又話香港亂,但大陸來港IPO就仍然繼續

 

 

今日香港人生活其實真的很平行時空,如果你住係港島區仲要中環及山頂的朋友,仲要連和理非都唔係黃絲,你最多係元旦日可能留在家中睇Netflix套「The Crown」第三季,望住瑪嘉烈公主係第三季突然矮左咁多,英女皇亦唔同左。然後晚上call Deliveroo已經覺得最影響緊你生活得好緊要之際,另一邊廂銅鑼灣原來正在大搜捕。這就是今日香港的不同生活,不同人生。

同時間,當政府同藍絲講到香港之死,係因為你班黃絲之累時,認為香港再係咁就無運行,但那一邊廂中國企業來港IPO仍然是源源不絕,沒有放慢其腳步,甚至有跡象顯示,一些美國上市的中國公司,亦有意來港第二上市。未來亦隨時有機會在美國退市,然後來港。而近日另一隻獨角獸大陸高科技公司沒有到美國上市,反而來港,就是AI技術見稱的「曠視科技」。

如果你是國際頂級科技公司,理應都會去美國上市,但是「曠視科技」卻到港上市,自然有其一定理由,當中包括多方面。
一、更貼近中國客戶,使大陸資金入市更為方便
二、中美貿易問題下,來港有保障,因為係自己地頭,「李小加持」
三、美國制裁公司的黑名單包括曠視

前兩個理由和其他中國企業來港上市,已經成了不少慣例,也是香港為何多年來仍然是中國企業走出去的最佳途徑而不是上海或者深圳市場。而在中美貿易的陰霾下,中國企業或多或少都會有其憂慮會否因為到美國上市而被當地的法規所限制,但到其他市場的估值亦不是很高或者有利的時候,中國企業較少到倫敦上市,到新加坡上市多是二線企業,一線企業始終是香港。

之於第三點才是關鍵點,美國的商務部制裁名單當中包括曠視科技,這制裁名單出爐後,是限制購入美國的零件產品。而更隨時因為這個限制,有可能對該公司作出更大的制裁,如禁其到美國公司上市等等。這一著曠視自然有憂慮到美國上市,其公司被指與新疆監控人臉識別技術有關,橫顧全球各地股票市場,最適合又符合到其要求,就只得香港。

有時候潘朵拉盒子打開,更加是意想不到香港這個金融中心比想像中更俱優勢,特別是在今天的國際形勢下。美國與中國形成角力賽,中國企業要融資今後會到美國市場自然有點卻步,退而求其次,便是香港、深圳和上海(澳門連毛都未有可以當吹),理應深滬市場也有其吸引力,但是外資到大陸又諸多限制時,香港便成了一個既方便中國資金進出、融資,外資可以入市時,更形成香港對中國企業融資的重要性,甚至是救命草,因為要知道大陸地方債務、企業債務嚴重,上市印銀紙是其中一個方法救市方法。

當然你精我也不笨,美國亦有可能會以企業有反美國利益或者國際問題而限制在港上市公司的資金與美國企業交易,亦有可能,那就是後話。

有傳百度都會來港第二上市時,未來同樣地會有更多大陸企業來港繼續上市,這個現像,並不是如政府所講香港經濟的悲慘境況,只是站在不同角度同不同角色下去看事件,你問iBank今年業績如何,其實並不差,至少比起對手新加坡好得多,新加坡就真的已經走入衰退期,最多是香港則在衰退期門口準備入閘咁囉,但係香港人在唔關我事的心態下,搵到錢的一批藍絲,並不覺得楊明間燉湯好大鑊,美心無生意,因為佢地係食慣IFC同半島,真係唔會理,所以藍絲都可以分好多種架。

 

伸延閱讀

阿里巴巴第二上市或吸引更多中國科技公司赴港上市
香港為何正成為一個科技中心?
曠視傳闖關成功 新石孖展超695倍
遭美國納入黑名單 AI獨角獸曠視科技:強烈抗議
【信心危機】人面識別技術涉監控新疆穆斯林,曠視有望成第三間「同股不同權」上市公司。

作者:Terence Yun

Terence Yun

閱讀後覺得好,請多多讚好及分享~:)

其他熱門文章

  • Client 問我點解自己係「仆街磁石」(上) by Professor Chan
    佢自從中學由女校畢業之後就無試過單身⋯⋯連一個月都無。每次同一個男仔分手,佢好快就會同另一個人一齊,佢話佢已經唔記得單身係咩感覺。…
  • Client 問我點解自己係「仆街磁石」(下) by Professor Chan
    依家,你重新行一次,你由出世到依家呢廿五年嘅經歷。好似一段Video咁,由過去,由開始播放,播放到依家呢一刻⋯⋯你可以由得唔同嘅片段喺你個腦入面播放,唔需要去控制佢,一路播一路同我講你見到咩。」我講。…
  • 香港人就係純樸到連日本人都可以喺度橫行霸道 by 白木乩
    就算係日本老母來到香港,無左其他日本人嘅目光,無左其他日本人文化監察,無左其他日本人鬧佢「打咩」、「巴加丫囉」、「渣媽」,出名桎梏出名壓抑嘅大和民族,都係會個性解放,係「個性」解放。…
  • 【遊戲新聞】NS糞級新作引起熱潮 《Final Sword》挑戰任記的可疑作品 by 五木
    以前超任、PS 年代因為資訊不流通,但係「買」Game 又極平嘅關係,所以成日玩到糞作。隨住資訊變得流通,今時 […]…
  • 由林美戀談起——藝人基督徒,係咪好好撈? by 殷琦
    無論16 年背夫偷食單野又好、現時與非基林作拍拖都好(雖然個人而言基與非基我是ok既...~)、「High Profile處理感情生活、信主後感情生活仍然混亂」是我覺得對你算中肯的評價。但這其實都超出一般教會的接納程度了吧?既然是藝人,言行…
  • 吃子的文化 by 健吾
    我有時會想,是不是真的有人會覺得「考得唔好唔緊要」,是一句安慰語。我考得好,所以我沒有辦法說什麼。對考得不好的同學,我也不能說「你考得不好不好意思」。更甚者,我有學生因為考得不好,進不了醫科而感覺遺憾終生,幸好他是一個鍥而不捨的人,讀完一個…
歡迎讚好我們的facebook page,免費資訊源源送上。

文章資訊

ID: 202633
Date: 2020-01-07 18:20:37
Generated at: 2020-07-08 23:21:34
Permalink: https://www.vjmedia.com.hk/articles/2020/01/07/202633/又話香港亂,但大陸來港ipo就仍然繼續