀。一個我都有追看既台灣網路搞笑節目。

而的確,有很多人都覺得沒有韓市長,笑話都好難寫落去囉~ 好似呢個咁:

 

用搞笑既方法,去包裝政見,係好有用既。因此,有好多支持蔡英文既網民,就話韓國瑜用錢上夜夜秀,要拉網路聲量。上完博恩,就到志祺七七。似乎,韓國瑜冇坊間所講,見到民調大勢已去就放軟手腳。誓要將首投族既票,一次過追返返黎。

而其實,我一直覺得韓國瑜不是一個簡單的對手。他是經過上上落落高高低低既政治人物。佢以國民黨二線政治人物既身份,竟然攻陷民進黨多年既基地,當然不是省油的燈。佢上到博恩既節目,身段柔軟,博恩火力強勁,睇完之後,你不難發現,不喜歡他的人,就會一直不喜歡他。但本來對政治沒有什麼感覺既就會覺得,「呀?他都好似幾玩得」。

以「幾玩得」形象洗底,係香港,有兩個好勁既player,我估你會記得,果兩個,都姓曾。

有一樣野,我覺得好好笑。因為,睇住香港人咁樣受晒,台灣又中一次,就真係唔慌唔今日香港,明日台灣。有好多台灣網民,都會鬧博恩,話佢幫韓國瑜,為錢咩都做得出。首先,博恩冇講過有冇收錢,冇話呢個係業配。當然,有時業配唔一定係即時畀錢,可以係延後利益,建制派係香港點操作,我都好明。但有時候,我有d唔明受眾點解會話個傳媒,而唔話其他都畀舞台建制派表現既人。

係香港,呢種畀建制派表演既「舞台」,會畀人話「投共」、「賣港」。但我估,講呢d野既人,一係就係冇常識,一係就係對傳媒唔熟悉。首先,香港既傳媒有發牌制度,每一段時間,香港人就會話邊個邊個台為左續牌而跪低,唔係企係香港人果邊之類。但係泛民議員同政工作者日日講既法治社會之中,有d法律,有d規矩,係一定要守既。其中一樣,就係「平衡意見」。呢樣野,係港台都有做既。即係你搵兩個建制派,就要搵返兩個反對派上節目。咁樣呢,先叫平衡啵。

但係呢,有好多人,就好好笑既。有節目搵建制派做論政無關既事,唔鬧。網紅搵建制派訪問題呢,鬧。

過去五年,我發現有好多媒體,唔係論政,都會同建制派一齊做d好soft既野,玩細路又有,煮飯仔又有,仲要情人節送下花,玩xmas 遊戲等等。用政治娛樂大家既路數就成形。網媒都會靠玩/鬧建制黎拎注目。

做媒體,最怕只係冇人睇。

有好多人就話,你d咁既網紅,痴建制派唔知搏咩,擺明投共。首先,冇人真係投到共架。你估你唔係根正苗紅會投到?大部份話人投共既低等政治KOL呢,都係冇咩野做既毒L,人到中年,一事無成,佢地冇觀點好講,就周圍話人「投共」。情況就好似以前講既「風聲新聞學」一樣,係娛樂版,就有咁既操作啦。假設啦,我只係話假設,有人話而家全香港最紅既男歌係同性戀者(你睇我而家幾小心,我一個人名都冇講呀。一陣我唔小心講左姜濤就會畀姜粉狙擊呀,話你抽佢水呀之類呀咁啦),有人罵你馮敬恩係基(兩星期前講過啦),你馮敬恩出黎講,我係基,我唔係基,都係新聞。以前呢,有電台節目主持,就係咁做節目架啦。起手式,多數係「我收風到,話柏芝同拉姑嗌交啵!」,之後呢,個主持就會打畀柏芝或者拉姑,問佢地:喂你地係咪嗌交呀?是旦一個答是旦一邊,都會係新聞。聽日娛樂版個標題,就可以寫「拉姑指:「冇同柏芝嗌交」,有同冇,都係新聞。

而果d政治KOL呢,話人投共,就係拉姑有冇鬧柏芝咁。你點回應,都係中左佢地既agenda setting。

點解傳媒會搵建制派去日本旅行,去飯局講自己心路歷程?好簡單,因為香港既選民成份分佈,係真係六四比。你打開門口做生意,有牌照限制既,就會被要求咁做。而冇既,想得到網路聲量既,都會引d人去睇建制派既,或者畀人當成係「壞人」既人。你鬧佢,你讚佢,對佢黎講都係好處。

而最重要既係,係睇既過程入面,即使你set 晒snooker,等個建制派畀人玩,好多人都會有第二種解讀,尤其是係果d 對政治唔熟悉既人。好似,有人曾經睇過一個節目同我講,話原來建制派對後生仔都好容忍,果個後生仔後生女藐嘴藐舌,都肯同佢玩。

係香港,不分藍黃,有禮貌果個都係贏既,你唔知架咩?

