如果妳覺得生命無希望,不如試下被中出做媽媽?

 

大家成日咁諗係咪真係好灰呢?等我教大家一個正面啲嘅諗法,令大家對生命充滿希望同動力啦。

其實大家之所以會覺得咁嘅生活好灰暗,只係因為大家太過個人主義,覺得自己嘅生命一啲都唔精彩,冇乜驚喜。

歸根究底都係因為大家嘅視野太過狹隘,只係睇到自己嘅生命。而人嘅生命係有限嘅,當你只睇到自己嘅生命,你就會覺得人終有一死,但係到自己死嘅嗰一刻嚟講,自己嘅生命都冇乜成就,自己只係一粒齒輪,所有嘅進度最終都係白費。自己啱啱累積完,生命就完咗。

但當大家視野廣闊啲,睇到其他人嘅生命,就唔會咁諗。因為你會見到自己嘅生命對其他人嘅生命有咩影響,嗰時你就唔會當自己係一粒齒輪,而係龐大機器嘅一部分。

我舉一個簡單啲嘅例子,如果大家有細路,大家睇到嘅就唔會再只有自己嘅生命,仲有自己細路嘅生命,同時自己做嘅每一樣嘢、積累嘅每一樣財富都會有人繼承,好似打機二周目有人繼承裝備咁,逐步向上流動。當你睇得遠啲,睇到你嘅孫乃至更後代,你就會發現你打落嚟嘅進度永遠都有人繼承。

你唔係孤單嘅一塊骨牌,你嘅倒下會令到更多骨牌倒下,喺一齊會造成一場令人讚歎嘅表現。

因為人生有限,傳承先係最為重要嘅。所謂施比受更為有福,講嘅就係只有施予嘅人先可以擴大傳承,影響到更多嘅人。

而生仔就係最大嘅一種傳承,大家覺得生命灰暗嘅時候,不妨生下仔,咁自自然然就會有動力,有希望。

 

作者:山城小豬伯

總編話佢:「真人係幾靚仔嘅」

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 202955
Date: 2020-01-22 16:54:44
Generated at: 2020-06-03 02:04:53
Permalink: https://www.vjmedia.com.hk/articles/2020/01/22/202955/如果妳覺得生命無希望,不如試下被中出做媽媽?