感謝徐緣媽咪嘅勇敢,防止HPV 喺社區散播,大丈夫要有一套,好人一生平安。

 

徐姓公關專家廣告奇才,一直經營自己係好爸爸好丈夫,而竟然被前妻踢爆搞到佢HPV,呢一樣嘢可謂非常諷刺。

男女感情無對錯,然而一講到關乎身體健康,就有啱與唔啱。

防止性病傳播,係屬於公共衛生嘅層面,就算撇除所有道德觀,都應該好好咁正視呢件事。

 

自稱廣告人嘅徐俊文,徐緣係佢嘅筆名,同時亦係佢個女嘅真名,徐緣媽媽,係指徐俊文嘅前妻。

徐緣媽媽早一兩個月曾透露,以hashtag 表示自己同HPV 有關。

 

 

極重要,本文唔會猜度每個人嘅貞操,呢樣嘢絕對絕對係誹謗,呢度嘅一切只係以傳媒報道及事主自爆為準,完全唔會估呢啲呢啲關係以外有無其他性關係。

 

來源:英國皇家馬斯登醫院

 

香港家計會

 

HPV 全寫係Human Papillomavirus(人類乳頭瘤病毒),in case 你完全唔知病毒點命名,千期唔好俾個名呃到,HPV 同人類嘅乳頭係無關。乳頭瘤只係話嗰種瘤形狀似乳頭,HPV 係一種病毒可以感染人類之後令病人生出乳頭形狀嘅瘤。

HPV 嘅主要傳染途徑係性接觸,呢個傳染途徑唔係我吹水,見上圖英國癌症專科醫院都係咁講,如果你同我拗話HPV 去公廁惹到,不如你話同檯食飯會有BB。

絕大多數HPV 都會被身體清除,不論男女不論感染途徑,但一旦感染呢種病毒,就可能發展成為癌症,呢個就係子宮頸癌嘅元凶。

至於點解香港嘅衛生部門唔係跟國際標準咁描述HPV,與本文無關,呢度唔討論。

 

徐緣媽咪自爆受HPV 困擾,呢個係茲事體大,呢個係非常咁勇敢嘅挺身而出,提醒大家注意公共衛生,防止病毒散播,下文將申述並讚揚佢嘅勇敢。

首先,可以合理懷疑徐緣媽咪嘅病毒來自徐緣爸爸aka 徐緣aka 徐俊文,唉屌,好亂,下文叫返佢徐俊文。再重申,我唔會估佢有無其他性伴侶。

徐俊文嘅HPV 來源呢?合理懷疑就係睇落好文青嘅青山不墨。再重申,我唔會估佢有無其他性伴侶。

青山不墨嘅HPV 來源呢?唔知,我點會知。再重申,我唔會估佢有無其他性伴侶。

 

HPV 係無樣睇,睇落好文青好斯斯文文都可以有。點解有?因為睇落斯斯文文,唔代表佢呢個禮拜呢個月只有一個性伴侶,呢兩樣嘢係完全無關係,統計學概念稱之為irrelevant。

「佢個樣咁純咁玉女,寫文又好睇,佢被我tum 上床之前一定得好乖女架,就算黑鮑都係因為踩單車太用力。」呢個只係我為某啲去滾唔戴套嘅人,所設計嘅內心魔鬼呼喚,並不代表某一位廣告奇才嘅心路歷程。

咁就最大鑊。

就正如傷風感冒,有無可以傳染嘅病毒,係完全無樣睇,甚至連自己都唔知,性病都一樣,尤其是HPV 喺男人未必有明顯病徵,或者性生活及換性伴侶嘅頻率太高,身體未清除晒啲病毒就已經換性伴侶,就算唔病發,都可以將啲病毒周圍咁傳。

 

如果你係一個搭地鐵搭巴士都會戴口罩嘅人,唔該去滾嗰陣記住戴套。

鳩痕時,正正經經,打個飛機,或者叫個雞,總會比去滾唔戴套來得衛生。

一來真係有心經營嘅妓女,係會定期驗身,唔會俾自己病,病就開唔到工,影響生計;二來清純外貌唔代表性伴侶數字。

公共衛生,人人有責。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 202758
Date: 2020-01-18 16:52:14
Generated at: 2020-02-22 22:19:43
Permalink: https://www.vjmedia.com.hk/articles/2020/01/18/202758/感謝徐緣媽咪嘅勇敢,防止hpv-喺社區散播,大丈夫