你愛香港就要愛埋香港人,你要救香港就要救埋香港人

 

喺網絡上,周不時有一班人成日笑香港人低能低質,無可救藥。呢啲批評可能啱可能唔啱,我都唔敢妄議。喺呢篇文,我只係想坦誠同大家分析一下自己究竟有咩選擇。

話說前嗰排,我有個朋友,叫A,佢走過嚟同我大吐苦水,話佢個老細有幾戇鳩,同事有幾廢柴,下屬有幾弱智,人工待遇有幾刻薄。

佢講完一大輪,我就問佢:「咁你仲唔辭工?」咁一個人去到呢啲地步,又梗係有一大堆理由啦,又例如啲咩就嚟升職呀就嚟加人工呀,諸如此類。
咁我就問佢喇:「咁你諗住畀個咩期限自己呢?期限前升咗職加埋人工,咁你走唔走呢?期限過咗目標又達唔到呢?你走唔走?」

我又話:「想攞個好啲嘅條件又好,點都好,最終都係走定唔走。唔走嘅話,你又想點做呢?」

引申到香港依家嘅情況都一樣。可能普遍嘅香港人喺你眼中同你啲同事上司下屬一樣咁反智,但係到最後你都要問自己:「走定唔走?」

想走,但係冇條件移民,咁就唔好搞咁多事,專心去搞移民,令自己有條件。

唔想走嘅,你一係變成另一個老屎忽同事,一係你就要有carry 成team嘅覺悟,殺出一條血路。

轉工好容易,而移民係一個好難做嘅決定。所以做得唔開心唔轉工係戇鳩,喺一個地方生活得唔開心但係又唔移民係好貼地嘅事(當然,大家又未必真係為移民做過功課)。

但係,留喺一間公司抱怨呢樣抱怨嗰樣係弱智,唔通留喺一個地方懶清醒屌呢樣屌嗰樣又唔係咩?一個人要改變個社會,首要嘅條件唔係能力,而係胸襟同覺悟,冇包容社會低能弱智嘅胸襟,冇背負弱者邁向終點嘅覺悟,就算幾勁都唔會改變到社會。

當你排斥緊個社會時,社會都排斥緊你。唯有融入其中,你先可以改變社會。

所謂be water,講緊嘅唔只係水無常勢,仲係講緊水善利萬物而不爭,點樣借勢而為,利用港豬嘅特積去成事去解決問題,咁先係一個人嘅能力所在,而唔係屌鳩人有問題就係有本事。

當大家識得諗「我點樣利用呢樣特性」,而唔係「呢個好有問題」時,咁就係大家可以領導港豬嘅時候。

所以,喺你面前只有三條路,1)移民;2)做港豬;3)清醒而痛苦地帶領成班港豬走到流住奶與蜜嘅應許之地。

 

作者:山城小豬伯

總編話佢:「真人係幾靚仔嘅」

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 202751
Date: 2020-01-13 13:45:10
Generated at: 2020-06-04 19:06:28
Permalink: https://www.vjmedia.com.hk/articles/2020/01/13/202751/你愛香港就要愛埋香港人,你要救香港就要救埋香