武漢肺炎肆虐,幾多香港人仲會正視「隨地吐痰」?

 

 

係我好細個好細個嘅時候呢,阿媽成日叫我行路要望地下,一嚟小心腳步唔好自己絆倒自己都唔好俾地上突然嘅不平而絆倒啦,另外以前香港未實施亂拋垃圾要罰錢嘅時期,隨地吐痰係一件平常事,你唔望住個地下嚟行真係好易中招㗎,嘔心到死……不過除咗啲痰外,真係隨街都係垃圾㗎,食完魚蛋嘅竹籤啦、包完雲吞嘅紙巾,仲有飲完嘅紙包飲品盒等。(以前好鍾意一嘢踩爆佢發出巨響㗎,做個乖孩子唔好學呀~)

然後仲係港英時期嘅政府決定嚴捉亂拋垃圾,電視廣告同海報都唔夠教育市民,哩招真係好有效,條街好快乾淨晒,啲人都習慣將垃圾扔返入垃圾桶,吐痰都吐落紙巾到再扔入垃圾桶,為咗方便市民每一條街都會有垃圾桶。不過咁呀~多謝阿董建華,係佢放寛大陸自由行,咁佢地本身就無乜德育文化㗎嘛,但政府初期都有嚴捉大陸人亂拋垃圾嘅,當時嘅導遊都會印好一啲規則俾大陸遊客嘅,但去到689做特首呢就唔同晒啦~食環非常嚴捉港人,但就對大陸人鬆手囉~之前幾年大把例子食環點對啲港人,尤其係基層嘅,例如嚴捉深水埗擺路攤阿婆,尖沙咀清潔阿嬸誤將清潔完嘅水倒入路邊水渠,用幾蚊呃啲執紙皮老人賣紙皮俾佢再出告票等啦~然後又有一堆新聞、網上嘅post見到啲大陸人隨地痾屎痾尿、亂吐痰等,但就無人理囉~

依家又要睇路做人啦~由細到大我都好驚見到啲嘔心嘅痰係地,每次見到都作嘔㗎!今晚我又作嘔幾次,但又唔敢唔望住地下嚟行。警署隔離開咗酒店後,條行人徑就多咗大陸人行,咁啲地雷情況係接近新年哩段時間嚴重咗啦…………依家仲要有武漢肺炎,除咗嘔心真係步步為營,如果踩中真係唔知係唔係應該掉咗對鞋佢。我知哩道好多型男索女跑步會經過嘅其中一個熱點,但提提大家睇路做人,唔好一時顧住昅仔女而誤中地雷啦~其實仲有鼠患問題,之前夏天真係會突然係你面前跑過,有啲女仔會嚇到嘩嘩叫㗎~行哩段路真係驚心動魄…………其實我好鍾意抬高個頭做人㗎,聽住歌望下天色,行過咗卓爾居,望過對岸有時可以望到月亮㗎嘛。我朋友就好鍾意望啲消防員練跑,點解佢知係消防?因為對方胸肌大喎。你知啦附近係紀律部隊宿舍吖嘛~(真係我朋友鍾意睇㗎,本人對大胸男人無性趣)

P.S:希望屯門各區區議員佢地會留意返隨地吐痰嘅問題啦,尤其武漢肺炎爆發期,而且大陸人嚟扮年貨,市中心嘅情況會嚴重啲。當然包括鼠患問題,唔想鼠年同佢地玩遊戲…………

 

 

作者:牛靈

牛靈
屯門開荒牛加盟成員

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 去到英國做警花(自稱),見盡社會光怪陸離。 by 英國警花
    早排見d移民谷,個個都好擔心治安,人人好似會抬個夾萬日日出街等人打劫咁款,好似治安除左偷竊打劫外就無野要考慮。講到治安,你有冇諗過英國好多警力其實花了在照顧精神病人身上?…
  • 解鎖記 by 健吾
    在泰國演藝圈工作的朋友說,聽說泰國演員之間,都會看不起「拍BL走紅的演員」,會覺得他們沒有演技,用旁門左道上位。只是,在這個時代,如果他們仍看不穿《sex and the city》中,samantha 說的現世代走紅秘笈:「首先是gay,…
  • 【PR】LEGO Bricktober 與你《共闖遊「樂」園》 四款限量版機動遊戲歡度 10 月節慶嘉年華 by VJGamer
     2020 年不經不覺已渡過大半年,準備踏入 10 月之際, 意味著 LEGO® Bricktober「玩」樂 […]…
  • TikTok 其實好重要 by 毛言地
    每個社交媒體都會有唔同嘅低能及危險玩意,就好似Facebook早前都有出現藍鯨遊戲,不過「危險」始終唔係Facebook嘅主流,大家上Facebook嘅主因唔會係為咗睇藍鯨遊戲比咩任務你。但TikTok當中低能嘅影片基本上係主流,咩Skul…
  • 「作為一個女仔識做家務係一件好可恥的事」 by 瓔庭
    「作為一個女仔識做家務係一件好可恥的事,你要同我記住。」細細個便響阿媽度學識呢句說話的Pat一家很完美的實行了這個「理論」,佢係一個十指不沾陽春水的大小姐。家中清潔、煮飯什麼的都是Pat的老竇同阿哥去做。甚至學校有家政堂寧願肥佬都唔肯去做任…
歡迎讚好我們的facebook page,免費資訊源源送上。

文章資訊

ID: 202817
Date: 2020-01-17 05:26:22
Generated at: 2020-09-20 06:38:29
Permalink: https://www.vjmedia.com.hk/articles/2020/01/17/202817/武漢肺炎肆虐,幾多香港人仲會正視「隨地吐痰」