如果林鄭而家做做下特首,同你講佢失憶,只係記得中學畢業嘅野. . . . . .

 

 

「點解你會從政?點解你想從政?你點睇政治責任?你想帶領香港走去咩嘅方向?」

面對住十惡不赦嘅政治人物,我地都好想質問佢呢樣嘢。

我有時會諗,如果一個我好憎嘅政治人物,唔好講名啦,或者講啲作左古無謂得罪人嘅,例如希特拉咁先算,喺佢做最多衰野,即係例如決定大屠殺猶太人嘅時候,突然間被人扑中個頭,然後失憶,然後只係記得年輕時候嘅自己. . . . . .

18歲嘅希特拉,曾經想入維也納藝術學院,被拒諸門外,仲要係兩次。嗰陣嘅希特拉,無經歷過德國第一次世界大戰戰敗,無經歷過隨後嘅喪權辱國通貨膨脹民不聊生,無試過搞武裝奪權事敗下獄,仲未寫《我的奮鬥》。

性本善定係性本惡,唔同人都有唔同嘅睇法。做左總理嘅希特拉,如果突然失憶,變成好似一個學生咁天真,佢會唔會諗到搞啲乜嘢授權法案,會唔會搞啲乜嘢集中營,會唔會以全球德意志人居住區大統一為名武裝侵略?

歷史無如果,只能夠幻想。

 

 

1月23日喺香港上映嘅日本電影《首相失憶了》,正正就係將呢種幻想,透過電影帶俾觀眾。

電影入面嘅主角黑田,被蔑稱為有史以來最差嘅日本首相,喺面對示威期間被人投石擊中頭部,死唔去但係失憶,變到只係記得年少時候嘅野。

一個完全唔識政治,無經歷過政壇爾虞我詐洗禮嘅人,突然發現自己係首相,呢個設定本身已經好明顯咁講左製作人想表達嘅信息,用最由衷嘅心去領導國家,會為呢個地方帶來乜嘢改變呢?

香港經歷多個月社會動盪,突然有一堆後生仔女當選區議員,佢地都係懷著最純真最熱血最無垢嘅心去擔任呢個小公職,唔知佢地如果有朝一日,能夠攀登到政壇嘅高峰,會變成一個點嘅人,仲會唔會記得今日嘅熱心?

 

 

作者:容樂其

我覺得總編輯都有得出文係常識囉!

閱讀後覺得好,請多多讚好及分享~:)

其他熱門文章

  • Client 問我點解自己係「仆街磁石」(上) by Professor Chan
    佢自從中學由女校畢業之後就無試過單身⋯⋯連一個月都無。每次同一個男仔分手,佢好快就會同另一個人一齊,佢話佢已經唔記得單身係咩感覺。…
  • Client 問我點解自己係「仆街磁石」(下) by Professor Chan
    依家,你重新行一次,你由出世到依家呢廿五年嘅經歷。好似一段Video咁,由過去,由開始播放,播放到依家呢一刻⋯⋯你可以由得唔同嘅片段喺你個腦入面播放,唔需要去控制佢,一路播一路同我講你見到咩。」我講。…
  • 香港人就係純樸到連日本人都可以喺度橫行霸道 by 白木乩
    就算係日本老母來到香港,無左其他日本人嘅目光,無左其他日本人文化監察,無左其他日本人鬧佢「打咩」、「巴加丫囉」、「渣媽」,出名桎梏出名壓抑嘅大和民族,都係會個性解放,係「個性」解放。…
  • 【遊戲新聞】NS糞級新作引起熱潮 《Final Sword》挑戰任記的可疑作品 by 五木
    以前超任、PS 年代因為資訊不流通,但係「買」Game 又極平嘅關係,所以成日玩到糞作。隨住資訊變得流通,今時 […]…
  • 由林美戀談起——藝人基督徒,係咪好好撈? by 殷琦
    無論16 年背夫偷食單野又好、現時與非基林作拍拖都好(雖然個人而言基與非基我是ok既...~)、「High Profile處理感情生活、信主後感情生活仍然混亂」是我覺得對你算中肯的評價。但這其實都超出一般教會的接納程度了吧?既然是藝人,言行…
  • 吃子的文化 by 健吾
    我有時會想,是不是真的有人會覺得「考得唔好唔緊要」,是一句安慰語。我考得好,所以我沒有辦法說什麼。對考得不好的同學,我也不能說「你考得不好不好意思」。更甚者,我有學生因為考得不好,進不了醫科而感覺遺憾終生,幸好他是一個鍥而不捨的人,讀完一個…
歡迎讚好我們的facebook page,免費資訊源源送上。

文章資訊

ID: 202707
Date: 2020-01-11 02:52:51
Generated at: 2020-07-08 03:47:06
Permalink: https://www.vjmedia.com.hk/articles/2020/01/11/202707/如果林鄭而家做做下特首,同你講佢失憶,只係記