多謝你,禮貌你。

所以,究竟市民應該鬧咩呢?係鬧畀韓總機上節目既博恩?定係果d睇完韓總機既表演之後,覺得「唔投票都冇所謂」,又或者係「投票都冇用」,又甚至係「其實韓總機都唔係咁差」jei…既人呢?

我就坦白一句,做傳媒既,咩人黎搵我,我想見既就見。對我有好處既,我既讀者有興趣既,我就會去見一見。市場定律,係有供先,定有求先?

不過又咁講丫,如果博恩一條片就搞到korea fish凍蒜,我估博恩唔只一個月訓唔著,係會呢世都訓唔著,呢世都唔使係台灣再出現……

講到尾,我真係好中意睇台灣既youtuber,因為佢地真係有讀過書,至少知道咩叫做「好睇」。係香港,果d政治戲仿show,做得最好既,二十年都仲係頭條新聞。點解?因為香港唔係民主社會囉。只有情緒勒索同埋唔投我你就係鬼,本身都夠好笑啦,點寫呀d笑話。

剩係睇博恩點兜,係咁補飛,你就知幾好睇。

『你的一票很重要』
本日錄影買票進場觀眾請注意進場後選票將置於您的座位上請使用主辦單位所提供之紅色貼紙標示出您所屬意的候選人後將選票對折,於中場休息時依主辦單位指示排隊投票若有任何疑問,請舉手向工作人員發問———————…

STR Network – 薩泰爾娛樂發佈於 2020年1月4日星期六

 

仲有一個星期就台灣大選,祝大家好運。

杜絕假新聞 給你真新聞 請媒體與不肖粉絲團停止散佈假訊息否則薩泰爾娛樂不排除公開支持三號 期待媒體水準,除非中時改名成…欸,不用 現在蠻精確的中時電子報 三立新聞

STR Network – 薩泰爾娛樂發佈於 2020年1月5日星期日

 

Become a Patron!

 

作者:健吾

健吾
專欄作家、記者、編輯……商業電台節目《903國民教育》、《光明頂》主持,香港中文大學日本研究學系講師。著書超過40本。email:[email protected] |Facebook: facebook.com/kengopage |微博:t.sina.com.cn/kengowrites

閱讀後覺得好,請多多讚好及分享~:)

其他熱門文章

  • 【口罩知識】99% PFE 就等同 N95 口罩? by Tango Chan
    PFE(Particle Filtration Efficiency)則是顆粒過濾效率,以 3M 為例,他們會利用 0.1 μm 的微粒及 28 lpm 流速來測試外科手術口罩的過濾性能。而普遍來說,這項測試容許使用 0.1 – 5.0 μ…
  • 【遊戲新聞】街機版高達終於移植 《Gundam vs Extreme Maxi Boost On》今年 PS4 現身 by 五木
    相信絕大部份 PS4 玩家對之前隻《Gundam Versus》唔係好夠喉,不過 BANDAI NAMCO E […]…
  • 叄拾 by 藍兼併
    她結婚那年三十歲,在古代而言有點年長,在現代來說相當普遍。她的婚禮很華麗,在半島酒店筵開三十席,出席的朋友或親人都相當冠冕堂皇,至少在衣着打扮上,與場合絕配。她是個喜歡文字的人,長得漂亮,卻不算富有,也不在意婚禮的排場,只是夫家有點社會地位…
  • 叫我只幫襯黃店,不如叫我死左去算 by 達時製作 (On Time Production)
    所謂「黃色經濟圈」,只能盡做,切勿要以生活、消費都要100%去黃店嘅心態去管束自己同其他人。…
  • 武漢肺炎才是真攬炒 by Terence Yun
    昨日大陸武漢發出的資訊顯然是社區爆發,紙也不能包著火,國家亦知道不能再瞞或者所謂顧及國家形象之類,將疫情的通報以及防疫工作正式提升,習近平亦說明要打贏這次硬仗。因為最高領導都開聲,港府都即刻跟著老細調子,即時變得非常著緊,這就是今天的港府運…
  • 你左眼見到鬼 by 健吾
    當我要保住街頭表演文化的時候,這些人問我,為什麼撐 Mr. Wally 不撐這些大媽。很簡單,是她們惡俗,噪音滋擾,令人煩躁。她們在尖沙咀出現,令香港形象受損。那時候,不少街頭表演者還在撐左膠。…
歡迎讚好我們的facebook page,免費資訊源源送上。

文章資訊

ID: 202615
Date: 2020-01-06 11:28:12
Generated at: 2020-01-23 00:23:53
Permalink: https://www.vjmedia.com.hk/articles/2020/01/06/202615/網紅-vs-政客,有效果,邊個要負責?