你估auditor 真係怕武漢肺炎?

 

 

同事A:「有個intern 出job 食左天竺鼠,患左肺炎都要返公司狂咳,到處傳染俾人」

同事B:「有條team 係武漢隔離出job,成條team 染左肺炎。」

同事C一本正經地說:「根據聖經,當出現爭持不休,道德淪喪,世界上有重大災難,就係末日的徵兆。」

我話:「咁你怕唔怕末日?」

同事C:「我唔怕。」

我話:「咁你仲帶口罩做咩?」

同事C:「我要保護我屋企人同朋友!」

當中國不停的封城,但對審計來說,卻不代表停止新年後的中國field work,所以即使疫情多嚴重,多危險的中國地方,新年後都是要去的,但又為了什麼呢?

為了令老闆放心去簽audit report,為了出一個true and fair 的opinion。

原來在生與死的關頭,auditor 嘅命係幾咁賤,平時做到隻狗都算,但你份人工果幾萬蚊真係連性命都包埋?

我問另一位同事:「中國疫情咁嚴重,你新年後要唔要上中國?」

同事:「要上天律。」

我:「你唔怕呀?北京的疫情好嚴重,而天律同北京好近。」

同事:「你估我想上去,咁都要睇你manager 同partner 點睇?天律果間公司都係significant component,唔係話唔上就可以唔上?」

我:「但你可以叫client scan document 俾你睇,咁危險,未必一定要自己親身上去。」

我們的對話停在那一刻,我明白可否cancel 中國的field work, 不是由他來決定的。

又有另一位同事,她在新年後要去上海出job,本來director是跟她一同去,但疫情爆發到咁嚴重,director 不去了,但那一位同事還是要如常去上海出job。

我們先不說公司有一半以上都係nds (佢地全部返中國過年),亦不要說我有一個field work 在武漢,現在連可以怎樣做audit 也不知道(bank confirmation send 不了,document 又攞唔到),現在我們只講合唔合理。

攞你幾萬蚊人工,唔洗連命都博埋嘛!

這個肺炎可以沒有任何流感的徵兆,但七日之內就死去,而且嚴重率為25%,死亡率亦逹15%。想一想,攞個幾萬蚊,值唔值得去博?

新年,只想大家身體健康,就好了。

就放完長假,自己想一想,值不值得去博?還是決定剪爛那個回鄉証?你自己決定吧?

 

 

作者:FAKE 文青

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 203175
Date: 2020-01-28 06:22:41
Generated at: 2020-09-21 22:21:12
Permalink: https://www.vjmedia.com.hk/articles/2020/01/28/203175/你估auditor-真係怕武漢肺炎?