就算唔貪議員寫揮春,都希望後生仔女幫屋企長輩攞!

 

鍵仔而家喺大興花園一期即席揮毫,仲可以報埋新年行大運!大家快啲落黎搵鍵仔瘋狂寫字啦~~~旅行團詳情睇呢度:https://www.facebook.com/313690202370780/posts/698570160549447/

潘智鍵 Gary Poon 發佈於 2020年1月17日星期五

 

記得細個嗰陣,新年前阿媽就會帶我一齊去買揮春,我就會好開心咁揀自己嘅祝福語,我所揀嘅阿媽都全接收,佢就年年一定會買「百無禁忌」返去,我哩個失控嘅細路真係咩禁忌嘢都走去做㗎嘛,見到張咁嘅揮春我就可以放心盡做。係街上都會有啲阿叔伯賺下外快,以自己歷練出嚟嘅鐵畫銀鈎以比店舖平宜幾元一張賣出新鮮出爐而貼心嘅揮春。到咗依家身邊嘅朋友就根據自己嘅喜好去買,有人一屋都係無咀貓卡通揮春,有人整個房門都係青蛙仔揮春,而我就鍾意剪晒花嘅福字,簡簡單單咁貼係門就好了。

係囉,我由細到大嘅概念都係啲嘢應該要等價交換㗎嘛,我見個個新進議員都請個師父嚟幫街坊寫揮春,有啲甚至自己出手,係開心嘅有議員咁肯送嘢俾街坊喎,有曝光率又可以同街坊互動建立感情。所以我就好奇究竟由幾時開始揮春係去區議員度攞嘅呢?由建制派嘅蛇齋餅開始?其實建制派捉緊人性嘅貪念,建立一個個歪風出嚟,但實事又無真正去做,令老一輩嘅街坊覺得你有嘢派你就係做到嘢,你出得糧就應該有嘢俾我。咁新生代嘅民主派區議員除咗要實踐自己立場做實事,亦要做埋建制派嘅蛇齋餅話俾街坊知「我有做嘢」,仲要扮鬼扮馬咁去做,睇見都覺得累。如果經過見到,真係要講句:「辛苦晒,多謝你呀~」

我地啲年輕一代嘅(喂!俾我哩個80後拉車邊啦~)通常都唔會貪圖哩啲小恩小惠,留返俾啲無收入嘅老人家啦~不過咁呀,我地身為有能力嘅後輩,為屋企添置揮春,送幾張俾認識嘅長輩,留意下長者鄰居有無,如果自己手字夠清秀嘅不要怕醜,送上自己親手寫嘅度身訂造嘅祝福語收嘅人會更加暖心,比起新年你講嘅十句八句祝福語更加衷心。我都試過收過朋友寫嘅揮春呀(唔係圖嗰張呀~),佢代佢隻貓寫喎,「喵喵喵喵」見到真係笑唔停囉~仲有幾日,大家發揮你嘅小宇宙啦~

新年快到,今年相信大家其中一樣最想嘅係「身體健康」,願大家關注衞生,關心老人健康,政府盡力隱瞞疫情,唯有我地做多幾步。鼠年就到,見到有議員出力為街坊做事,有啲甚至要上去老人家屋企同老鼠玩遊戲,哩幾年鼠患的確嚴重咗,辛苦各區議員一上任就接手以前建制派漠視嘅事。

 

 

作者:牛靈

牛靈
屯門開荒牛加盟成員

閱讀後覺得好,請多多讚好及分享~:)

其他熱門文章

  • 見工過份自信,其實都幾乞人憎 by 小盛女
    其實我唔係淨係想見仔,但係打咗十幾個電話都無人聽,有啲又放我飛機,得佢同另一個女人肯嚟見,呢個女人大我7、8年,經理級人馬,我係請助理,即係under我,其實我都知佢未必啱做,但見佢人工都唔貴就見吓。我不嬲對嚟見工嘅人都好客氣,首先我比咗張…
  • 我們都是活在Jonestown by 《輔仁媒體》編輯組
    Jonestown的教訓其實跟香港的命運相似得可怕。一群當初相信民主回歸的領袖,帶領香港人及其下一代「回歸祖國」,跟隨「中國人堀起」的路。「回歸」後中國人政經社全方位掠奪港人所有,理想崩潰而留下殘酷現實。這些領袖,有的醒覺了,卻做不了甚麼事…
  • 溝俄妹的技術研究 by 技術官僚主義者
    平心而論,俄妹同香港女仔嘅主要分別,係佢哋平均得分較極端:大部分唔係高過70分,就係低過40分;香港女仔係完全相反。大部分人在40至70分區間,成日見啲女有80分,已經俾窮ABC狗衝。因為中庸之道嘛。好似係。即係高過70分會俾同事/同學鬧死…
  • 跳老舞 by 健吾
    中環的教舞老師,年薪可以比做刁的ibanker 人工連bonus 高。有人在做不正經的勾當是事實,香港人愛看不起做不正經勾當,出賣頸以下的身體賺錢這回事,也是事實。…
  • 望住個EX 攬住新女友嗰種感覺真係呢. . . . . . by 莎拉舒
    成個人即刻頹曬,好想衝番屋企,唔想同任何人應酬,個天就真係好似同自己開緊玩笑咁,之前分手後一直都好想係條街撞番佢,見到有佢身上特徵既男仔都會停低望一望,例如釘黑色耳環既,成個情形就好似電視劇感動畫面,以為大家無見好耐,再次見番會發現原來好掛…
  • 【遊戲短評】勁好玩種米模擬器 《天穗之咲稻姬》落田及戰鬥皆令人欲罷不能 by 五木
    《天穗之咲稻姬》(天穂のサクナヒメ)公佈初期無乜人留意,推出後因為超認真嘅耕種系統意外地喺外國引發熱潮。實際上 […]…
歡迎讚好我們的facebook page,免費資訊源源送上。

文章資訊

ID: 202853
Date: 2020-01-19 00:21:10
Generated at: 2020-11-30 06:19:09
Permalink: https://www.vjmedia.com.hk/articles/2020/01/19/202853/就算唔貪議員寫揮春,都希望後生仔女幫屋企長輩